السلام عليكم ورحمة الله وبركاته
ازيكم جميعا ....
عملت اليوم على الغدا كفتة التونة وجنبها مكرونة بالصلصة فقلت أفيد اخواتى فى المنتدى بالصنف ده لأنه حقيقى مفيد وخصوصا للصغار اللى مش بيحبه ياكلوا التونة فنحاول نخبيها فى صنف هما بيحبوه وهو الكفتة.
وهو صنف سهل جدا عمايله
بسم الله نبدأ
اولا المقادير :
2 علبة تونة كبيرة - 3 حبات بطاطس مسلوقة
3 ملاعق بقسماط - بيضة - ملح وفلفل
حزمة كزبرة خضرا ـاو بقدونس (او ممكن الاستغناء عنها)
عصير نص ليمونة - بصلة مفرومة ناعم
فصين ثوم مهروسين
الطريقة :
1. نضع البصل المفروم على النار الى ان يجف ماءه ثم نحمره (نشقره بس) فى شوية زيت ونضيف الثوم ونقلبه شوية - ونضع البصل والثوم جانبا
2. نهرس البطاطس المسلوقة ونضعها فى طاجن عميق ثم نصفى التونة من الزيت جيدا ونهرسها ناعما بالشوكة ثم نضيفها الى البطاطس ونضيف البيضة والتوابل ثم نمزج الخليط شوية بالهراسة ونضيف 3 ملاعق بقمساط الى الخليط واذا احتاجت بنزود تانى
3. تصبح عندنا عجينة متماسكة زى اللى فى الصورة
4. ثم نكور العجينة كور متوسطة وندحرجها فى البيض والبقسماط ونبططها شوية زى اقراص الطعمية (وممكن تعمليها كور او صوابع حسب رغبتك طبعا)
وتحطيها فى الثلاجة مدة عشر دقايق عشان تجمد شوية
وعلى فكرة انا لقيت المقدار ما شاء الله كتير علينا فخليت شوية فى الفريزر احمرهم بعدين
5. وبعدين تحمريهم فى زيت غزير
6 . وبألف هنا وشفا وده طبق لأول رد
يارب يكون عجبكم ولا تشكرونى بس أدعوا لوالدتى بالرحمة والمغفرةوجزاكم الله كل الخير
الروابط المفضلة