كيفكن يا صبايا اليوم
ان شاء الله يكون الجميع بخير و عافية .. مكدوس الفليفلة من أطيب المقبلات عندي و على الفطور و العشا و بيصير بأي وقت ...
سوف نحتاج:
فليفلة خضرا حجم متوسط ، فاصوليا خضرا ، جوز مفروم ، 2 سن توم ، دبس فليفلة( حدة و حلوة حسب الرغبة)
*نملح الفليفلةو نضعها في مصفاية كي ينزل الماء منها.
* نسلق الفاصوليا نص سلقة و نضيف لها القليل من الملح و نضعها في مصفاية كمان و نتركها نص يوم حتى ينزل الماء منها.

*نحضر الجوز و الفليفلة الحمرا و التوم من أجل الحشوة.
* نخلط المواد السابقة مع الفاصوليا.

*لانضع للحشوة ملح ( الفليفلة و الفاصوليا فيهن ملح) .
*نحشي الفليفلة بالحشوة السابقة.

*نصف المكدوس في مرطبان زجاجي و نقلبه بالمقلوب و نضع عليه كأس شاي أو أي شي عندنا مناسب لكبس المكدوس و كي ينزل الماء منه.
*يبقى على هذه الحال يومين أو ثلاثة حتى نلاحظ أنه ما عاد نزل ماء ، نرجعه للوضع العادي و نغمره بزيت الزيتون.

*نتركه عدة أيام حتى يتشرب بالزيت و بعدين بالهنا و الشفا.

* يلا تفضلوا بسم الله****

السلام عليكم ورحمة الله وبركاته
تسلم الايادي يا قمر
شكله حلو قوي اول مرة اشوفه
وبما اني اول رد يبقي ادوقه من ايديكي\وآخذ البرطمان كله

*نصف المكدوس في مرطبان زجاجي و نقلبه بالمقلوب و نضع عليه كأس شاي أو أي شي عندنا مناسب لكبس المكدوس و كي ينزل الماء منه.

بدي اسال سوال لو سمحتى
مابيوقع الكاس او المرطبان بهاي الطريقة ولا كيف ؟؟

يسلموا ا لايادي ويعطيك الف عافية

كتبت بواسطة cliopatra

السلام عليكم ورحمة الله وبركاته
تسلم الايادي يا قمر
شكله حلو قوي اول مرة اشوفه
وبما اني اول رد يبقي ادوقه من ايديكي\وآخذ البرطمان كله

و عليكم السلام حبيبتي:
ألف هنا و شفا....دوقي لذيذ كتير و أكيد حتحبيه***
بس خلي شوي لباقي الصبايا معليش***

كتبت بواسطة وفــــاء

*نصف المكدوس في مرطبان زجاجي و نقلبه بالمقلوب و نضع عليه كأس شاي أو أي شي عندنا مناسب لكبس المكدوس و كي ينزل الماء منه.

بدي اسال سوال لو سمحتى
مابيوقع الكاس او المرطبان بهاي الطريقة ولا كيف ؟؟

يسلموا ا لايادي ويعطيك الف عافية

أهلا" حبيبتي:
ما بيوقع حطي صحن تبع كاسة الشاي أو أي غطا صغير ، بتسندي الكاسة عليه و خليه بوضع توازن ما بيصير شي...ألف هنا***