من فترة وانا نفسي اقدم لكم ملف بالمشروبات الباردة في الصيف وحاسة انه موضوع متعب لاني بلاقي صعوبة في كتابة الموضوع والتنزيل للصور
لان النت بطيئ والتحميل بطيئ وانا ابطئ وابطئ
ودخل الشتا قلت اعمل ايه
اعمل ملف للمشروبات الساخنة
وفكرتي للملف ده انه يجمع جميع المشروبات الساخنة الجديدة والعادية وفايدة كل مشروب ولو نبذة صغيرة عنه
لكن الموضوع طويل
لكن لقيت الحل
اني كل يوم ادخل مشروب او اتنين حسب ما ظروفي تسمح
وربنا يبارك في مشرفتنا انها في الاخر تجمعهم علي بعض
ده طبعا لو حست ان الموضوع يستاهل
ان ما كانش يستاهل
بلاش تتعب نفسها ويبقي عملت اللي علي واجري علي الله
رغيت كتيييييييييير 0000
واكيد بتقولوا اللي يحكي كتير يعمل قليل
ادعو معايا ان ربنا يوفقني في ملفي وينال اعجابكم يا رب
بسم الله نبدأ
اول مشروب
نسكافيه بالتمرواللبن
وابدأ بصورته علشان افتح نفسكم وبعدين نتكلم عن فايدته
[IMG]
[/IMG]
مكوناته عبارة عن
3تمرات
كوب لبن ساخن
2ملعقة صغيرة نسكافيه
سكر حسب الطلب
يتم خلط جميع المقادير في الخلاط
انا علشان احتفظ بسخونته اضرب في الخلاط نصف كمية اللبن واضيف عليه بقية اللبن من علي النار يعني ساخن جدا لان بعد الخلاط يكون اللبن دفي شوي
فائدة اللبن والتمر
1-يساعد على بنيان الجسم
2-اللبن والتمر مثل اسمنت وطوب قوي لاينفك
3-التمر كثير الحديد واللبن كثير كالسيوم
4-ثلاثه مرات في اليوم كافيه لجسمك
5-اذا استمريت على هذا الحال لمدة شهر او اكثر سوف ترا نتائج عجيبه
6- اللبن والتمر وجبه واحدة لا يتفارقان عن بعضهما
فائدة النسكافيه
منبه ويرفع الاكتئاب
وان كان له بعض السلبيات انه يحرق الحديد ويسبب الارق
بصراحة مشروب رائع احب انكم تجربوه
يتبع
^
^
الروابط المفضلة