اختى احنا على طول نعمل الفول فى البيت و بيطلع تحفة بس اتبعى الطيقة بالظبط ومش لازم تحطى كربونات اصلا وهيطلع زى ما انت عايزة واى سؤال انا فى الخدمة
انا هقولك على الطريقة البيتى اللى احنا بنعملها و الله بيطلع احلى من اللى برة و مش بنشترى فول من برة ابدا
انت بتنقى الفول و تغسلية كويس اوى و تنقعية من باليل للصبح فى الدماسة بتاعة الفول فى مية كتير
و الصبح تغيرى المية و تغطية بالمية تانى و تحطى معاة طمطماية و بصلة و كام فص
فص توم كل دة يتحط صحيح من غير تقطيع
و السر الخطير تحطى معاة يا معلقة رز او عدس اصفر يطلع زى الجاهز
و طبعا يكون متغطى بالمية و تحطية على النار لغاية ما الممى تغلى و بعدين توطى علية جدا جدا جدا النار
و تسبية لغاية ما يستوى و لو شرب المية كل شوية تزودية لغاية ما يستوى
الطريقة دية انا متاكدة منها لاننا فى بيت العيلة بنعملها كلا يوم جمعة و نفطر علية و ريحتة بتبقى مالية الدنيا
الروابط المفضلة