اكتبوا بقى ورايا المقـادير ...
1- عدد 2 بطاطس كبيرة ( بس مش أوي ) مقطعة مكعبات صغيرة
2 - ملعقة كبيرة زيت زيتون
3 - ربع ملعقة صغيرة كمون مطحون
4 - ملعقة كبيرة مايونيز
5 - ملعقة صغيرة ( بس مليانة كويس ) جبن سايل اي نوع ( بس يا سلااام لو بطعم الشيدر )
6 - ملح + فلفل اسود ( حسب ذوقك )
7 - نصف مكعب مرقة دجاج
8 - كام عود بقدونس ( مش زيادة )
معـــايا ؟؟؟
أوكي ... دلوقتي الطريقـــة :
- نحضر مكعبات البطاطس ونضعها في الماء الساخن (كمية الماء تكون يادوب تغطي البطاطس ... ولما تقل وتقرب تنشف تزيدي .. وهكذا حتى تستوي البطاطس وتكون ناعمة ) مع نصف مكعب المرقة وملح وكمون وملعقة زيت الزيتون .
- بعد ما يتم سلق البطاطس جيدا ... نهرسها في طبق عميق ونضيف عليها باقي المكونات ماعدى البقدونس .
- نقطع البقدونس ناعم جدا ... وبعد التأكد من خلط المواد جيدا مع بعضها البعض ، نضيف البقدونس المفروم ونقلب
- يقدم في صحن مسطح ويمكن تزيينه بقليل من حبات الزيتون ( والله لو فيه صورة كنت ارسلتها ... يطلع شكلها رائع ... ولا ريحتها ... جميلة )
ملاحظة : لا تكثري من الكمون ابدا ... هي مرة واحدة فقط - مقدار ربع ملعقة اثناء السلق
كمان لا تشطفي البطاطس بعد السلق ... ممكن كل النكهة تروح .. !! ماشي ؟
ان شاء الله تعجبكم يا بنات ... وادعووولي .... احبكم في الله
الروابط المفضلة