الســـــــــــــــــــــــــلام عليـــــــــــــــــــــــــكم
كيــــــــــــــــــفكم يا حلوين ؟؟؟
وحشــــــــــــــــتوني
أنجل : كيفك حبيبتي ؟
و شو آخر أخبارك و شو طبختي اليوم؟


ام جهاد : كيفك حبيبتي؟
أنا فكرت المثلثة معجنات على شكل مثلث
ههههههههههههه


رند :
هلا يا عسل
أنا بخير الحمد لله كيفك انت ؟


رندوش :
مساء الخير
كيفك حبيبتي
الحمد لله طمنتينا على وعود
سلمي عليها كتير
و صحتين يا عم على ورق العنب
الله يعينك على لفه

لونلي :
أهلين حبيبتي
كيفك انت ؟
أنا تمام الحمد لله
يا رب يتقبل منك صالح الدعاء
جزاك الله كل خير

ماما نبيلة:
مساء النور حبيبتي
و نحن مشتاقين كتير
أنا بخير الحمد لله
امبارح كنت متضايقة كتير على ابني
قلبي محروووووووووق عليه
تذكرت له مواقف كتير حبيب قلبي
و رحت شفت صوره
و انهريت من البكاء
و بالليل اجوا أهلي بابا و ماما و غيرت جو و الحمد لله

فيوليتا :
و عليكم السلام يا عسل
هلا بالقمر
صحتين عالبيتزا و السينابون (أيوة كدة)
الله يسعدك يا رب
أنا اليوم اجازة ما طبخت
عندي من امبارح ملوخية و دجاج

و بكرة جاية عندي أختي ام ميدو
ما بعرف شو بدي أطبخ
يمكن أعمل مقلوبة أو رز أووووووزي

و الحلو عليها
بدها تجيب لي قالب كيك بالأناناس


أم أيموني :
كيفك حبيبتي ؟
طمنيني عنك
و كيف الحمل ؟
الله يعطيك الصحة والعافية يا رب
و تجيبي لنا أمور صغير و زي العسل

باقي الصبايا ليه ما بنشوفكم
طلوا علينا
أترككم في أمان الله

كتبت بواسطة أم جهاد حنتولي

الله يسلمك يا رند ...
وعود ولله الحمد بخير ... مازالت صامدة على موقفها ... وبتداوم غصب عنهم ... بس مقاطعينها
يسلموا أم أيموني بدي أروح أشوف الأكلة الصينية ...

كيفك ام جهاد شكرا لانك طمنتينى على وعود

كتبت بواسطة فيوليتا

رند القلقاس زاكي اهلي بيعرفوه من ايام فلسطين بنطبخه زي يخنة البطاطا بس زوجي ما بيعرفه وما بيرضى ياكل منه عشان هيك باكله لما ازور اهلي

فيوليتا انا بعرف القلقاس جارتى كانت مصريه وتعمله شكله زى البطاطا بس ما جربت اكله يمكن زاكى صحه وعافيه على قلبك

كتبت بواسطة كيندة

رند :
هلا يا عسل
أنا بخير الحمد لله كيفك انت ؟


ER]

هلا فيك يا غاليه

تمام الحمد لله على نعمته الله يصبرك علشان اولادك الثانين

سلام للكل

السلام عليكم ورحمة الله وبركاته
مشتاقتلكم كثير بس مشغولة اكثر
طمنوني عنكم حبيباتي

صباح الخير والخيرات على عيون احلا 66666 وصبايا
ام ايموني شو هالصيني هاد شي بيفتح النفس بس نفسي
اعرف ليه الصينيين ما بيسمنوا؟؟؟؟؟؟؟؟؟؟؟؟؟؟؟؟؟؟؟؟؟؟؟؟
فيوليتا القلقاس انا بطبخه مره بالسنه لان ابو العيال بيحبه واهل البيت ما بيحبوه
وبنعمله فعلا متل يخني البطاطا بنضيف ليمون وبقدونس عليه وطيب طعمه
كينده عزيزتي صحه وهنا على قلبك سلمي على ام ميدو واحسبوا حسابي
بكيكة الاناناس فكرتيني بيها
ام جهاد الله يصبرها وعود على الامتحان والله صعب كتير كان الله في عونها
رند عزيزتي ما عندكم قلقاس ببعتلك ههههههههه
وين ام صائب صحيح وام حكم وماما نبيله يمكن ما عرفوا العنوان الجديد ههه

ام البنات اظهر وباني عليك الامان شو صار معنااااااااااااا

[CENTER]

كتبت بواسطة randd

كيفك ام ايمونى وكيف الحمل ؟؟

هلا والله بالغالية.. وينك زمان القمر ما بان.. شو الحلو تقلان؟ بس صحن الفول اليوم .. الله يسعدك ياغالية..

كتبت بواسطة أم جهاد حنتولي

يسلموا أم أيموني بدي أروح أشوف الأكلة الصينية ...

الله يسلمك يا عسل..

كتبت بواسطة كيندة

[امبارح كنت متضايقة كتير على ابني
قلبي محروووووووووق عليه
تذكرت له مواقف كتير حبيب قلبي
و رحت شفت صوره
و انهريت من البكاء
و بالليل اجوا أهلي بابا و ماما و غيرت جو و الحمد لله

معلش حبيبتي هاد إختبار من رب العالمين ليختبر صبرك .. وإنت عارفة إنو الصابرين يوم الحساب إلهم باب لحالهم .. وبعدين هلأ بيكون صار عصفور بالجنة (الله يرحمو ما بعرف قديش كان عمره) والعصافير بتشفع للأهلها ..

كتبت بواسطة كيندة

أم أيموني :
كيفك حبيبتي ؟
طمنيني عنك
و كيف الحمل ؟
الله يعطيك الصحة والعافية يا رب
و تجيبي لنا أمور صغير و زي العسل

حبيبة قلبي.. أنا الحمدلله بخير .. وأموري ماشية . .عندي شوية مشاكل بس ولله الحمد جبارة.. حملي تمام لا يخلو من الآلام .. وربي يعافيك ويسعدك ويطول بعمرك يارب..

كتبت بواسطة رندوش

ام ايموني شو هالصيني هاد شي بيفتح النفس بس نفسي
اعرف ليه الصينيين ما بيسمنوا؟؟؟؟؟؟؟؟؟؟؟؟؟؟؟؟؟؟؟؟؟؟؟؟

أهلين يا عسل.. كيف كان ورق العنب؟ وعلى شو عملتيه؟

الله يسعدك يارب.. وبتعرفي إنو اكتر أكل صحي بالعالم الكل الصيني ؟ عشان هيك بيتخنوش واعتقد طبيعة أجسامهم وحركتهم وأهم شي مخهم قلة ما بخترعو هاد لحالو سبب كافي ينحفهم .

السلام عليكم
كيف اصبحتوا اليوم ؟ انا اليوم سعيدة لاننا بكرة وبعده عطلة يا سلام ...الله يوفقني واقدر اخلص كل الاشياء اللي بدي انجزها بهاليومين

هلا والله..

الله يعطيك العافية ويقويك يا فيوليتا..

والله حتى أنا اليوم عندي حفلة تعزيل اواعي أيمونه لما كان بيبي عشان بدي أبلش أجهز للبيبي الجديد.. وتخيلي بدك تجرد اواعي كلها قد النتفة .. الله يقويني .. ويقوي الجميع..

وين باقي الصبايا ؟؟؟؟؟؟؟؟؟؟؟؟؟؟

نهاركم سعيد يا صبايا
أسأل الله خير هذا اليوم و خيرما فيه و أعوذ به من أي شر فيه إلهي أسألك بكل دعاء مجاب عندك أن تصلي على سيدنا محمد و على آله و صحبه صلاة ترضى بها و يرضى بها عنا و أن تفرج بها كربنا و تشرح بها صدرنا و تقضي حوائجنا و ترد غائبنا و تشفي مريضنا و تنصرنا على من عادانا و ظلمنا و تنولنا رغائبنا و تقضي ديننا و تجعل لنا من الضيق مخرجا
ربي إليك المشتكا و بك الأمل و الرجا
لا إله إلا أنت سبحانك إني كنت من الظالمين
لا إله إلا أنت سبحانك إني كنت من الظالمين
لا إله إلا أنت سبحانك إني كنت من الظالمين
و آخر دعوانا أن الحمد لله رب العالمين و الصلاة و السلام على سيد المرسلين و آله و صحبه أجمعين