روعة روعة
الله يسعدك ياشيخة على هذه القصة اللي تفتح نفس الواحد يقوم يشتغل في البيت على رواقة
كملي وطولي الاجزاء شوية لو سمحت

ما قلت لكم ربيعة بنت ناس



سبحان الله أحلى حاجة لما تجي وحدة كبيرة في السن تعترف بقدرك >>> اندمجت

والله شيء

تستاهل ربيعة كل خير عمره الطيب مايروح هدر .

حمرة فشيتي غلك في احلام ولا لسة ؟؟

طبعاً إليي سار أعطاني دفعة طاقة قوية إني أقعد باقي اليوم ..طبعاً ماطولت

كتير..قعدت شويتين مع (حنان) إليي كانت آخر كآبة ..والله في نفسي

حزنت عليها ولادة زي الهم وبعدها خصمة زي الناس من (أم جوزها)..

بس كل دقة بتعليمة..

المهم جا (جوزها) وأنا بأغير للبنت قمت صكيت علي الستارة ودخل فتح

موضوع مشوق مرة معاها..

:_ الحمد لله على سلامتك يا (حنان) .

:_ الله يسلمك ..فين كنت.؟

هو وقته يا(حنان)..إيش بها دي الحرمة شكلها راح تنفجر..

:_ في العمل ..مو عارفة إنو اليوم عندي دوام..

:_ هدا كله في العمل ..أنا خرقت التلفون عليك وماترد ..ولا الجوال يشبك..

:_ طيب معليش سامحيني دي المرة..

:_ دي المرة؟ إنت تحسبها بالسهودلة دي؟ بالله عليك لو أخوك (حسن)

راح العمل هو كمان كان ولدت أنا في البيت؟

:_ إنت إيشبك حمقانة كدا ..الحمد لله ربي سهلها وولدتي وخلصتي.

:_ إنت ماسمعت (أمك) إيش سوت..جات خبطت دمي وراحت..وولدت

وخلصت بدي السهولة كدا ..طبعا مو إنت ماتدري عن شي.

:_ يادي (أمي) وشكاويك منها..

إيوة وحدة بوحدة زي ما إنت خبطتي دمي..ربك خبط دمك..وي أنا إيش بي..

مسكين الرجال قعد يهدي في الآدمية إلين طفش حياته ..بعدين رما لها

القنبلة اليي كان مؤقتها.

:_ إيش رأيك يا(حنان) نسمي البنت (عباسية) ..على اسم (أمي)..

:_ إيــــــــش؟ إنت أتجننك والا قاعد تسوق الجنان على راسي..؟ تبغى تموتني..تميسها (عباسية)؟

:_ إيوة على اسم (أمي).

:_ سيبنا من (أمك) دحين ..إنت مستوعب الاسم ؟ حتى ما أدري إيش

معناه؟ لاااااااااااااااااااا أكيد صابك شي..

:_ شوفي يا(حنان) ترى من الصبح وإنتي فاقعة مرارتي مافي غير عباسية

..عجبك أهلا وسهلا ماعجبك عسا عمره ماعجبك ..سامعة ..

وقام رقع الباب وراه ..وقعدت (حنان) تبكي..

والله ما الومها ..إيش (عباسية) دا كمان..أصلا هي (أمه) مو

عاجبها..الحمد لله على كل حال.

ترتيل فينك من زمان انا فكرت اسويها فصول وكل فصل قصة لوحده ..وبهده الطريقو راح تطول القصة ..

a&a تعرفي القصة تصلح لتعليم التعمل مع الناس بطيبة وبدون كسر الجناح .. مافيها شي لو كنت طيبة واعامل الناس زي مااحب يعاملوني وفي نفس الوقت ماتنازلت عن حقي وخليت اليي يسوى واليي مايسوى يتعدى عليه....

ام 3 بنات ..ممكن اعرف ايش دخل شغل البيت ؟ ..

صدى ..تصدقي عاد بغيت اسويها هي كمان قوية مستوية بعدين قلت بلاش سدة النفس ....

ام سهيل.. ..اظن ارجع ابهدلها شوية ..بس الين دحين ماقررت على شي اكيد

حمرة لاتضحكي علي
كانت نفسي مصدودة مرة ومالي خلق اقوم اشتغل وجلست على النت والا مرة عجبتني وقمت زي الملوينة
عرفت ايش دخله

حمرة
اما زوجها غلس غلاسة
الحرمة توها نفسانة ويجي يحرق دمها .

اما مسلسل .

بتجننننننننننننننننننننننننننننننننننننننننن يا وجنات يا أديبة انت
عباسية؟ والا انه مفتري ههههههههههههههههههههه
بس شفتي.. طلعت بنت مثل ما بدي
وأعتقد أنه الرجال متزوج والا هي بهالدنيا..
يالله اختمي عاد لأني شوبت من التحمس

الى هنا ونصل الى ختام الحلقة الاولى من المسلسل الحجازي يوميات ربيعة ..
نترككم في رعاية المولى والى اللقاء في الحلقة القادمة ..بعد ما ارجع من السفر..ان شاء الله..

حللوني لو سمحتو..

ام 3 بنات ... اجل الحمد لله فتحت نفسك عقبال ماتقعد مفتوحة دايما..

ام سهيل ..قمة الغلاسة سبحان الله .. بس اليي يشوف مصيبة غيره تهون عليه مصيبته..الحمد لله محد سوا فينا دي المواقف ..

ايمان ..انت لك قعدة بعدين ..اعذريني اني صدمتك ..لكني مرة مشغولة والله ..ربي عالم بحالي ..اسرق الوقت سرقة عشان اكمل دي الحلقة .. بس طلعنا بشي مفيد ..الحمد لله ..