بصراحة المسلسل كل ماله يحلو وبصراحة ام زوجها طلعت طيبة ماهان عليها تسيبها زعلانة
واحسن شيء سوته ربيعة صارت تسوي زي مااهرج الين احد يهرجني .

وبعدين جبت سيرة الولادة مغصتي لي بطني لاني افكر لو جتني الولادة وزوجي في العمل ايش اسوي واهلي ساكنين بعيد عني اهي اهي

كملي ياغالية .

والله ربيعة طلعت بنت ناس

لسة بتفكّريني بمشقاص


كملي يا حلوة

حمرة
ايش هدا تجنن الاجزاء الاخيرة الله يسعدك يس في شي ملخبطني شوية لمن طلعت وهي زعلانةلسة ايش صار مع هوازن وانغام وليش الزعيق؟
وربيعة والله بنت اصول على قول ستي كل وحدة تتصرف باصلها وتربيتها
وتسلمي عيوني

عصفورة ايش صار معك؟

يوميات روعة أختي حمرة الورد

كملي ونحن متابعينك

رائع ..رائع
اكملي يا غالية
فنحن بالانتظاار

بعد ماطلت لي قرون ..وشعري وقف . .جا السيد (طلال)..وطلعت تاني

أشوف إيش سار في الآدمية ..لحسن الممرضات أعوذ بالله..إلا تجيني ممرضة

:_إنتا أخت (حنان)؟

:_ إيوة أي شي أختها والا أمها..

:_ (حنان) دوبو ولدت ..وتبغى إنتا بسرعة..

قلبي أنقبض ..ياربي ..ياربي ..إيش تبغى بي ..

:_ جوزها جا أناديه؟

:_ لا هي قول نادو مرافق حق هي.

:_ طيب أنا جاية..

دخلت الغرفة لقيت (حنان) شايلة نونو لابس بمبي..ولما شافتني تبغى تطير..

:_ تعالي (ياربيعة) الله يسعدك..شوفي (بنتي)..

بنتها !!! إيش تقول دي..آخرتها بنت..كل ديك المشاكل وتطلع بنت..بعد

بلامة دامت شويتين. .رديت عليها..

:_ ماشاء الله تبارك الله ..الله يبارك لكم فيها ..ماشاء الله زي القمر.

:_ (ربيعة) والله العظيم ماني عارفة كيف أشكرك ..بصراحة موقفك اليوم

خجلني مرة . .وسامحيني بالله على قلة الزوق إليي سويتها..

طيب

ام سهيل ..الله يسهل عليك ويبلغك ساعة السلامة..

صدى ....

ام 3 بنات..الله يسعدك فتحتي نفسي .. ..سبينا من هوازن دحين..

متفائلة .. اهلا بيك..

سراب الليل...شرفنتنا الزيارة..

رووعة لكن طوليها لاني حاسة إن القصة اوشكت على الانتهاء
جزاك الله خيرا

المهم جابت بنت ولد أبغى أرجع بيتي دحين ..حيلي مهدود ..وبزورتي مبهدلين ..

لكن هيهات ..أتصلت (خالتي) وقال لي :_ (ربيعة) خليك في المستشفى أنا جاية دحين..

طيب تجي والا تروحي أنا إيش لي..ومن متى ماشاء الله الزيارات ..كلنا

ولدنا ولا زارتنا ..يعني دي على راسها ريشة..

والله كم مرة فكرت أسوي قواية وأرجع البيت لكنها أتصلت على (حسن)

كمان وحسبت حسابها ..أضطريت إني أستناها.

المفاجأة لما جات خالتي..معاها (أحلام) و(رجاء) و(رتيبة) و(منال)..لمت

كل إليي قدرت تلمهم .

إيش معنى طيب (حنان) ..والا عشانها مرت الصغير..

تدرو ..من جد (إن بعض الظن إثم)..لما دخلنا الغرفة ..وكشفو وجيههم

لقيت الوجيه ملطشة تلطيش..كأنهم أكلو محاضرة في البيت ..طبعا أقصد (أحلام) ..

جاتني (رتيبة) وقالت لي أتفرجي ..مافهمت إيش تقصد إلين أفتتحت

(خالتي) جلسة المحكمة وجابت محل الخصام..(البنت).

أول شي كلمتني.:_ (ربيعة) ..الله يبيض وجهك ويسعدك يابنتي ..وقفتك

مع (حنان) ماتتقدر بتمن..والله إنك بنت أصول.. وبنت ناس متربية

..ماخيبتيني من يوم ماأخترتك لـ(حسن)..

نفخت صدري وفتحت إدني ..

:_ أما إنتو ..ماتستحو على وجيهكم ..شفتو آخرتها ..طلعت بنت..

لا(علي) ولا (إسماعيل)..بس قليتي الأدب ياست (أحلام) على وحدة في

مقام أمك..وطولتي لسانك.. جاتك من ربنا ..تاني مرة ما أسمح لقلة حيا

زي كدا تصير في بيتي ..سامعين ..قومي يابت (أحلام) سلمي على مرت

أخوك وأستسمحي منها ..بسرعة ..أنا بأهرّجِك..

طبعا المنتظر مني إني أقول لا أبداً والله ..سامحتها..لا.. قعدت زي الصنم

وخليتها تجي تبوس راسي وتعتزر زي العالم والناس..

يحيا العدل..J

يحيا العدل
يحيا العدل

والله حتى هي ماهي سهله...كانت كانها قاعده على قلبها وهي في المستشفى......وبعد موقفها من احلام يبين انها ماهي هينه

اتحفينا بباقي القصه الله يجزاك خير