[قعدت أسبوع زعلانة ..ومحد سأل في ..بس بصراحة أرتحت .. حتى

(خالتي) معد نزلت لها ..والله زعلت على نفسي ..ماهان عليها تخاصم

(أحلام) عشاني ..وأنا إليي موقدة أصابعي العشرة شمع لها ..

جا الربوع التاني ولا (خالتي) ولا(أحلام) ماجات أعتزرت ..قبل المغرب

لقيت خالتي فوق راصي :

_مسا الخير (ياربيعة).

_مسا النور .

_كيف حالك (ياربيعة)؟ كدا ماتسألي عني أسبوع كامل.

قاومت نفسي عشان ما أنفجر ورديت بهدوء:

_ مو أصلو (ياخالتي) ........

مو إنتي مادافعتي عني ولا قلتي (لأحلام) تستحي على وجهها ..أنا أجيب

قدها وربيتها زي وحدة من بناتي..

وشهقت أبكي ..أظن محاولات الكتبت مافلحت.

_معليش يابنتي لاتزعلي منها إنتي قايلة إنها صغيرة وجاهلة.

_ لا(ياخالتي)مهي جاهلة دي متجوزة وعندها بزرة ..كيف تبغى تربي

بزرتها إزا هي جاهلة؟

_ خلاص طيب سامحيني أنا ..وإنتي عارفة إني ما أقدر على الدرجان وعشان

خاطرك طلعت لك ألين هنا ..هيا قومي غسلي وجهك وتعالي معايا ننزل .

كمان فيها نزول ..الله يستر بس.

قمت غسلت وجهي إليي ساير زي العجين الخامر ..كل عين أكبر من

أختها ..

نزلت.. شفت (أحلام) وسلمت عليها وسلمت علي ..ولا كأنو سار شي.

وقعدت زي الصنم.. إزا محدكلمني ما أتكلم ..وإزا محد سألني ما أجاوب

..أصلا المفروض المسلم يعيش كدا ..قل خيرا أو اصمت..

سمعت طراطيش كلام عن (هوازن)..وقامت (أنغام) دقت عليها التلفون

وطلعت عندنا وراحو في غرفة الباطرمة وصكو الباب وصراخ وزعيق

..حمدت ربي إني يومها مقروصة لسة .[/\]

هههههههههههههه
والله رهيبه هالربيعه
زين ما سوت خلي خالتها على الاقل تفقدها(وحده مصدقه القصه)
وصدقت والله المسلم لازم يعيش كدا...بس عاد شنسوي ربي خلقنا حريم وما نقدر نسكت

الله يعطيك العافيه...واحنا في الانتظار لا تطولين علينا

عصفورة الربيع ..ارسلت رسالة خاصة لدونا ..لكنها لم ترد بعد..

ام 3 بنات ..طلعتي بنتيجة؟ لانه حتى انا عندي عطل في الرسائل..

ايمان..كنت راح ارسلك هي بس الحمد لله جيت برجليك.
e/nps/062.GIF[/img].اقولك مو خليني اكتب اول زي العالم والناس بعدين انشر ..بس ان شاء الله ناوية اضغط على نفسي في حكاية الكتابة شوية..

اما حنان .. ..انا كنت راح اسوي فيها كارثة ..بس فكرتك حلوة برضو..

ياعيني عليك يا حمورة


ترى كلمة ( موقدة ) داخلة هنا بالغلط على ما اعتقد
ايش رايك لو كانت (مولّعة)؟

حمرة الورد ..
لا أعرف كيف أشكرك ..
لا زلت بالانتظار ..
ولا أعرف متى يأتي الفرج ؟....

جزاك الله خيراً على ما فعلته لي ..

عصفورة ماصار شي معك ارسلت وقالو اتم التفعيل جربي

a&a والله من جد انها عاقلة ..خلتها تضرب المشوار كله عشان تعرف قيمتها ..

صدى بس احنا نقولها كدا .. ربنا مايحرمنيش منك..

عصفورة الربيع ..لاشكر على واجب ...

ام 3 بنات ايش رأيك في الجزء الاخير؟؟

يوم الخميس كل ناس في حالهم ..محد يدري عن أحد ..بس هداك الخميس

كان غير ..مرررررررررررررة غير..

من الصباح دق التلفون ..تدرو مين؟ (حنان) ..إيوة (حنان) سلفتي..

كانت قاعدة تبكي .. ولهجتها مو زي دايماً ..مافيها الفصنعة والتنفيخ حق دايماً .

_ السلام عليكم ..

_ وعليكم السلام ورحمة الله .

_ (حسن) في البيت (ياربيعة)؟

_ إيوة ؟؟؟في شي؟؟

_أظن جاتني ولادة ..ومرة خايفة. .و(طلال) مهو في البيت ..ومحد في العمارة..ووو
_ أصبري أصبري..قلتي ولادة؟

_إيوة من أمس وأنا تعبانة . .وكانو كلهم مشغولين في مشكلة (هوازن)

ومحد فضي لي ..

_طيب ألبسي دحين أنا أنزلك ..وأكلم (حسن) يعبي نفسه.]

نزلت لقيت الادمية حايسة في عمرها ومهي عارفة إيش تعبي في الشنطة

..وبعدين لقيت طنشة جاهزة أخدتها وقمنا على المستشفى..

طيب ليش أنا بالزات ؟؟ يعني الأسبوع اليي فات حارقة الدنيا علي. .ودحين

أجي أشوف الـ(علي) بسلامته ..

يارب صبرني ..بس برضو الولادة مافيها لعب ..ولا قلة حيا وإنتقام..

مايحتاج أحكيكم إيش سار فينا..طبعا خرجنا (أنا) و(حسن) والبزورة..

و(حنان) معانا على المستشفى ..وأنا أقول لـ(حسن) وديها مستشفى

خاصة إليي كانت تراجع فيها ..بلاش تجيب لنا الكلام ويقولو بعدين

(حسن) وداها مستشفى معفنة. .وطبعا آخر حوسة البزورة مع (حسن) وأنا

حايسة من غرفة لغرفة مع (حنان) ..إلين دخلوها كشك الولادة ..نزلت

لـ(حسن) في الغرفة وقلت له:_

شوووووووووووووف اخووووووووووووك فين أرضه ..ياربي.... إيش العالم هدول ..

:_ طيب إنتي كلمتي (أهلها)؟

:_ وأنا من فين أجيب رقم (أهلها) ..خلاص خلي (جوزها) يتصرف..

شي مو معقول كدا . .وروح ودي (البزورة) البيت شوف إمكن في واحد

من (أخوانك) يمسكهم ..إيش الحوسة دي

ياربـــــــــــي..!!

:_ ماما نبغى نروح بيت (ستي)..

:_روحو بيت (ستكم) ..كأنها هي ناقصتكم (أمي) إن شا الله تكون (خالتكم) عندها.

:_ (ربيعة) ...خدي جبت لك غدا . .من الصباح إنت قاعدة من غير فطور..

:_ ياعمري (ياحسن) ..إنت إليي حاس بي..تسلم لي ياغالي.

:_ الله يسلمك ..