صدووووووووووووو هذه الكلمة دايم على لساني لانه كل شيء في هالدنيا يجيب ايش






يجيب الصمرقع .


هيا ياحمرة كملي بسرعة تراني منتظرة احداث قصتك الحلوة .

(منال) جابت معاها خاطرة مفيدة وقلنا نقراها عشان الكل يستفيد .. وأتبرعت أنا بالقراية ..

ما لحقت أبدأ إلا قامت (أحلام) وزعقت في وقالت :_ إحنا

جايين نشوف( اُمنا) مو جايين نسوي مدرسة .

والله إني دُبت في مكاني ولا عرفت أرد والعَبرة خنقتني وشوية أبكي زي

البزورة لكن مسكت نفسي بالقوة وماعرفت أرد .. قامت (رجاء) سلفتي

اليي بعدي وقالت (لأحلام) :_ يا (أحلام) صلي على النبي يا أختي..

الأدمية ماسوت شي غلط.

الله يبيض وجهك (يارجاء) .. صحيح إنو (رجاء) مهي ملتزمة وعلاقتي بيها

مو قوية.. لكن إنسانة أخلاق مرة.. وكافية خيرها شرها وقاعدة في حالها .

(أحلام) زي اليي مقروصة والا صايبها شي أنفجرت زي القنبلة وقلبت

الماضي والحاضر وجابت من القديم والجديد ..

:_ أصلا مو منها من (أمي) اليي سامحة لهم بالمصخرة دي .

_ يا (أحلام) أحترمي الأدمية أكبر منك في السن .

_ بلا أكبر مني بلا كلام فاضي..أنا في بيت (أمي) وأولى من الغريب.

_ يا (أحلام) مايسير كدا هدي مرَت أخوك كيف تقولي عليها غريبة

..بعدين هي وجوزها اليي شايلين (أمك) وداريين عنها محد فينا يسأل عنها

زي (ربيعة) و(حسن) .

_ أتكلمي عن نفسك ياعمري.

_ لاياعمري إنت روحي أسألي (أمك) وشوفي مين اليي داري عنها .

_ أصلا (أمي) مدري كيف متحملتها ..

أنا خلااااااااااااااااص قعدت أبكي من قلبي يعني هدي اليي زي بزورتي قاعدة تسوي كدا .

ان شاء الله ارجع لكم بكرة بالردود ..

سعيدة جداً لعودتك يا غالية ..


حمرة الورد ..

أريدك لأمر هام ..
لكن لا أعرف كيف أخبرك ..
عودي سريعاً أرجوك

أكره ما عندي مشاكل السلايف واخوات الزوج
عشان كدا دااااااااااااااايما اكون رسمية معاهم

ياعمري والله مسكينة قطعت لي قلبي مصدقة الاخت القصة
بس والله اهل جوزها اقوية قواية الله يصبرها الله يخارجها منهم على خير بس

صدى .. .والله اني اخجل منك ..ترى لاتصدقي انه بيتي كان مقربع ..بس عشان اقول الكلمات القوية كتبت هديك الجمل..

تعرفي ديحين القربعة على اصولها شنط وكراتين مرة حلو ..

ام سهيل ايش رأيك؟ مو بس طلعت سلفتها اليي تجيب الصمرقع ..كله على بعضه . ..

a&a الله يعيننا على التأقلم مع العادات .. بس الحمدلله الوضع قاعد يتحسن وكله باجره ..

سراب الليل . .الله يسعدك ..عاد اتحملوني دي المرة ..بطيئة مو زي ماعودتكم.. ..

.

سمية ..يا هلا والله حتى انا اشتقت لكم ..الله يستجيب منك والحمد لله في تحسن..

ضاقت فلما استحكمت حلقاتها................ فرجت وكنت اظنها لاتفرج.

والله انك صادقة شي يفقع المراة ..الله يصبرها ربيعة .

عصفورة الربيع ..اهلا ياعزيزتي ..تعالي هنا والا هناك مرحبا بك في كل مكان. .

ارسلي رسالة خاصة على عنواني في المنتدى الاخر وساحاول الدخول..عندي بعض المشاكل في نظام الرسائل هناك..

ايش صابك يا ام 3 بنات . .ماتقري وتهجدي يا ادمية ..ترى كترة الخروج مهي طيبة ..تجيب المشاكل.. ..الله يسلمك ياقمر وانت كمان لاتحرمينا من الكلمات القوي دي..وان شاء الله ننبسط سوا..
شفتي كيف اهل حسن ..تقولي احلام دي طالعة من تحت الارض..

صدى وام سهيل. .والله من جد كل شي ساير يصرقع .. تصدقي ياصدى انه من الاسباب اليي مأخرتني اني ماني عارفة احط مشاكل ..الحمد لله ربنا راحمنا منها ..عندي سلفة زي العسل (ترى ماهي مشاركة عشان لايكون نفاق..) واخوات جوزي من زمان واحنا حبايب من قبل لانصير اهل
ابغى امر على قسم المشاكل الاجتماعية ..والم كم مشكلة واجي..

قامت (حنان) تشعللها زيادة .

_ خلاص ياجماعة .. تعبت من أصواتكم كله دا عشان كلمتين قريتها

الأدمية .. ترى (علي) تعب .

جات طينتها على راسي..كملت (أحلام) :.

_ كمان حكاية (علي) دا .. قعدنا نستنى (حسن) يسمي على إسم (أبويا)

الله يرحمه سنين .. ولما جات (رنا) بعد عشرة سنين جات بنت ولما جا الولد

بعدها بسبعة سنين سموه(أحمد) ولا رضيو يتنازلو ويسمو (علي) ..

ومتى جا (علي) بعد 20 سنة جواز ..والكل يقول مايسمي (علي) إلا

(حسن) .. (وحسن) أصلا مو سائل في الإسم ..

الله يجازيك ياكدابة (علي) جا بعد 18 سنة جواز مو 20 .. أصلا مو مهم

زي دول الناس مايستحقو المعروف..

حسبي الله ونعم الوكيل.. والله شوية ويغمى علي.

أخيرا جا صوت خالتي تسكت (أحلام) ولا قالت لها عيب ولا أستحي على وجهك.

خالتي الله يصلحها مرة مدلعة (أحلام) و(أنغام) .. عشانهم أتربو يتامى ..

بس (حسن) كان زي أبوهم وقايم على كل شي يحتاجوه وعلمهم ألين

جامعات دخلهم .

لكن حسبي الله ونعم الوكيل.