خلصو الاولاد الفطور وقرب موعد دوا جدتهم ..اخدتهم ونزلنا عند ام جوزي ..نسلم عليها ونعطيها الدوا..(اليوم دوري في بيتها)

_ السلام عليكم يا خالتي ..صباح الخير.

_وعليكم السلام ورحمة الله ..صباح النور ياعمري ..تعالو تعالو.

راح علي سلم على جدته اما احمد قعد يزن وماسك توبي ..

_ياولدي روح سلم على جدة.

_ احمد يا حبيبي انت ليش لاصق كدا في امك خليها تاخد نفَس . ياهادي يادليل يارب.

قعدنا ندردش انا وستي وفطرتْ واخدتْ الدوا ..وفي نص الهرجة دق الباب.

_شوفي ياربيعة يابنتي شكلهم البنات رجعو من المدرسة .

قلت في نفسي ..والله ما اظنهم البنات لسة بدري على موعدهم..سألت:_مين؟

_انتي هنا موقلتي عندك شغل.

_ايوة هو هدا شغلي ياهوازن ايش في؟

_ ولا شي ابغى اسأل ام جوزك اذا تبغى تنزل تتونس معانا .

_طيب ادخلي .

_في شي؟

_لا شي ولا مشوي ..اتفضلي بس.

ما ادري ايش بها دي الادمية اليوم.. يارب استر ..اللهم اكفنيها بما شئت.

بصراحة مالي نفس اقعد معاها لاتروح تديني كلمتين في جنبي تخليني اصوخ طول اليوم ..

_انا رايحة اسوي شاهي.

_ لا ياربيعة تعالي ابغاك تقعدي معانا .

_ ان شاء الله اجيب الشاهي واجي..

رحت غرقت في المطبخ الين مارجعو البنات من المدرسة ..ولما سمعت هوازن الفوضى
والاصوات قامت استأزنت.

_ مع السلامة يا ربيعة .. مع السلامة ياخالة.

_مع السلامة.

الآن ما صار أحد يتكلم المكاوي اللي هو غير الكبار في السن
تتذكري الدكة والحلاوة لدو ..


أيام!

احلى يامكاوية

والله دوبي راجعة من مكة ومن هرجة عماتي وجدتي الله يحفظها وي ايشبك يابنت ؟ حنيت لمكة واهلها وازقتها ؟ الله يردك لها بالسلامة .


صدو والله في شبكة بنت خالي وزعزا حلاوة لدو , ولبنية والله شيء .

اقول يابنت وراي المركب رايحة ارتب واكركب فيه .


حمرة تسلمي ياغالية والله يوميات حلوة .

رائع رائع اكملي يا غالية فنحن بانتظارك

عادت لنا الغاليه بقصصها الممتعه ..

متابعينك..

بسم الله الرحمن الرحيم
انا والله اشتقت لك يا اختي ومسرورة بمتابعة هذة اليوميات
الله يعطيك العافية ويبارك فيك ويرجعك سالمة لبلادك امين يا رب العالمين

الله مسلسل جديد
الله يعيني على المتابعه ...زي ازدهار ما خلصت اليييين نشفت دموعي....وكل يوم اشيك على الموضوع عشر مرات عشان اشوف مافيه اضافه
اسلوب مشوق و جميل ولهجه اجمل ...وهذا شي اكيد دام اليوميات مكتوبه باناملك الذهبيه

--**--
أم معين..
فينِك ياستّي..
منتظرينك--إن شاء الله المانع خير--
--**--

الله يبارك فيك ياسمية ..فيك الخير ..

يا عمري المدة اليي انقطعتها مهي قصيرة صارت فيها اشياء كتير ورا بعض ..وان شاء الله اروق افضى لكم ..

ماكنت احسب الاجازة كدا طفش وغسيل زي الجبل..

welcome back