بنت مصرية

فى يوم من الايام نورت انا الدنيا
ابويا فرح لكن امى تعبت فيا
قالو شيلوها بحنية بكرة هتكون صبية
فى ودنى قالو الاذان وروحو بيا
حطونى فى اللفة وانا لابسة جلابية
ونمت فى الغربال وسمعت اغنية
ودقو الهون ال يعنى جامدة وقوية
وصحيت فجاة وكانى اغم عليا
دخلت الحضانة ال يعنى هتعلم
وقعدت فى الفصل ولا اجدع معلم
اضرب فى العيال ويشتكو منى
معملش الواجب واقول غصب عنى
كنت تعبانة وبفرفر
وفجاة اضحك واكركر
ومر يوم والتانى
وكأن العمر ثوانى
حضانة ومدرسة وكلية
واهو البنت بقت صبية
فرحت بالشهادة وعلقتها عالحيط
واتجوزت وقعدت فى البيت
وفرحت بابنى وقلت عندى بالدنيا
واربى واكبر مهو اتعمل فيا
ودى كانت قصتى
قصة بنت مصرية

لذيذه القصة والله ههههههههههههه
كلامك حلو
خفيف الظل
تسلمي

تسلمو يا حبيبتى

الله المستعان

جميلة القصة بطريقة بسيطه مريحه
الله يسعدك يا غالية و يوفقك
ودي و احترامي ..

تسلمى اجتى ربنا يعزك يارب