بسم الله الرحمن الرحيم
اهلا بكم جميعا
مشرفين وأعضاء وزائرين
دى أول مشاركة ليا فى هذا الركن
ويارب تعجبكم
بس بأمانة اللى تعجبها الكلمات دى تقولى على رايها
واى نقد طبعا هتقبله
طولت عليكم
نبدأ
أمى وأبويا وأخويا وأختى
كنا فى بيتنا فى غزة مدينتى
قلنا الشهادة وفى إنتظار الموت
وصوت القنابل يدوى فى الأذن من قوة الصوت
ماتوا وسابونى فى وحدتى
فى الجوع والعطش وفوقى بيتى
ولا حد يجفف دمعتى
وفضلت على كده أيام
أعانى من غدر اللئام
وأمنيتى أعرف أنام
وأتهنى حتى ولو فى الأحلام
ومين ينقذنى ويحس بيا
وأنا الحيطان والتراب عليا
مش قادر أطلع للدنيا
وحتى لو قدرت إزاى أطلع وأقابل اللى قتل الحياة فيا
ويموتونى من الرعب قبل ما رصاصهم يجى فيا
من هنا أترك رسالتى وأوجه نداء
لتحموا كل طفل وكل مواطن من كل داء
قبل ما يفوت الاوان ويبقوا مثلى أرواحهم فى عنان السماء
الله اخترنى فى جناته رب الأرض والسماء
دمتم فى ود فى أمان الله
الروابط المفضلة