هذي ابيات عجبتني وحبيت انزلها لكم وان شاءالله تنال اعجابكم
واهديهــا للي ملكت حيااااااتي بس مدري وش اللي صار..؟؟
بدأت تبعد وتبعد وتبعد وصارت دمووعي ماتوقف عليها ابد ..ماودي اتكلم لأن العبره خانقتننننننننني
اترككم مع القصيده اللي احس انها تحكي عن معاناتي
مـن عـز نـومـي صـحـيـت وشـفـت فـي عـيـنـي..!
دمـع تـهـادى عـلى جـفـنـي وأنـا غـافـي
سـتـرت دمـعـي بـكـمـي قـبـل يـغـريـنـــــي ..!
وأخـذت هـذا الـجـسـد مـن بـاقـي لـحـافـي
وسـريت تـايـه ورى خـطـوات رجـليـنــي ..!
لا الوجـه وجـهي ولا أوصافي هي أوصـافي
أمـشـي وأقـول لـطـريـقـي لاتـوديـنــــي ..!
لـعـيـون نـاس تـبـي تـدري عـن الـخـافـي
أمـانـتك .. خـلـها مـابـيـنك وبـيـنـــــي..!
خـابـرك يـالـدرب خـوة عـمــر وسـنــافــي
مـاودي الـنـاس تـدري وش يـبـكـيـنـي ..!
كـرامـة الـنـفـس ورث أبـوي وأســـلافــي
أمـشـي وأحـس الـخـنـاجـر فـي شـرايـيـنـي ..!
والـبـرد يـمـشـي وراي ويـنـهـش أطـرافـي
وحـيــــد والـلـيـل بـردونـه يـغـطـيـنــي ..!
تـقـول كـن الـبـلد روح بـهـا الـســافــي
إلـيـن مـاأوحـيـت لـي صـوت يـنـاديـنـي ..!
صـوت أعـرفـه مـثـل ما أجـهـل وش خـلافـي
قـمـت أتـلـفـت وأنـادي ... لاتـخـلـيـنـي..!
مـاغـيـره الـصـوت .. هـذا صـوتـه الـدافــي
تـعـال .. شـف غـيـبـتـك كـيـف أثـرت فـيـنـي..!
تـعـال .. شـفـنـي وأنـا أغـرق عـقـب مـجـدافـي
تـعـال.. خـذنـي ورحـبـي مـن عـنـاويـنـي ..!
تـعـبـت أعـدي عـلى جـمـرك وأنـا حـافـي
تـعـال وإقـطـف بـصـوتـك زهـرة سـنـيـنـي..!
كـل الـمـواعـيـد عـقـبـك شـمـعـهـا طـافـي
تـعـال وش فـيـك خـايـف ؟ أنـت نـاسـيـنـي ؟
قـطـعـت صـوتـي عـلـيـك وطـال مـيـقـافـي
حـتـى بـديــت أشـعـر إن الـحـب مـعـمـيـنـي ..!
وإن أنـت حـلـم عـثـى فـيـنـي وأنـا غـافـي
لـكـن أمـانـه تـرى الـلـي فـيني كـافـيـنـي ..!
إن رحـت مـنـك كـذا مـارحـت مـتـعـافـي
بـصـّدق الـحـلم وأحـذر لا تـصـحـيـنـــــي ..!
فـي خـاطـري كـلمـتـيـن وإن قـلـتـهـا كـافـي
أمـانـة الـلـه عـلـيـك إن غـبـت عـن عـيـنـي..!
لا يـكـون قـلـبـك مـثـل قـلـب الـزمـن جـافــي
مـع كـل دمـعـه تـذكـر رعـشـة يـدينـــــــي ..!
ومـع كـل ضـحـكـه تـذكـر قـلـبـي الـواااااااافـي
0
0
0
الروابط المفضلة