بسم الله الرحمن الرحيم
في رمضان
الوالد او الوالده: يابنات يالله قوموا صلحوا السحور يالله بسرعه الساعه ثلاثه ونص
الأخوات
الكبيره تصحي الوسط والوسط تصحي الصغيره يالله نقوم نصلح السحور
الوسط للصغيره :يالله نروح نجيب اناناس ولبن من الثلاجه
الكبيره : تصلح شاي للوالد
خلصنا السحور طبعا كبسه او اكله شعبيه
جلسنا على السحور
ابوي : يالله ياولاد قوموا تسحروا
كل واحد ياكل اللي نفسه فيه
الاولاد يرجعوا يكملوا النوم
والبنات عالمطبخ
وابوي واموي يتقهوا
الراديو شغال
نداء الأسلام من مكه المكرمه
الشيخ عبدالباسط عبدالصمد يقرأ قرأن
خلاص الفجر بيأذن
ونبدأ اول يوم صيام
قبل النوم نقرأ قرأن
ننام للظهر او الساعه 11
نصحى نصلي ونقرأ قرأن
نروح على المطبخ
انا اسوي السمبوسه
وانا الشوربه
وانا العصير
الوالد
يابنات انا رايح السوق تبغوا شي؟
جيب خبز وفواكه
بنات تعالوا اسمعوا فوازير عن ايش يتكلموا؟
يالله نسيت القهوه ماصلحتها
يالله اقلي السمبوسه بيأذن
طلعي السفره الحوش
خذي اعطي هذي للجيران
ايش اللي معاك؟
هذي من عند الجيران
يالله ياعيال
والله جوعانين متى يأذن
يالله يأمــــــــــي
الله اكبر الله اكبر
خلص الأذان
يالله شيلوا بسرعه الحين تجي ام حديجان
وسوي شاي لأبوي
الوالد
يابنات انا بروح اصلي التراويح وبرجع معاي ناس اعملوا حسابهم في العشاء
يالله تعب
ولد الجيران
امي تقول بتجيكم تسهر عندكم للساعه11
كتبت لكم شي من ذاكرتي ايام رمضان زمــــــــــــــــان
ايام الفوانيس واللمه الحلوه والعباده الصحيحه
الحين تطورنا ماننام الابالنهار ونسهر الليل ونتابع التلفزيون
ومانشوف بعض الا بالعيد
يااااااااااااالله
اتمنى الحين ترجع ايام زمان واكون انا واخواتي مع بعض وامي وابوي والجيران
واهل قريتنا القديمه العيشه بالقريه كانت روعه بسيطه وحلوه
بما اني كتبت الموضوع ذا ياليت كلكم تشاركوني بشي من ذاكرتكم
واحب اقولكم كل عام وانتم بخير واحب اقول لكل من احبهم كل عام وهم بصحه وسلامه
ورمــــــضـــــان كــــــريــــــم
الروابط المفضلة