قصيدة نبطية مؤثرة جدا
بسم الله الرحمن الرحيم
السلام عليكم ورحمة الله وبركاته
مات أبوي وكنت أحس الدمع خلّص في غيابه
ماهقيت إني أبذرف بعده دموع جديده
لين جاء ذاك الخبر واستوطنت فيني الكآبة
قالوا أمك سافرت والله يعينك يا وحيده
قلت لا ما أصدق غيروا هذي الاجابه
قولوا إن الوقت يكذب والخبر مابي أعيده
مدري أبكي؟مدري أوصف للزمن قسوةعذابه
يمه وينك؟اسمعيني صرختي صارت شديدة
المطر يشبه دموعي واصبحت عيني سحابة
كل ما قالوا توفّت ينسكب دمعي وأزيده
كنتي آخر حلم عندي أحفظه واقرا كتابه
رغم حزني كل ما شفتك أحس إني سعيده
بس رحتي وصرت أنا مثل اليتيمةوسط غابه
روحي انفجرت لموتك ليتها صارت شهيده
يمه والله نور وجهك ما يفارقني سرابه
ضحكتك صوتك وحضنك في ليالينا العنيدة
ما أهتنى قلبي بعد فراقك في زاده وشرابه
كن ياسي مثل شاعر صار يكتبني قصيده
أنتي عمري وليت يقدر عمري يهدي لك شبابه
أنتي بس اللي وجودك يخنق الهم ويبيده
ادعي الله يسكنك جناته بلحظة حسابه
مالي إلا ربي اللي عالم بحالة عبيدة
رد مع الاستدلال
كتبت بواسطة عواصف شوق
الروابط المفضلة