تعالى اعلمك تعملى شنطه خروج بطريقه بسيطه
السلام عليكم ورحمه الله وبركاته انا كنت شفت شنطه على النت وشكلها عجبنى ولاقيت انها بسيطه ففكرت انى انفذها بنفسى وبعد معملتها قولت اضع الخطوات لآخواتى عشان لو عجبتهم يستفادو بس امانه عليكم تقولو رآيكو بصراحةةةةةة ولو فى اى تعديل شايفينو قولولى عليه
نبدا بقا بخطوات العمل بسم الله الرحمن الرحيم
بس الاول اوريكو صورة الشنطه عشان تبقو عارفين ايه الشكل الى هيتعمل
اولا الادوات ؛
1- قطعه قماش
2-قطعه فازلين
3- قطعه بلاستيك
4- قطعه كرتون يكون ناشف شويه عشان دة هيبقى قاعدة الشنطه من الداخل
5- ماكينه خياطة ودة اختيارى ممكن تستغنى عنها بخيط وابرة
وديه صورة للآدوات
ثانيا طريقه العمل
1-هفرد قطعه القماش وهاجى فى المنتصف واضع قطعه الكرتون وفوقها قطعه البلاستيك وفوقها قطعه من القماش ودى هتكون القاعدة بتاعت الشنطه وهفرد ورق الفازلين على باقى القماش عشان قماش الشنطه يبقى ناشف وواقف
2-هرفع القماش على فوق وهيكون بالشكل دة
3-هعمل كسر فى القماش من فوق بالشكل دة
4- هعمل اتنين بيه للشنطه من فووق بالطريقه دى وبنفس الطريقه هعمل ايد الشنطه بس الايد هتبقى اطول من البيه
وهضع فى منتصف البيه ومنتصف اليد قطعه من الفازلين وامشى عليه بالمكواة عشان يثبت
5- هركب سوسته لغلق الشنطه او ممكن كباسين حسب المتاح عندك
6
- بعد تركيب البيه واليد هزين الشنطه وانا اخترت تزين بسيط دة كان شكلها النهائى
رد مع الاستدلال
كتبت بواسطة نسومر
الروابط المفضلة