السلام عليكم اخواتى الحبيبات
انا فكرت فى الفكرة دى
ان كل واحدة مننا تقول عن اى حاجه هى مميزة فيها فى طريقه ترتيب او تنظيم المنزل
او الملابس او الادراج
او خبرة معينه اكتسبتها من شغل البيت فى المجال دة
طبعا مش فاهمين قصدى
انا هاقولكم على شويه حاجات بعملها وكنت شايفاها طبيعيه
لكن فى ناس بتشوفها حلوة
مثلا:
بجمع كل فواتير الكهرباء فى ظرف والتليفون وهكذا وباضعه فى درج معين وكمان بجمع كل الاوراق المهمه فى ملف وشهادات ضمان الاجهزة فى ملف فى نفس الدرج
ودة بيسهل جدا لما زوجى بيطلب حاجه منهم الحمد لله
عند تخزين الملابس بضع صابونه فى وسطها لما بخرجها بعد كدة بتكون رائحتها جميله جدا
لتنظيف حوض المطبخ الاستانلس بضع قليل من الكلور وادعكه بسلك الومنيوم بينظف على طول
انا للاسف مش منظمه
لكن الحاجات دى بالخبرة بالجأ لها
واكيد كلللللللللللللللللللللنا بنعمل حاجات كدة بتسهل علينا شغل البيت وتوفر الوقت
ان شاء الله تكونوا فهمتوا قصدى
ياريت كل واحدة تقول لنا خبرتها بالكتابه او بالصور
ولو وجدت منكم تفاعل هاقولكم على افكار تانيه ولو قدرت اقترض كاميرة اخى هاصور لكم شويه حاجات ان شاء الله
هاااا ايه رايكم؟
الروابط المفضلة