امزح معاكم بس حلوة القصة صح..
اختي قمري توباز كلامك صح في وحدة من الاخوات هنا قالت لي انها تعرف وحدة عندها ببغاء وراح تسئلها وترد علي...
وسئلتها وقالت لي عادي علشان تغير عليه الجو بس استمري معاه في الكلام وعامليه وكانه ملك... وهو شوي شوي راح يرتاح لك ويصير عادي معاك..
وفعلا بنات ولله الحمد اليوم والبارح بدا ياكل.... ويتكلم معاي..
وتشكراتي لكم جميعا... على المحاولة للمساعدة..
شمولة حبيبتي..حليت المشكلة

عزيزتي مجموعه انسان
ابشرك عندنا بغباء له 16 سنه بالبيت وأليكي ملاحظات للفائده لكي ولكل من ياقراء حتى وان كانت مشكلتك قد انحلت الا اني احب اضيف
(ملقوفه)
1-من ناحيه الكلام.. انتي بالنسبه له دينا صور لم يسبق ان تعود عليكي ..هل يا ترا لو دخلتي مجلس شيوخ وفيه ناس كبرين سنا ومركزا ممكن تهذرين وياهم (تهذرين=تتكلمين)ا
ولا تقعدين مستمعه؟؟ طبعا لن تتكلمي ..كذلك المسكين(الطير).. لو تغير مكان اقامتك وديرتك واللي يخدمك هل سترتاحين وتاكلين بشهيه مثل ما تاكلين من يد امك؟؟ طبعا لا
كذلك المسكين...
لذا بعد التعود على المكان والانسان يذوب فيه اين كان
2- بالنسبه للريش تساقطه طبيعي بالصيف كانه يخفف من اللحاف اما في الشتاء فيعتبر سوء تغذيه
3- اعطيه الصبح قليل من الحب الشمسي+ حبتين فول سوداني
اما الظهر فااااااا خضار وفواكه كتفاح والخيار
ومساء خليط مما فات او مما سبق بكميات بسيطه+وتغيرين الماء كل يوم.. لااااازم....
4- لمن لديه طير متوحش ومستوحش ويريد ان يجعله اليفا لا يحط له الاكل الا حبيبات بسيطه جدا في الوعاء حتى لا يموت من الجوع والباقي تاكليه بيديك حتى يعرف ان هذا الوجه وهذا اليد فيهما الخير وسر الحياه فيحبها ولا يعضها لاني تعضيت وساح دمي اكثر
من مره ...... اااااااي..... الان طيري ياكل من فمي ويجي يقعد بحضني واصبح واحد من الاسره ويحليله اذا دخلتي يقولك مرحبا واهلا وسهلا وصباح الخير حتى ولو كان بليل.. ولا بعد يرقص
ويرفع رجله وجنحاته ويدخل علينا السعاده ويضحك
جميل جدا... وانصح باقتناء مثل هذا الطير بذات الكاسيكو (افريكان جريه)الرصاصي والذيل الاحمر
لكل من يرد تفريغ شحناته العاطفيه المكتومه ولامومه المعذبه
انا اكتب والله العظيم قاعد يبوس ويقولي هلللللووووووو وضححححك
من نوادر البغبغاء:
1-باع صاحب محل في بريطانيا طيراعلى شرط انه يتكلم وبعد اسبوعين
عاد الزبون بالطير لانه لم يتكلم ورفض صاحب المحل استرجاعه فاشتكى الزبون الى الشرطه
وفي المحكمه سالت البائع هل لديك شاهد على انه كان يتكلم فقال نعم انه اخوه فاحضر الطير الاخر اللي هو اخوه وساله القاضي السؤال التقليدي ولكن الطير امطر القاضي شتائم لا يلفظه الا السوقي السيء وفي الحال اصدر القاضي حكمه ( ترفض المحكمه شاهدت الشاهد لبذأت الفاظه ولبذات لسانه )
2- اقيمت مباراه في بريطانيا بين طيرين من النوع الكاسيكو والامزون الاخضر
اسفرت المباراه عن 365 كلمه في الساعه للكاسيكو و340 كلمه في ساعه للامازون
عزيزتي مجموعه انسان اذا غلبك بعد النصائح كلها لا تزوجيه ولا كلام فاضي
اعملي عليه ملوخيه وكتري الثوم والكزبره لانه زفر
بس
واااااسفه للتطويل.. لكنكم ممتعين
كالوري+ ابوي ذو الخبره
بااااااااااااااااااااااااااااااااي

اختي كالوري... روحي الله يسعدك دنيا واخرة يارب زي ماضحكتيني وشلتي عني الطفش
نكتك D ):
اجل الي عندي هو الكاسيكو..
زين افكر يمكن اقول يمكن اذا رجعت السعودية ان شاء الله اجيب مثله...
طيب الان ردا على اسئلتك...
هل يا ترا لو دخلتي مجلس شيوخ وفيه ناس كبرين سنا ومركزا ممكن تهذرين وياهم (تهذرين=تتكلمين)ا ولا تقعدين مستمعه؟؟
الا اهذري ثم اهذري ثم اهذري...
تدرين زوجي اذا بيوديني عند مرة اول مرة اتعرف عليها ايش يقول لي...
( عطي المرة فرصة تتكلم، وخليها هي الي تبدا الكلام على اساس انها صاحبة البيت )

مااعرف انطم ( انطم = اسكت )


لو تغير مكان اقامتك وديرتك واللي يخدمك هل سترتاحين وتاكلين بشهيه مثل ما تاكلين من يد امك؟؟ طبعا لا
ايه ارتاح اخر راحة من تزوجت وانا متغربلة مع هالرجال لين عودني وين ماحط راسي اشخخخخخخخخخخر
وتسلمييييييييييييين حبيبتي على المعلومات... انا جالسة احاول معاه.. بس ان شاء الله اذا احتجت شي ارجع لك واسئلك اذا مافيها كلافة....

بنات على طاري الكاسكو انا كان عندي كاسكو ومات
وحاليا عارضين علي كاسكو عشان اربيه واتحمل مسؤوليته ؟
اشرايكم ارجع لعادتي القديمة واللا ابطل منها ؟؟
على فكرة انا حامل ،هل تأثر الحيوانات أو الطيور على الطفل من ناحية الحساسية او اي شي ثاني ؟؟ صراحه متردده وهذا اكثر شي أحاتيه

والله مدري عن تاثير الطيور للاطفال بس راح اسئل لك...
عن نفسي اموووووووووووووووووووووووت في البسس ( جمع قطة )
قبل زواجي ربيت تقريبا 35 بسة ( هرة )
ولما اتزوجت طلع زوجي لما كان بزر من الي يحبون ياذون البسس ( جمع كات ( بالانقليزي بسة ) ) وساعتها صرت انا كذا sid sid
وفوق ذا رفض رفضا قاطعا ادخل ولو وحدة معاي البيت
وانتهت الحكاية ( بس ذي المرة من جد )

السلام عليكم ورحمة الله وبركاته
اختي مجموعة انسان وديه حديقة الحيوان يمكن يتزوج خذي انتي البيض والطير لأهله .
من جد فيه ناس أعطوا بستهم ( القطة ) للحديقة الحيوان وزوجوها بواحد من نوعها وحملة وجابت خمسة عقبال اللي عندها