ارجو مساعدة اطفالي بليززززززز

هلا بنات انا اليوم بحاجه للاخواتي وياليت اجد الصدر الرحب منكم وهذا اللي تعودت عليه منكم

بنات انا شقتي مو كبيرة وتوي احس فيها الحين قبل كنت مافي الا انا وزوجي وبعدين بنتي الكبيرة وجبت على طول بنتي الثاني
وماكنت احس انها الشقه صغيرة الا الحين
اول كان حاجات اطفالي قليل الالعاب بسيطه وصغيرة وباي مكان احطهنا
اما الحين بنات على عمر 4 و3 سنين
وطبعا الالعاب ماشاء الله كثر ومانقدر نمشي بسببها من السياكل والاالعاب الدببه وصور البنات والمطبخ الصغيرة وغيررره
والبيت كما قلت مو كبير
قلت احطه باغرفته الحريم وهذا مستحيل تدورن ليش
قلت احطه باغرفته النوم بعد مستحيل
مافي الا الغرفته الجلوس وطبعا مو كبيرة
تخليوا غرفه صغيرة وفيها الكميه من الالعاب
والله صارت اشعر بالاحراج من زوجي اذا داخل على عرفه وشافها مقلوب فوق

مين من البنات اللي عندها افكار وتاخذ الاجر فين وتقول وين احط الالعاب

ياليت تقولين عندك بلكون ولا لأ

السلام عليكم ورحمة الله وبركاته
أختي الكريمة طوق عندي فكرة بسيطة ، أنا كنت مثلك الغرفة فوضى في فوضى أحاول أرتب ولكن بدون فايدة (تخبلت ) في الأخير00
شو سويت، سويت غرفة متوسطة الحجم (مخزن )في البلكونةوعندي البلكونه كبيرة المهم خذت منها زاويه،، وجبت الالعاب وبعض الأشياء قولي الكثير من الأغراض، أجيب وأحط بداخله
صدقيني تمت الألعاب مدة طويلة عند العيال،، وأنا مرتاحة الحين والحمد لله00

وتوجد بمحلات الهوم سنتر صناديــــــــق كبيرة جدا خاصة لألعاب الأطفال
وراح تستفيدين منها إنشاء الله00

أتمنى أن أفدتج
تحياتي لـــــــج
اللؤلؤ المكنون

مشكورين على المشارك
ولكن البلكونة اللي عندي مش كبيرة يالله تكفي علشان احط الغسيل وانا فكرت فيها بس وين احط الغسيل
وحبيبتي شو قصدك بصناديــــــــق كبيرة جدا خاصة لألعاب الأطفال واذا عندك صورر ياليت تحيطها

مرحبا أختي..


تقدري تخلي الألعاب الكبيرة مثل العرايس والدببة في علب للألعاب مثل هذي:


اما الألعاب اللي مثل أدوات المطبخ تقدري تستعملي كراتين الورق (كرتون البيض- كراتين الأحذية (وانت بكرامة)- كراتين الدجاج..................) كلها ممكن تحصليها من البقالة أو السوبر ماركت بعدين غلفيها بورق جلاد لاصق مثل هذي






لمزيد من التفاصيل.. اذهبي الى هذا الرابط
علب رائعة

بسم الله الرحمن الرحيم
هلا وغلا بطوق... عاد انا شفت اسمك قلت لا مايصير لازم ادخل... واشوف الغالية طوق ويش تبي علشان نخدمها ... من عيونا..
بس ماقلتي كيف سويتي في المشكلة الاولى.. وبناتك ناموا ولا لا..
المهم حبيبتي انتي بيتكم ملك ولا ايجار...
والمدخل للرجال والحريم واحد ولا كل له مدخل...
ردي علي وانشاء الله تلقين الحل عندي.. وانا ام هندي

هلا حبيبتي مجموعةانسان
مشكلتي مع البنات توه الحين مابدات الزوج العزيز ان شاء الله بيوصل بالعيد
وبنحل المشكله
وانا عارفه انك قدها ومشكورررة على المساعدة والله لايحرمني منك ابداا

شقتي فوق بيت اهل زوجي البيت للاهل زوجي واحنا جالسين نبني بيتنا ومحتاجين على سنتين ونطلع من بيت اهل زوجي امين

لالا مافي الا مدخل حريم بس من قدام ومن ورراء
يعني القدام على اهل بيت زوجي والخلف على الشارع
والرجال يجون تحت عند مجلس ابو زوجي
ومشكووورررررررررره

الله يرده لكم بالسلامة... ويخليلك الحلوات.. اللهم امين..
شوفي يالغالية مادام بيت اهل زوجك يعني تقدرين تسوين الي تبين...
ابني مخزن صغير متر في متر فوق ( في السقف ) حق مدخل الحريم.. ينفعكي لالعاب البنات الي مايستعملوها الا من فترة الى فترة.... وبقية الاغراض الثانية.. وطبعا تقدرين تخلين فيه رفوف..
وبعد تقدرين تسوين عليه ديكور تلوين او اي شي علشان يعطي منظر...
وهذي الديكورات تلقينها في احد مواضيع الغالية زهرة الرمان...
وانشاء الله انك فهمتي عليي.. واكون افدتك يالعزيزة...

عزيزتي طوق00
انا اشوف فكرة مجموعة انسان حلوه0 وبعد انصحك تروحين ايكيا عندهم صناديق للالعاب
روعه وجميع الاحجام روحي اشاء الله تلقين طلبك00

شوفي هالفكرة ياطوق كثير حلوه وعمليه ......
يعني ممكن تستخدمين الصناديق في اي مكان ثم بعد وضع الالعاب فيها اعيديها الى الحامل الخشبي وبإذن الله ناويه اطبق هالفكرة عندي ..


هذا الرابط للمى ايضا يفيدك :
افكار تساعد الاطفال على تنظيم الالعاب