سلام عليكم

انا البه مساعده منكم للى عنها اى خبره او افده فى استشارتى

انا عندى فكره لمشروعين وعايزة حد يقولى على الطريق للبدا اى واحد فيهم

المشروع الاول محل لبواقى التصدير الملابس او بواقى المصانع فعايزة لو حد عارف اماكن المصانع او الاماكن اللى اجيب منها اللبس ده ومان لو د عنده ديكورات للمحل وكمان دراسه جدوى او اى معلومات حول المشروع


المشروع التانى كوافير او مركز تجميل ومن ضمنه تاير فساتين افراح وخطوبه وبرضه عايزة اعرف الاماكن اللى ايب منها اللادوات بالجمله واجهزة الشعر والعده للعمل وكمان ديكورات للمحل واماكن اجيب منها الفساتين باسعار كويسه

ياريت اى حد عنده معلومه ولو صغيره يقولى عليها وجزاه الله خير وادعولى

مفيش ولا رد ؟؟

أختي بالنسبة لي أفضل المشروع الأول إعادة إستعمال بواقي الأقمشة مشروع بمردود جد فعال, في المغرب عندنا سبق لشخص أن استخدم الفكرة و نجح المشروع 100%, بالنسبة للأقمشة ممكن تحصلين عليها من أي مصنع نسيج, ممكن كمان إذا كانت الأقمشة صغيرة تسوين بها ملابس خاصة بالأطفال و تبيعها بمحل يستحسن يكون محلك تابع لشغلك و تكون أتمنة أقل من أتمنة السوق حتى تربحين زبائن آكثر لكن أحرصي على ألا تبيين بالخصارة, أتمنى أن تكون فكرتي وصلتك ونالت إعجابك و موفقة إن شاء الله في إنتظار ردك

شكرا ليكى بس انا مش عايزة بواقى اقمشه ولن ملابس كانت للتصدير بس بها عيوب صغيره فلم تصلح للتصدير

أهلاً ومرحباً بكِ غاليتى

ياريت حبيبتى تقولى انتى منين بالضبط علشان نقدر نفيدك

بالتوفيق إن شاء الله

كتبت بواسطة poseecat

أهلاً ومرحباً بكِ غاليتى

ياريت حبيبتى تقولى انتى منين بالضبط علشان نقدر نفيدك

بالتوفيق إن شاء الله

اهلا بيكى اختى انا من مصر

كان ودي المساعدة لو كنتي من المغرب, لكن ممكن تزوري المنطقة الصناعية لمدينتك و تسألي هناك على الشركات المتخصصصة في التصدير و الله الموفق

أهلاً ومرحباً بكِ غاليتى




طبعا يا قمر المشروعين دول كبار وياريت لو تركزى فى واحد منهم
لانهم طبعا عاوزين رأس مال وتركيز وترتيب

بالنسبة لمشروع الملابس وبواقى التصدير
فى طبعا مصانع كتير ومحلات بيع جملة لبواقى التصدير
فى العتبة بعد الجراج فى محل اسمه الاهرامات
بيبيع بسعر الجملة وعندك كمان فى حارة اليهود
(وعلشان كل الاخوات يعرفوا حارة اليهود فى مصر اسم شارع قديم شعبى )
فيه محلات للجملة للملابس ولكل المستلزمات
عندك كمان شارع اسمه الشواذلية وده جنب شارع الموسكى بالضبط
وكله ملابس تصدير سواء كانت ملابس للبيت او للخروج
وده اللى هتلاقى كمان الصينيين بيشتروا منه علشان يبيعوا
(ودى ظاهرة طبعاً انتشرت فى مصر بشكل كبير)
ده بقا بالنسبة لمحلات واماكن البيع بالجملة

أما عن المصانع فى طبعاً العاشر من رمضان
دى كلها مصانع للملابس التصدير والعادية المصرية المحلية
وايضاً المصنع الصينى وده فى منطقة الصناعات فى العاشر من رمضان

******************
أما عن دراسة الجدوى طبعا هتعرفى المحل هيكلف كام وهل هو ايجار ولا تمليك
دا غير طبعا التجهيزات والديكورات التى تشمل الدهان والارفف والفاترين
والاضاءة والديكور
طبعاً غير الاجراءت الروتينية وتجهيز الاوراق
مثل السجل التجارى والضريبى
بعدين تحددى رأس المال اللى هتشترى بيه البضاعة
وإن شاء الله بالتوفيق

******************
أما عن مشروع الكوافير او صالون التجميل

طبعاً هو مشروع مربح وناجح
أولاً يحتاج مكان مناسب وطبعاً محتاج بنات ذوى خبرة فى تصفيف الشعر
والصبغات ومسكات الوجه وكل اعمال الكوافير
ده غير الادوات زى السشوار ومكواة الشعر وكل الادوات الخاصة للمشروع
وأدوات التجميل هتكتبيها وتحددى اسعارها
وطبعا كل الحجات دى هتلاقيها بردوا فى العتبة
فى محلات لبيع الشامبو والكريم والبكر والبوكلات للشعر وكل ادوات التصفيف والكوافير
وطبعا محتاجة ديكورات واضاءات ومرايات كتير وتهوية جيدة من تكييفات ومراوح
****************
أما عن تأجير فساتين السواريه (افراح وخطوبة)
طبعا فى الموسكى سلسلة محلات العوامرى فيها فساتين باسعار مناسبة جداً
وباحدث الموديلات وفيها كل مستلزمات العروسة
طبعا اذا هتأجرى فساتين يبقا يكون معاها الطرح والجوانتى وطقم الاكسسوار
وما ننساش طبعا العرايس المحجبات والطرح الخاصة بيهم والشيلان
وكمان الاسدالات البيضاء المطرزة للعرايس
وكل ده فى شارع الموسكى
وكمان فى محل اسمه النمرسى فيه مستلزمات العرايس وكل ده بسعر الجملة
وعندك كمان فى وسط البلد بالتحديد فى ممر الكونتلينتال
كل مستلزمات العرايس من الاقمشة او الفساتين الجاهزة
وممكن كمان تجيبى اقمشه ولو تعرفى ترزى او خياطة هيعمل هم لكى وهتكون التكلفة اقل.
كمان فى مصانع بتخيط الفساتين قماش بس بدون تطريز بسعر قليل
بس هتحتاجى لبنات علشان تطرز الفساتين ودى فرصة كويسة ان البنات تلاقى عمل يناسبهم
طبعاً هتحددى رأس المال اللى هتشترى بيه الفساتين او هتحددى ثمن الاقمشة والخامات اللى هتطرزى بيها دا لو هتفصلى فساتين طبعا بالنسبة للايجار هتحددى سعر لكل فستان حسب موديله وتكلفته وما تنسيش ان فساتين التأجير فى كل طلعة محتاجة تنظيف جاف فى مغسلة متخصصة ومحتاجة تعديلات للمقاسات وتضبيط للشغل لو فيه اى تلف ؛ وكى جيد وتغليف فى اكياس شفافة
وده بيبقا قبل معاد التسليم بوقت كافى

***********
كمان عندك سوق اسمه سوق الاحد

وده كل يوم أحد الصباح بيكون موجود لو قلتى لاى تاكسى سوق الاحد هيوديكى على طول
ده فيه كل شىء من بواقى التصدير والملابس وفساتين السهرات والسواريه
بس بيكون فيها عيوب بسيطة جدا سهل انها تتصلح بتكون باسعار قليلة وخيالية
ومش بس بيكون فيه ملابس وسواريهات
فيه كمان مفروشات واحذية سواريه وشنط
وفيه اطقم كاملة مع بعضها

*************
كمان بيكون موجود البالات
والبالة دى عبارة عن شروة على بعضها بيكون فيها كل انواع الملابس
وبسعر قليل بس دى بتكون ملابس استعمال الخارج يعنى مستوردة
بس بتكون استعملت لمرة واحدة وبتكون ماركات عالمية
طبعا كل الاشياء دى بتتنظف وتتكوى قبل البيع
وبيكون عليها اقبال كبير جداً جداً
لجودتها واسعارها الرخيصة
هيكون فيها سواريهات كتير وملابس ممثلين

خلاص كدا انا قلت لك كل الاسرار ما بقاش عندك حجة

وربنا معاكى يا قمر وأى سؤال أنا فى الخدمة
وأسفة على الاطالة


بالتوفيق إن شاء الله




أختك فى الله
poseecat

كتبت بواسطة poseecat

أهلاً ومرحباً بكِ غاليتى




طبعا يا قمر المشروعين دول كبار وياريت لو تركزى فى واحد منهم
لانهم طبعا عاوزين رأس مال وتركيز وترتيب

بالنسبة لمشروع الملابس وبواقى التصدير
فى طبعا مصانع كتير ومحلات بيع جملة لبواقى التصدير
فى العتبة بعد الجراج فى محل اسمه الاهرامات
بيبيع بسعر الجملة وعندك كمان فى حارة اليهود
(وعلشان كل الاخوات يعرفوا حارة اليهود فى مصر اسم شارع قديم شعبى )
فيه محلات للجملة للملابس ولكل المستلزمات
عندك كمان شارع اسمه الشواذلية وده جنب شارع الموسكى بالضبط
وكله ملابس تصدير سواء كانت ملابس للبيت او للخروج
وده اللى هتلاقى كمان الصينيين بيشتروا منه علشان يبيعوا
(ودى ظاهرة طبعاً انتشرت فى مصر بشكل كبير)
ده بقا بالنسبة لمحلات واماكن البيع بالجملة

أما عن المصانع فى طبعاً العاشر من رمضان
دى كلها مصانع للملابس التصدير والعادية المصرية المحلية
وايضاً المصنع الصينى وده فى منطقة الصناعات فى العاشر من رمضان

******************
أما عن دراسة الجدوى طبعا هتعرفى المحل هيكلف كام وهل هو ايجار ولا تمليك
دا غير طبعا التجهيزات والديكورات التى تشمل الدهان والارفف والفاترين
والاضاءة والديكور
طبعاً غير الاجراءت الروتينية وتجهيز الاوراق
مثل السجل التجارى والضريبى
بعدين تحددى رأس المال اللى هتشترى بيه البضاعة
وإن شاء الله بالتوفيق

******************
أما عن مشروع الكوافير او صالون التجميل

طبعاً هو مشروع مربح وناجح
أولاً يحتاج مكان مناسب وطبعاً محتاج بنات ذوى خبرة فى تصفيف الشعر
والصبغات ومسكات الوجه وكل اعمال الكوافير
ده غير الادوات زى السشوار ومكواة الشعر وكل الادوات الخاصة للمشروع
وأدوات التجميل هتكتبيها وتحددى اسعارها
وطبعا كل الحجات دى هتلاقيها بردوا فى العتبة
فى محلات لبيع الشامبو والكريم والبكر والبوكلات للشعر وكل ادوات التصفيف والكوافير
وطبعا محتاجة ديكورات واضاءات ومرايات كتير وتهوية جيدة من تكييفات ومراوح
****************
أما عن تأجير فساتين السواريه (افراح وخطوبة)
طبعا فى الموسكى سلسلة محلات العوامرى فيها فساتين باسعار مناسبة جداً
وباحدث الموديلات وفيها كل مستلزمات العروسة
طبعا اذا هتأجرى فساتين يبقا يكون معاها الطرح والجوانتى وطقم الاكسسوار
وما ننساش طبعا العرايس المحجبات والطرح الخاصة بيهم والشيلان
وكمان الاسدالات البيضاء المطرزة للعرايس
وكل ده فى شارع الموسكى
وكمان فى محل اسمه النمرسى فيه مستلزمات العرايس وكل ده بسعر الجملة
وعندك كمان فى وسط البلد بالتحديد فى ممر الكونتلينتال
كل مستلزمات العرايس من الاقمشة او الفساتين الجاهزة
وممكن كمان تجيبى اقمشه ولو تعرفى ترزى او خياطة هيعمل هم لكى وهتكون التكلفة اقل.
كمان فى مصانع بتخيط الفساتين قماش بس بدون تطريز بسعر قليل
بس هتحتاجى لبنات علشان تطرز الفساتين ودى فرصة كويسة ان البنات تلاقى عمل يناسبهم
طبعاً هتحددى رأس المال اللى هتشترى بيه الفساتين او هتحددى ثمن الاقمشة والخامات اللى هتطرزى بيها دا لو هتفصلى فساتين طبعا بالنسبة للايجار هتحددى سعر لكل فستان حسب موديله وتكلفته وما تنسيش ان فساتين التأجير فى كل طلعة محتاجة تنظيف جاف فى مغسلة متخصصة ومحتاجة تعديلات للمقاسات وتضبيط للشغل لو فيه اى تلف ؛ وكى جيد وتغليف فى اكياس شفافة
وده بيبقا قبل معاد التسليم بوقت كافى

***********
كمان عندك سوق اسمه سوق الاحد

وده كل يوم أحد الصباح بيكون موجود لو قلتى لاى تاكسى سوق الاحد هيوديكى على طول
ده فيه كل شىء من بواقى التصدير والملابس وفساتين السهرات والسواريه
بس بيكون فيها عيوب بسيطة جدا سهل انها تتصلح بتكون باسعار قليلة وخيالية
ومش بس بيكون فيه ملابس وسواريهات
فيه كمان مفروشات واحذية سواريه وشنط
وفيه اطقم كاملة مع بعضها

*************
كمان بيكون موجود البالات
والبالة دى عبارة عن شروة على بعضها بيكون فيها كل انواع الملابس
وبسعر قليل بس دى بتكون ملابس استعمال الخارج يعنى مستوردة
بس بتكون استعملت لمرة واحدة وبتكون ماركات عالمية
طبعا كل الاشياء دى بتتنظف وتتكوى قبل البيع
وبيكون عليها اقبال كبير جداً جداً
لجودتها واسعارها الرخيصة
هيكون فيها سواريهات كتير وملابس ممثلين

خلاص كدا انا قلت لك كل الاسرار ما بقاش عندك حجة

وربنا معاكى يا قمر وأى سؤال أنا فى الخدمة
وأسفة على الاطالة


بالتوفيق إن شاء الله




أختك فى الله
poseecat

بجد كفيتى ووفيتى مش عارفه اقلك ايه انا على طول بقرا اى موضوع ليكى بس انتى بجد نجمه ومش بس نجمه الشهر السنه كلها ربنا يجازيكى خير يارب

شكرا ليكى قوى

لو سمحتى عايزة اسالك سوق الحد ده مكانة فين فى وسط البلد ولا مدينة نصر ولا ايه؟؟