انا عضوة جديدة وهذه اول مشاركة لي ارجو ان اجد حلا عندكن لمشكلتي وهي
عندي ابريق للشاي استخدمه للضيوف فقط ولكن عند عمل الشاي به تظهر نكهة المعدن في طعم الشاي مما سبب احراج امام الضيوف مع انه منظف بالماء والصابون
فكيف اتخلص من هذه الرائحة ؟؟؟؟؟:

confused: ::
ودعوه صادقه من القلب لمن ترشدني للحل باسرع وقت ممكن بان يبلغها ربي الفردوس الأعلى

اسمعي حبيبتي اذا كان الابريق يجلس شهرين او اكثر لازم قبل ما تسوي فيه الشاهي تحطين فيه شاهي ومويه وتخلينه يطبخ شويه على النار (بدون سكر طبعا)وبعدين كبي الشاهي وسوي شاهي عادي وبتشوفين شلون الريحه رااحت.....واذا جاك ضيوف بعد اسبوع او اسبوعين خلاص سوي لهم الشاهي على طول الابريق ماتطلع له ريحه الا اذا جلس شهرين او ثلاثه ما استعمل ........(تراها مضمونه جربي وادعي لي ).............سلام
علميني اذا سويتيها

بالفعل كلام البيتوتيه الله يعطيها العافيه صحيح 100% ..
لكن اذا كان دائما فيه رائحه يعني كل يوم فيه الرائحه ممكن تستخدمين بيكربونات الصوديوم يعني تضعين داخله ملعقة صغيرة بيكربونات + ماء واتركيه ربع ساعه بعدين اغسليه وان شاء الله تروح الريحه ..
لكن انتبهي للبيكربونات لاتلامس الابريق من الخارج لأن قد تذهب لمعته او تبقعه فقط من الداخل ..
وانا استخدم هالطريقة للترامز الخاصه بالشاي والقهوه والصراحه كانت ممتازه ..
ان شاء الله يكون هذا الحل المناسب

شكوووووورين جدا يا البيتوتيه وديم على طرحكم للحلول هذه وسرعة ردكم وانشاء الله استفيد منها وفعلا الأبريق يقعد شهرين او اكثر ماأسوي فيه شاي لأنه مخصص للضيوف فقط
الآن عرفت السبب بارك الله فيكم بس انا ما اسوي الشاي فيه مباشرة يعني اسوي الشاي في ابريق قديم ثم اصبه في الجديد لأني أخاف على الجديد من ان يفقد لمعته اذا لامس النار فما ادري خوفي في محله ام لا ..... يعني انتم مجربين عادي ما يتأثر بالنار ..
وجزاكم الله خير وجعلها في ميزان أعمالكم وبلغكم الله الفردوس الاعلى لكم ولكل من تفيد غيرها .