بسم الله الرحمن الرحيم
حياكم الله أخواتي العزيزات ..
اليوم أحب أعلمكن طريقة حلوه تستفيدون منها من أشكال البلاط الغير مرغوب فيه حتى لو كانت قطع صغيره مكسورة .. هذا المطلوب ..!
راح تحتاجون إلى :
مجموعة من البلاط أو السيراميك لكن البلاط أحسن له لمعه حلوه .. و بألوان مختلفه حسب الذوق .
لوحه من الخشب أو من الورق المقوى .
صمغ خاص مثل إللي يستخدم في الحمامات بين البلاطه والثانيه (( يعني مثل الإسمنت الأبيض )) .
رسومات مختلفه حسب ذوقكِ في الرسم .
ورق شفاف لشف الصوره المطلوبه .
و إسفنجه .
صمغ ممكن يكون صمغ الشمع أو غراء الأبيض .
نسييييييت .. المطرقه و قطعة قماش سميك .
الطريقة :
خذوا البلاط و خطوه بالقماش ، وإجلسوا كسروا فيه على راحتكم لكن راعوا تقريباً إنه تكون المقاسات أثناء الكسر متساويه أفضل ..!
جيبوا الرسمه إللي إخترتوها وشفوها على الخشب أو لوحة الورق .
و بعدين بعد ما شفيتوا الرسمه جلسوا لصقوا قطع البلاط المكسور عليها لكن إستخدمي القطع المناسبه من البلاط المكسور ..
و راعي أثناء اللصق إنكِ تباعدين بين كل قطعة بلاطه والثانيه ..
هالحين هالفراغات إللي صارت بين هالبلاطات الملصوقه .. إمليها بالإسمنت الأبيض ..
و بالإسفنجه أو بالسكين ممكن شيلي الزيادات منها ...
و تركيها تنشف ..
بعدين نظفي الزوائد من اللوحه و بروزيها ..
و علقيها وبس ..!
أتمنى عجبتكم ..
ولكم الصور توضح أكثر إن شاء الله ..
ولكم تحياتي .
رد مع الاستدلال
الروابط المفضلة