طريقة روعة لاستخدام المناديل في تغليف الهدايا او الدفاتر. في البداية ضعي 3 مناديل جنب بعض كل واحد طرفة فوق طرف اللى جنبه و بعدين حطي تلاتة تانيين تحتهم طرفهم فوق طرف التلاتة اللى فوقيهم
لسة معايا عالخط؟؟
و بعديها حطي فوقيهم - أكيد بتتسائلي فوق مين؟؟- المهم حطي فوق المناديل خليط يتكون من:
1- معلقة كبيرة غراء خشب + كوبين ماء -موية على لهجة أخري- + 1 معلقة صغيرة جليسرين و ممكن تحطي لو عايزه لون فوقيهم بس ألوان سايلة
رشي الخليط على المناديل لغاية ما تغرقيهم -تكوني مجرمة لو عملتي كده , لا تسمعي كلامي- و حطي فوق المناديل أي زينة ( أوراق شجر ناشفة , خيط خيش ) طبعا بعد ما ترشي المناديل بالخليط المميت ده
حطي فوقيهم طبقة مناديل تانية بنفس طريقة طبقة المناديل اللى قوق أقصد اللى تحت
رشيها برده بالخليط المصنوع سابقا و افرديها بالنشابة ( البتاعة اللي بتفردي بيها العجينة اللى ليها ايدين و جسم مدور و طويل) و اتركيها حتى نجف
لما تجف قصي أطرافها و الصقيها عالكراسة بطريقة طبيعية زى الجلاد العادي أو غلفي بيها الهدية ممكن تزينيها من بره بالورد أو الشرايط
أرجو أن تعجبكم الطريقة
الروابط المفضلة