اي والله
اتركوا الجداول للغلابا
للي ازواجهم بيفضلوا الغموس والاكل الطازج بيوم بيوم..

اما المحاشي وخاصة ورق العنب بالزيت اولادي بيتمنوا اعمله يومي
حتى مرة ابني قال ماما ما بحب اتعبك لو تعملي ورق عنب كل يوم ما بزهق ابدا..
اسم الله عليه ورق العنب مريح كثير وما بده شغل ولا غلبه.

والمشكلة يا اخواتي ان زوجي واولادي ما بيرضو باي شيء مثلج
يعني لو لفيت ورق عنب او سمبوسة او كبة وحطيته في الفريزر ليوم الحاجة ما بيرضوا

شفتو العز اللي انا فيه.

الله يرضى عليكو جميعاً
والله انا بشوف الاكل البايت نعمة
معظم النساء بحبو بس الرجال هدول بدهم بيت خمس نجوم.........................................وليش لأ البيت بيتهم برضه

بدي اسال الاخت ام سمية
اذا نزلت موضوع الطبيخ للنساء العاملات او لاءا؟
ماما الماسة

السلام عليكم ورحمة الله وبركاته

ما شاء الله يا ام عمر على طول مميزه بكل مواضيعك كان بالطبخ(بالكعك اللي لسه على بالي ) كان بتربيه الاطفال كان بالتنطيم ما شاء الله عليكي الله يوفقك يا رب ويسعدك .

اشكرك كل الشكر ما تتخيلي قديش ساعدتيني بالطريقه .

نورت ياالماسة
ما شاء الله انت في نعمة ما بعدها نعمة ..ليش تكسفيهم؟؟ و..وعندك (اووووووووو) كمان
الله يهنيك بزوجك وحماتك وامك يا رب
بالنسبة للعاملات سأعرض افكار وليس برنامج محدد لاني لا اعمل حاليا..واذا تعاونا يمكننا عمل جدول ..شدوا الهمة

ام ميدو..اه والله كلامك عالوجع

وعود
عن جد صرت اشك ان زوجي زوجك اقارب..نفس الطبع سبحان الله ..مرة اقترحت عليه احضر له الحلو صباحا وفي المساء اسخنه له لاني المسا بكون متعبة جدا ..ولسة بدي اعمل كيك وحلو...رفض رفضا قاطعا sid
وقال :انا بحب الحلو طازج ...زي ما قالت الماسة البيت بيتهم

كريس
خجلتيني يا بنتي...مش عارفة شو اكتب..بس انا سعييدة جدا جدا اني افدتك ...يا ريت كان بيدي وبعثت الك كعك

افكار للامهات العاملات

الامهات العاملات الله يعطيهن الف عافية ...هن في الواقع يبذلن مجهود مضاعف عن بقية الامهات..وكل وام لها ظروف عمل مختلفة ويمكن ان نصف وضع العودة من العمل معهن كالتالي
****يعدن قبل عودة الاولاد
****يعدن مع الاولاد
****يعدن بعد الاولاد
واذا حاولنا تصنيف تحضير الطعام ومدى تأثير ذلك على الطعم يمكن ان نصنفه كالتالي
****طبخة يمكن تحضيرها كاملة قبل بفترة من موعد الاكل دون تأثر الطعم (معظم الطبيخ بمرق الذي يسهل تسخينه دون ان يتغير منظره او طعمه)
****طبخة يمكن تحضيرها جزئيا قبل تناولها بفترة والباقي يحضر مباشرة(مثل الرز و مثل الصواني بالفرن يمكن تجهيزها مساءا ومن ثم طبخها قبل الاكل وتكون عادة بهذه الطريقة الذ )
****طبخة لا يمكن الا ان تحضر قبل الاكل مباشرة ( مثل المقالي العجة..الباذنجان..السمك المقلي)
وهذه التصنيفات متداخلة لان مثلا بعض العائلات لا تمانع ان تطبخ الصواني بشكل كامل قبل بيوم ثم تسخن ثاني يوم بعد التسخين..والعكس صحيح ..بعض العائلات لا تقبل الطبيخ الا ساعة الساعة

والان كيف ممكن ينجح جدول مع السيدة العاملة؟؟

الوقت الحقيقي

اهم نقطة ان تعرف الام الوقت الحقيقي الذي يستغرقه اعداد الاكلة حسب عدد افراد العائلة ..يعني اذا كانت الام تعود بعد الاولاد (بيكونوا جاعوا كثير)وقد لا يصبروا فرغم مثلا ان المقالي تحضر مباشرة الا انها تأخذ وقت في القلي ..خصوصا للعائلة الكبيرة ..وانا جربت..اذا كبرت العائلة فوقت قلي السمك ل6 افراد غير القلي لشخصين..لذا معرفة الوقت الفعلي حاسم في نجاح الجدول

الطاقة

..ان تراعي طاقتها ايضا..فما زلت اذكر عودة امي وهي مرهقة من العمل ..فتيخيلوا فوق الارهاق عليها تحضير وجبة كاملة للعائلة ..لذا فوجبة مع ابتسامة وانت مرتاحة افضل بكثير بوجبة مع الكثير من العصبية

التحضير

التحضير ما امكن يوفر الكثييييييييييييييير من الوقت ..واليك الافكار التالية
*يمكن (للتي يقبل زوجها طبعا) اذا قررت عمل الاسبوع القادم طبخة فاصوليا بيضاء وطبخة لبن ..فيمكن طهي اللحم للطبختين وتقسيمها ووضعها في الفريزر للوجبتين فتختصري الوقت الطويل الذي يستغرقه استواء اللحم ويمكن ايضا عمل ذلك مع الدواجن
*نقع الرز ..يمكن نقع الرز لفترة طويلة (يوم) بشرط وضع ملح مع ماء النقع فلا يتكسر الرز من طول النقع..لاحظي عزيزتي ان النقع هو اطول فترة في طهي الرز
*تحضير الصواني قبل بيوم ..مثل السمك المشوي في الفرن يحضر كاملا قبل بليلة والى الفرن مباشرة

يتبع ..اعذروني الاولاد دقوا في بعض

راااااااااااااااااااااااااااااااااااائع
بس بدي اسالك الكرونه بتطبخيها لوحدها
انا زوجي بيقول انها بتنهضم وهي نازله
الا اذا قصدك مكرونه بالبشاميل

فعلا موضوع مميـــــــــــــــــــــــــــــــــــــــــــــــ ـــــــــــــــــــــــــــز يستاهل الله يعطيك العافيه

عزيزتنا أم سمية

الله على افكارك النيره .
حبيت اذكر حاجة مهمة للمرأة العاملة ، بتساعدها كثير آلا وهى القدور الكاتمه ، على الرغم من اعتراض معظم الرجال عليها ، بيقولوا بتغير نكهة الطبخة او النفس كما يقولون ، لكنى بقول انها ضرورية للى ماعندهاش وقت كافى ، والله ضرورة على الاقل فى طهى اللحوم. وبس خلاص كملت

بسم الله الرحمن الرحيم
السلام عليكم ورحمة الله وبركاته

طنجرة الضغط حل مثالي للعاملة
وانا مثلا شو بعمل؟
بعصر البندورة وبغليها وبحفظها بالفريزي عشان لما اطبخ شي بده عصير بندورة يكون جاهز
الفول والفاصوليا والباميا والملوخية بقطعها وبفرزها بطريقة صحية وساعة الطبخ بنزلها في المرة وعشر دقايق غلي وبتكون جاهزة

لما اطبخ الطبيخ نصف سوى شو بعمل؟ خاصة باليخني..........بخلي قدحة التومة قبل التقديم مباشرة يعني بطبخها وبس يصير وقت القلي بقدحلها التومة وبتكون كانها هلاء طبختها
احلى شي الكبة الجاهزة والمعجنات الي بالفريزي بس بطولها ويا بسخنها او بقليها على السريع
واذا في افكار تانية بشاركو فيها

ولكم التحية
ماما الماسة

واللي بده كل شيء ينطبخ في وقته
شو تعمل

يعني انا الملفوف وورق العنب باجهز الطبخة من الليل وطبعا مش معقول اقوم من الفجر الف ورق
والصبح باطبخها وبعدين بالفها في منشفة كبيرة وباحطها في كيس نايلون كبير وبعدين بالف الكل في حرام لحتى تفضل سخنة
يعني ل 5 ساعات .. مش اكثر.

وقت اللي كان زوجي يشتغل واوصل البيت قبله
كنت اطبخ من الصبح واخلي الرز لوقت ارجع من الدوام
والاولاد كنت احضر لهم اي شي او يسخنوا الاكل البايت لو كان فيه..

والصواني كنت اجهزها من الصبح وبس اوصل البيت اشغل الفرن
والسمك كنت اتبله من الصبح واقليه على موعد عودة زوجي
بس هذا الحكي كان ايام اللولو.. حاليا هو في البيت يعني تلخبط الجدول القديم
علشان هيك باركز على الطبخات اللي بتحتاج تسخين خفيف وما بتغير الطعم
مثل الطبيخ اللي فيه مرق وبس....

يا ستات الاولاد مقدور عليهم بسندويشات او اي شيء يسد جوعهم
المشكلة مع سي السيد ...
بدي همتكم وافكاركم النيرة

يسعدك يا ام سمية.

فيمكن طهي اللحم للطبختين وتقسيمها ووضعها في الفريزر للوجبتين

جربتها مرة فقال لي ليش طعم الحمة متغير والا مفرزناها بعد الطبخ