اخواتي العزيزات
ومشرفاتي الحبيبات
تحت ظل حملتنا صيفنا ابداع وبناءا على طلب الاخوات
سأقدم لكن اليوم مشاركتي البسيطة في استغلال البناطيل الجينز
وعمل شنطة بالخطوات
لان الشنطة اللي انتم طلبتوها مصورتش خطوات تنفيذها فقلت اعمل شنطة تانية عشان خاطركم
ياللا بينا نبتدي باسم الله
اولا نجيب البنطلون القديم
نقوم بتطبيقه هكذا وقص الجزء العلوي وفصله عن باقي البنطلون
نقوم بعدها بفتح كل رجل وفردها
نرسم بعدها الشكل المراد تنفيذه وقصه هكذا
ونقص ايضا من الاسفل
عشان تطلع الشنطة مدورة من الجوانب ودا شكلها بعد القص
وبكده قصينا الشنطة وفردناها طلع شكلها كدة
نقص جيب من جيوب البنطلون عشان نحطه كماليات
ونقوم بخياطة الجيب الاول وبعدها نقوم بخياطة باقي الشنطة
وكان عندى شرائط رفيعة من الجلد من صندل بنتي
فعملت منها ضفيرة هكذا
وقمت بخياطتها على المكنة ولصقها وعملت ضفيرتين بجانب بعض لكي يكون حزام الشنطة عريض
واصبح شكلها كدة وحطيت فيها توكة حزام قديم
بس شكله رقيق كأكسسوار وطبعا ركبت سوستة
وكان عندي زرار شيك حطيته في عروة الجيب
وشغلت عليها بالخرز بنفس لون خيط شغل الجينز
واصبح شكلها كدة بعد ما خلصتها
وده شكلها النهائي واهديتها لأختى الصغيرة
يارب تكون فكرتي النهاردة عجبتكم
وانتظروا مني الفكرة القادمة ان شاء الله
دمتم بخير
والسلااااااااااااااااااام
الروابط المفضلة