✿* حلى متميز*✿قدرة قادرة طبقتين قصتي معها طويلة عريضة:D
بسم الله الرحمن الرحيم
السلام عليكم ورحمة الله وبركاته
شوفو قصتي مع قدرة ها القادر اللي مش راضية تنجح معي ولا بشكل من الاشكال
عملتها اول مرة زبطت وما احلاها بس لزقت شوية
ههههههه تاني مرة ما جمدت الكراميل وعجب عليييييييييي والسكر ضاع وصار مو مبين بالوصفة
والمرة التالتة يا حبايبي الكيكة صارت تحت والكراميل فوق وانا بعرف انه المفروض يصير العكس ييييييييي
مغامرات
لحتى توصلت لطريقة ولا اسهل من هيك
عملت كيكة عادية وقسمتها من النص
وجبت القالب ولبسته نايلون عشان اعرف اشيل الكيكة بعديها وحطيت اول طبقة وسقيتها بشوية حليب وكاكاو وسكر
وجبت بعديها كريم كراميل جاهز وحضرته زي ما هو مكتوب على العلبة
وهون في شوية من الكراميل اللي بكون مع العلبة حطيت شوية منه بالخليط مع رشة برش برتقال
وبعدين صرت اطبقها مرة طبقة كيك ومرة طبقة كراميل
وأخر طبقة الكراميل على الوجه
وهلاء بس بردت وشلتها من القالب
وهيك طلعت معنا بعد ما زينتها بالشوكولاته البيضة المبروشة
ياللا نقطعها
انا عملتها يوم الاربعاء الل فات وقلت ادوق طبعا ابو مازن جارنا وفعلا قطعت 4 قطع وطلعتهم
اوبس الا انا بلاقي عندهم نااااااااااااس بنات قرايبينه فقلت عيب طبعا ونزلت جبت لباقي الضيوف وشوفو سبحان الله الدنيا نصيب
قريبتة الها 11 سنة مش داخله فلسطين الها نصيب تيجي وتدوق من كيكتي سبحانك يا الله
وبعدين عملت وحدة تانية امبارح الجمعة وأخذتها معي على اهلي كانو مجموعين يوم الجمعة امبارح
وكتير انبسط عليها بابا واخي......
وبس هذا هو
صحتين وعافية على قلوبكو
تحياتي واحتراماتي
الماسة
ام سهام واسيل
رد مع الاستدلال
[
كتبت بواسطة noorelhoda
الروابط المفضلة