السلام عليكم يا حلوات :
رح أدخل في الموضوع على طول , من غير مقدمات ....
شو رأيكم نعمل ملف كامل و شامل عن الكيكات ؟؟؟؟؟
يعني كل واحدة تحط أحلى كيكة بتطلع معاها أو كيكة حلوة جربتها من المنتدى و طلعت لذيذة ,و إذا في عندها ملاحظات عليها بتقول حتى الجميع يستفيد ...
موافقين ..... على بركة الله , و أنا رح أبدى بنفسي :
أحلى كيكة بتطلع معاي هي كيكة الجزر و البرتقال , و هي مو طيبة و بس هي بتعقد و مين ما يدوقها من ضيوفي ينهبل عليها و مش ممكن يطلع إلا ما يأخذ الطريقة .....و أنا ما بعطيها إلا للحبايب ( وينها أفنان ) , و رح أعطيكم سر الصنعة .
المواد اللازمة :
بيضتان
كوب سكر بني أو أبيض
كوب جزر مبشور ناعماً
بشر برتقالة
ثلث كوب عصير برتقال
ربع كوب زيت مازولا
كوب طحين
ملعقة صغيرة قرفة مطحونة
ملعقتان صغيرتان بيكنغ بودر
التحضير :
# نخفق البيض حتى يصبح هشاً ثم نضيف السكر و نخفق حتى يشتد المزيج و يبيض .
# نضيف الجزر و العصير و البشر و الزيت و نخلط خلطة صغيرة ثم نضيف الطحين المنخول مع البيكنغ بودر و القرفة و نقلب بخفة حتى يتجانس المزيج ثم نصبه في قالب مدهون بالزبدة و نسوي السطح .
# يخبز في فرن متوسط الحرارة (180 مئوي ) مدة ثلاث أرباع الساعة أو حتى ينتفخ و يصبح صلباً .
# يمكن إضافة الجوز .
عم أستناكم
الروابط المفضلة