انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.


للبحث في شبكة لكِ النسائية:
الصفحة 1 من 5 12345 الأخيرالأخير
عرض النتائج 1 الى 10 من 47

سويسرول

(الحلويات والكب كيك والكيك وحلويات العيد - منتديات لكِ النسائية - الأرشيف)
...
  1. #1
    أفنـ أم عمر ـان غير متواجد كبار الشخصيات
    تاريخ التسجيل
    Oct 2000
    الردود
    3,562
    الجنس
    أنثى

    سويسرول

    السلام عليكم

    هذا السويسرول , طريقته بسيطة كتير لكن بحتاج اتباع الخطوات مزبوط حتى يطلع تمام ... وأكيد المعظم بعرف طريقته , بس بالإعادة إفادة ...

    الكيكة الإسفنجية : بالمقادير التالي
    3 بيضات
    نصف كأس سكر عادي
    ملعقتين صغيرتين فانيلا
    ملعقتين صغيرتين مليئتين بيكنج باودر(بشرط تكون النوعية ممتازة وطازجة)
    كأس(منقوص منه ملعقتين كبيرتين) دقيق

    الطريقة :
    (اشعلي الفرن فوق وتحت على حرارة 200 درجة مئوية لاحظوا مو فهرنهايتي -والفرن عندي كهربائي)


    ضعي البيض في الخفاقة , واخفقيه جيدا حتى يميل إلى البياض .
    أضيفي السكر + الفانيلا والبيكنج باودر
    واستمري بالخفق .

    ابدأي بإضافة الطحين بالتدريج , على أربع دفعات تقريبا .

    واخفقي (كل ما انخفقت أكتر بكون أفضل).

    الآن حضري صينية مستطيلة كبيرة شوي (اللي عندي تقريبا مربعه 36 سم *34 سم) (إذا ما عندك صينية بهالحجم , استخدمي صينية أكبر وضعي العجينة بداخلها بهذه القياسات)

    وافردي في الصينية ورق الزبده أو البعض بسميه أظن ورق الشمع الواكس بيبر ,

    اسكبي العجينة على ورق الزبدة , وافرديها يجب أن تكون بسمك قلييييييييييل نصف سم أو أقل حتى.

    أدخلي الصينية للفرن الحامي , وبعد 5 دقائق أخفضي الحرارة لـ 170 أو 150 .

    افردي على الرخامة أو المجلى أو وين ما بدك ! ورق زبدة بمساحة تكفي الكيكة , ورشي على ورق الزبده سكر بودرة منييييح (حتى ما يلتصق وجه الكيكة بالورق وينتزع شكلها<< صرت أحكي سوري , تؤبشي ألبي يا فنونة شو مهضومة !!!-بس بلاش-)

    الكيكة رقيقة جدا لن تحتاج لوقت , مجرد ما تشوفيها نضجت , أخرجيها مباشرة حتى تبقى طرية وما تنشف (لو نشفت ما بتزبط سويسرول) .وبكون سمكها سم واحد تقريبا.

    اقلبيها مباشرة على ورق الزبده اللي على المجلى , ولفيها مع الورق ما يهمك , شدي اللف بس ما تشدي لدرجة تخبصيها

    وحطيها على طوووووووووووووول بالتلاجة ... واتركيها قد ما فيكِ صبر , المهم تبرد منيح .

    طلعيها من التلاجة , وبتكوني محضرة الكريمة (الكريمة إلها دور كبير بالطعم , يعني لما بستخدم كريمه طازجة مختلفة تماما بتطلع عن كريمة بودرة والكريمة البودرة نفسها أنواع ,وكل واحد وذوقه)

    ارجعي افتحي الرول بشوييييييييييييييييييييييييييش حتى ما تفتتيه , وطبعا اسحبي الورق منه , وهو راح يبقى ملفوف بس مش مشدود , يعني ما بتفتحيه على الآخر وبتفرديه ....بخرب.

    بتحطي الكريمة جواه , وبالملعقه حطي خط طولي مع طول الرول مربى فراولة (بس خط رفيع ما تكتري ولا تفردي على كل العجينة)

    وإرجعي لفي الرول منيح , بدون ورق هالمرة . ولفيه من برا بالورق , ورجعيه للتلاجة وخليه يبرررررررررد والكريمة تجمد , ويتطعم كله مع بعضه.

    قبل التقديم , اقطعي الأطراف من هون وهون , لنها حتكون قاسية شوي أولا ومش مرتب شكلها تانيا

    بصفّي عندك رول جميل .... ممكن تقطعيه شرائح وبعدين تزينيها بالشوكولاته ,

    أو ممكن تزيني الرول كامل بالكريمة وتعمل فيه أي زينة بتحبيها قبل التقديم والتقطيع .

    وصحتين وعافية

  2. #2
    ام رامى غير متواجد عضو
    تاريخ التسجيل
    Oct 2003
    الموقع
    مصرية مقيمة بالامارات دبى
    الردود
    60
    الجنس
    تسلم ايدك على الكيكة وعلى الشرح التفصيلى ولاقيت اجوبة على كل الاسئلة الموجودة عندى
    بس قولى مش بكنج بودر كثير شوية

  3. #3
    أفنـ أم عمر ـان غير متواجد كبار الشخصيات
    تاريخ التسجيل
    Oct 2000
    الردود
    3,562
    الجنس
    أنثى
    حياك الله أم رامي
    الحمد لله إنك لقيت إجابة على استفساراتك

    البيكنج باودر أبدا مو كتير , لكن ما أخفيك , بخاف النوعيات بتختلف من بلد لبلد ,

    النوع اللي بستخدمه نوع ممتاز وفعّال ...

    لكن انتبهي إني قلت ملعقتين صغيرتين (ملعقة شاي صغييييرة)

  4. #4
    إيمان علي's صورة
    إيمان علي غير متواجد لجنة جوال لكِ "كبار الشخصيات"
    تاريخ التسجيل
    Jan 2002
    الموقع
    أمريكا
    الردود
    36,171
    الجنس
    امرأة
    مسكينة يا هالطابعة اللي عندي، اهترت من كثر ما طبعنا وصفات، بس هذه التحفة لازم بدي أجربها إن شاء الله.. الله يبارك فيك ويسلم هالإيدين المعدلة


  5. #5
    إيمان علي's صورة
    إيمان علي غير متواجد لجنة جوال لكِ "كبار الشخصيات"
    تاريخ التسجيل
    Jan 2002
    الموقع
    أمريكا
    الردود
    36,171
    الجنس
    امرأة
    الكاس قديش عياره؟ كوب مرقم من تبع العيارات؟
    هلأ بدي أروح أحسب الدرجة المئوية تبعك أكيد 350 يعني
    معلش فنو بس يا ترى قديش بتقعد بالفرن بعد الخمس دقائق وتخفيض الحرارة؟
    يا ترى بنقلبها بس تبرد؟ والا بنقلبها وهي سخنة؟ وهل بنلفها وهي باردة أو سخنة؟
    بالنسبة للكريمة بتفردي عليها كلها والا مثل الفراولة؟ ويا ترى الكريمة البيضاء الهشة الجاهزة بالعلب بتنفع؟

    سامحيني على كثر الأسئلة، ولكن البارحة عملت تجربة من المنتدى وبسبب قلة الأسئلة والشرح اللي عرضته الأخت، طلعت تجربة فاشلة الشكل لكن الطعم لا بأس به! فقررت أسأل اللي بتكتب حتى أهريها وهذا حتى ما أفشل وألوم الكاتبة

  6. #6
    ام مودي's صورة
    ام مودي غير متواجد كبار الشخصيات
    تاريخ التسجيل
    Oct 2001
    الموقع
    كندا
    الردود
    4,877
    الجنس
    أنثى
    يسلمو هالايدين يا فنو على السويسرول اللزيز..

    بس يعني هلا هادي هي الوصفة...سهلة ما بدها اشي هيعيعيعيعيعيعيعيه...بس بعمل زي بعض الناس بشوف شو الاحساس لما يحكو هيك...بس ما طلعت بنتيجة..العملية مصطنعة..ما بينفع...
    لا بجد رووعة كتير يا ام عمر..بدي اعطيها لصابرينا تعملنا ياها...هاهاها...له له له يا ام عمر طلعت عليكي هالسمعة
    اوووعك تزعليي تؤبشي البي..هيدي دعاابة

    لا والله الله يسلم هالديات الحلوات المعدلات...

    و بدنا كمان..اعملي سكان لدفترك لو بتسمحي و نزليه هون ...شكلك عندك وصفاات ياما..بس مخبية علينا..بطلي هالحركات يا ام عمر..و هاتي ما بجعبتك...

    سلاام

  7. #7
    LeEn غير متواجد النجم الفضي
    تاريخ التسجيل
    Aug 2002
    الردود
    1,412
    الجنس
    أنثى
    با كلها من ايد بنت دندوش بكرا ^__^

    يسلموا الأيادي

  8. #8
    أفنـ أم عمر ـان غير متواجد كبار الشخصيات
    تاريخ التسجيل
    Oct 2000
    الردود
    3,562
    الجنس
    أنثى
    امونة يا أحلى امونة في الدنيا ...تسلمي على الكلام الحلو ...

    واسألأي قد مااااااااااااااااا بدك .... أنا كم أمونة عندي؟

    الكاس قديش عياره؟ كوب مرقم من تبع العيارات؟

    --الماج العادي 250 مل


    هلأ بدي أروح أحسب الدرجة المئوية تبعك أكيد 350 يعني

    --دبري حالك وجيبي المعادلات اللازمة ..مش مشكلتي , بفهمش بالفهرنهايتي بالمرة.


    معلش فنو بس يا ترى قديش بتقعد بالفرن بعد الخمس دقائق وتخفيض الحرارة؟

    --والله يا أمون , مش قادرة أعطيك جواب 100 % , لإنه الحقيقة المرّة اللي ما ذكرتها إني بشتغل على البركة , أحيان حتى بلا مقادير ...
    بس قولي من 5-10 دقائق أخرى , وإنت حسب ما بتشوفي الكيكة نفشت ووجهها صار ذهبي, بس ديري بالك ما تطولي بحيث تنشف مثل ما قلنا ..

    يا ترى بنقلبها بس تبرد؟ والا بنقلبها وهي سخنة؟ وهل بنلفها وهي باردة أو سخنة؟

    --طبعا كله وهي سخنه , لإنه إذا بردت ما بنعرف نلفها , بتجمد وبتنشف وبتتكسر عند اللف
    أما لما تكون سخنه بتكون طرية , وسهل التحكم فيها

    بالنسبة للكريمة بتفردي عليها كلها والا مثل الفراولة؟ ويا ترى الكريمة البيضاء الهشة الجاهزة بالعلب بتنفع؟

    -الكريمة عليها كلها , وهي ما حتكون مفرودة بل حتكون ملفوفة , لإنها بردت بوضعية لف.
    والكريمة الجاهزة ما جربتها والله يا أمون أبدا.

  9. #9
    أفنـ أم عمر ـان غير متواجد كبار الشخصيات
    تاريخ التسجيل
    Oct 2000
    الردود
    3,562
    الجنس
    أنثى
    ههههههههههههههههههههه أم مودي فقعتيني من الضحك ...

    صابرينا وبنت دندوش اللي ما أجت لسه !! يا فرحتي

    هو أنا يا أم مودي مقصرة بركن الأطباق كتير بس مو عن قصد ...
    أنا توجهي اول ما بدخل على ركن الطفل والنافذه , وخلص ما ببقى معي وقت , وقتي ضيق كتير ,
    صدقي في أركان عمري مااااااااااااااااااا دخلتها ولا بعرف شو بنكتب فيها !

    وركن الأطباق بدخله بسرعه وبحاول على الأقل إذا طبقت طبخة او حلو أقول ...

  10. #10
    أفنـ أم عمر ـان غير متواجد كبار الشخصيات
    تاريخ التسجيل
    Oct 2000
    الردود
    3,562
    الجنس
    أنثى
    LeEn

    خلص خلّي بنت دندوش تفيدك

مواضيع مشابهه

  1. سويسرول ......((K))
    بواسطة ام ريتال في المعجنات والسندويشات والفطائر والخبز
    الردود: 1
    اخر موضوع: 04-04-2005, 04:37 PM
  2. سويسرول ......((K))
    بواسطة ام ريتال في الحلويات والكب كيك والكيك وحلويات العيد
    الردود: 1
    اخر موضوع: 04-04-2005, 04:37 PM
  3. (((سويسرول غير شكل)))
    بواسطة المهـــا في الحلويات والكب كيك والكيك وحلويات العيد
    الردود: 4
    اخر موضوع: 09-11-2000, 02:05 PM
  4. سويسرول مع المانجو
    بواسطة طلال في الأطباق الرئيسة
    الردود: 1
    اخر موضوع: 17-10-2000, 08:13 PM

أعضاء قرؤوا هذا الموضوع: 0

There are no members to list at the moment.

الروابط المفضلة

الروابط المفضلة
لكِ | مطبخ لكِ | جمالكِ | طفلكِ | تحميل صور | تكرات | المجموعة البريدية | لكِ أطباق لاتقاوم

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96