اخيراً جيت وجبت معايا التشويق اللى فى توقيعى
وان شاء الله يعجبكم زى ما عجبنى
موس الكراميل والشيكولا
كوب الا ثلث سكر
١/٤ كوب ماء
كوب كريمة خفق
٣ أكواب حليب كامل الدسم
١/٤ كوب نشا ذرة
بيضتين
ملعقة صغيرة فانيليا
حوالي ٦٠ جم شكولاته غامقة
اول حاجة نعمل الكراميل
نضع الماء والسكر فى حلة على النار
ونخليه على نار وسط لغاية ما يوصل للون الذهبى المائل للبنى
نضيف الكريمة ونقلب بسرعة .. انتبهى على ايدك يا حلوة
اخلطى البيض والفانيليا فى طبق عميق
واخلطى النشا مع نصف كوب حليب فى كوب
اخلطى باقى الحليب مع الكراميل
ورجعيه على النار يغلى مع التحريك المستمر واخلطى معاهم النشا وقلبى شوية كمان علشان يروح طعم النشا
بعد ما خلطنا البيض
اخلطى عليه شوية من خليط الكراميل وقلبيه كويس
ضيفى خليط البيض على باقى الكراميل علشان البيض ما يتكتل
صبى مقدار كوب من الخليط على الشيكولاتة الغامقة وذوبيها كويس
وهنا لما ذابت الشيكولا
صبى مقدار من خليط الكراميل والشيكولا فى كاسات التقديم
وبعدين خليط الكراميل
ودخليهم الثلاجة لغاية ما يتماسكوا ويجمدوا ويبردوا
ولما تقدميهم زينيهم بالكريمة
انا زينتهم بكريمة الزبد والشيكولا المبشورة
بالف هنا يارب
الروابط المفضلة