كان المفروض هاد الموضوع ينزل بملف الكنافة بس للاسف ماكان عندي وقت
امبارح عملت كنافة بالقشطة احنا بنحكيلها بين نارين حبيت اورجيكم طريقتي
هاي الكنافة محلات الحلو عنا بس بعملوها برمضان لانه ماعليها طلب
هي المفروض نقليها بالزيت بس انا حمصتها تحميص متل الشعيرية
المقادير
كنافة خشنة تقريبا ربع كيلو
زيت نباتي استخدمت فنجان قهوة صغير
قشطة
فستق حلبي للتزين
قطر

مقادير القشطة
كاستين حليب
ملعقتين نشا
ملعقتين سميد
ملعقتين سكر
2 حبة لافشكري
وعلبة قشطة
انا كمان حطيت بيضة

بنحط الحليب وكل المواد الجافة عالنار مع التحريك المستمر
بنحط الجبنة وبس يجمد الخليط بحط البيضة وبحرك منيح وبعدين بطفي عليها
بحط علبة القشطة

الكنافة انا فرمتها عالمحضرة ناااااااعم
حطيتها بطنجرة عالنار مع شوية زيت ماعيرت بصراحة
ضليت احمص فيها وانتبهو ما تروحو وتتركوها لانها بسرعة بتتحمر



هون قبل التحميص

بدها تقريبا ربع ساعة


هيك صار لونها

حطيت عليها شوية قطر بصراحة ماكترت يادوب فنجان قهوة صغيرة وحركتها منيح
حطيت نص الكنافة ببايركس وحطيت القشطة ورجعت حطيت باقي الكنافة
زينتها بالقشطة والفستق الحلبي

لازم تضل عالاقلة ساعتين بس تبرد
انا بحبها بتقرش لهيك ماكتر قطر بس في ناس بحبوها طرية شوي لهيك بنزيد كمية القطر






بصراحة ماصبرت عليها قطعتها بعد ساعة هههههه
طعمها كتييييييييير خفيف والقشطة طعمها روعة

في امان الله

~


تسلم ايديك ام فرح شكلها بياخد العقل

~

يا صباح القشطة
شو نظام التعذيب على هالصبح يا مجودة؟
الرحمة حلوة
طالعة معك بتجنن وعنجد انا دخلت راسى قصة تحميص الكنافة
بصراحة روعة تسلم ايديكى وان شاء الله اليوم اعملها

ماشالله تسلم ايديكي بتشهي
نحنا بسوريا من قول بين النارين او ام النارين عن الكنافة بجبنة متل النابلسية بس الخشنة اختلاف مسميات هي بظن انهم بيسموها مغشوشة عنا مالي متاكدة بس

يسلموووووووووووووووووووووو يا عسل روعه

طريقه سهله وكثير مميزة ابدعتى يا غاليه

صحه وهنا على قلبكم

كل عام وانت بخير

يميييييييييييييييييي على الكنافه
شكلها بيشهي وخفيفه وصحتين وعافيه مجد

كتبت بواسطة ملكة بنقابي~

~


تسلم ايديك ام فرح شكلها بياخد العقل

~

واديكي ام لمار نورتي حبيبتي

كتبت بواسطة غزاوية شاطرة

يا صباح القشطة
شو نظام التعذيب على هالصبح يا مجودة؟
الرحمة حلوة
طالعة معك بتجنن وعنجد انا دخلت راسى قصة تحميص الكنافة
بصراحة روعة تسلم ايديكى وان شاء الله اليوم اعملها

يا مرحبتين بام محمد كيفك حبيبتي
واديكي حبيبتي جربيها كتير روعة وسهلة

كتبت بواسطة MARWAH

ماشالله تسلم ايديكي بتشهي
نحنا بسوريا من قول بين النارين او ام النارين عن الكنافة بجبنة متل النابلسية بس الخشنة اختلاف مسميات هي بظن انهم بيسموها مغشوشة عنا مالي متاكدة بس

واديكي حبيبتي
ههههه حلوة هاي مغشوشة وفعلا كل بلد مسمياته بتختلف

كتبت بواسطة (( ام ماهر ))

يسلموووووووووووووووووووووو يا عسل روعه

طريقه سهله وكثير مميزة ابدعتى يا غاليه

صحه وهنا على قلبكم

كل عام وانت بخير

واديكي ام ماهر مبسوطة انها عجبتك جربيها واحكيلي

كتبت بواسطة بيتي حياتي

يميييييييييييييييييي على الكنافه
شكلها بيشهي وخفيفه وصحتين وعافيه مجد

على قلبك يارب نورتي موضوعي

روعه حبيبتي يسلمو الايادي

تسلم الايادي يا غالية

و صحة و هنا

ذكرتيني بصديقتي سمر كتيررررررر بتحبها وبتعملها الف صحه يسلمو الايادي