أهلا حبيباتى
وحشنى القسم الحلو ده
النهاردة هانعمل بودنج حلو وجديد
تعملى ايه لو جبتى 2 كيلو بلح وطلع طعمه مش حلو
اعملى زيى وطلعى احلى بودنج
بودنج البلح
هانجيب البلح ونغسله
ونحطه فى حلة ونغطيه بالماء ونحط كوب سكر عليه
ونرفعهم على النار لغاية ما البلح يلين
كوب كريم شانتيه مخفوق
كوب الا ربع كسترد جاهز
باكيت بسكوت شاى
ربع كوب عين جمل
البلح (منزوع النوى ومقطع صغير)
نخلط الكريم مع الكسترد
ونخلط عليهم البلح
وبعدين عين الجمل
والبسكوت نكسره ونضيفه على الخليط
ونصب الخليط فى الكاسات
ونوقفهم صف بالشكل ده
ونخليهم فى الثلاجة لغاية ما يتماسكوا
وبألف هنا وشفا
الروابط المفضلة