السلام عليكم ورحمة الله

نبدأ بالمقادير
نصف كوب دقيق سيمولينا(دقيق السميد)
نصف كوب جوز هند(اختيارى)
كوب الا ربع سكر
كوب ونصف زبدة بدرجة حرارة الغرفة
3 ونصف كوب دقيق
كيس فانيليا
ملعقة صغيرة بيكنج بودر
2 بيضة
مقادير السيرب
كوب مياه على كوب سكر وربع ليمونة
الطريقة
هنضرب الزبدة مع السكر





ولما تنعم هنحط عليها بيضة بيضة بالتدريج ونضربها





وده شكل البيض والسكر والزبدة لما اتضربو مع بعض





بعد كده هنضيف عليهم الدقيق العادى ودقيق السيمولينا والبيكنج بودر





ونضربهم تانى مع بعض وده شكلهم لما اتضربو





بعد كده ندخل العجينة التلاجة لمدة ساعتين ولما نطلعها نعجنها بايدينا
وده شكلها بعد ماخرجتها من التلاجة وعجنتها





خلى بالك قبل ماتشكليهم وتحطيهم فى صينية خدى جزء صغير من
العجينة وشكليه وحطيه فى صينية واخبزيه عشان تجربى قبل ماتحطى كل العجينة
وتشكليها
لو فرش منك اوى فى الفرن ولقيتى انك مش قادرة تمسكيه زودى للعجينة دقيق لأن كل نوع زبدة غير التانى وكل دقيق غير التانى
انا عملت كده وزودت دقيق
وبعد كده شكلتهم وحطتهم فى صينية وحطيت عليهم زبيب وممكن تحطى مكسرات او اللى انتى عايزاه
كورى كورة صغير عشان هتكبر فى الفرن





اخبزيهم على حرارة 180 وهياخدو حوالى 20 دقيقة
اطفى عليهم لما الوش يحمر
انا خبزتهم فى فرن الكهربا
ولما يطلعو حطى عليهم سيرب او ممكن تغطسيهم فى السيرب وبعد كده تطلعيهم ترصيهم فى طبق التقديم(انا عملت كده)
وبعدها حطيهم فى التلاجة قبل ماتاكليهم هيدو نتيجة احلى فى الطعم وفى التماسك
وبالهنا والشفا ياقمرات

تسلم الايادي

كتبت بواسطة ام كوجي

تسلم الايادي

الله يسلمك ياقمر

تسلم ايديكي يا حلوة
طالعين بيشهوا بالهنا و العافية عليكم

ماشاءالله راااااائعه تسلم ايديك

تسلم ايدك شكلهم مشهي ماشاء الله

رااااائع ما شاء الله
تسلم ايدك

يسلموووووووووووو أختي
كتير شكلها حلو

تسلمو ياقمرات ع ردودكم الجميلة
وفى انتظار تطبيقاتكم
وتحت امركم فى اى استفسار

سلمت يدااااك