ومع بداية عام جديد
ندوق أحلى كيك من أحلى بيرو
وكل مسابقة وانتوا طيبين
الكيك خطييير وباعتراف مرات اخويا
عملته امبارح وقاعدة تشعر فيه لغاية النهاردة
كيك البرتقال والكراميل مع الصوص الساحر
2 كوب دقيق + ملعقة كبيرة بيكنج بودر
3 بيض + فانيليا
كوب عصير برتقال + برش برتقالة
كوب الا ربع سكر
نصف كوب زيت
والمكون السرى << على قولة أم عدى (باكيت بودرة كريم كراميل)
نخلط الدقيق مع البيكنج بودر مع بودرة الكريم كراميل ونتركها جانبا
نخفق البيض مع الفانيليا وبرش البرتقال
لغاية ما يوصل للمرحلة دى
وبعدها نضيف السكر ونخفق
والزيت ونخفق
ثم نضع ثلث كمية عصير البرتقال
وبعدها ثلث كمية خليط الدقيق
وهكذا بالتبادل بين العصير والدقيق حتى انتهاء الكمية
نصب الخليط فى صينية مدهونة وندخلها الفرن
الفرن يكون مسخن مسبقاً على 180 درجة .. اول ربع ساعة وبعدها نقلل الحرارة 160 لغاية ما تستوى الكيك
وهنا لما طلعت
ايه رأيكم
تعالوا رايحين فييييييييييين
انتوا ماصدقتوا
لسة فيه الصوص
المقادير
نصف كوب عصير برتقال
برتقالة (ناخد البرش بتاعها والفصوص كمان)
ملعقة كبيرة نشا ذرة
ربع كوب ماء لتذويب النشا
4 ملاعق سكر
الطريقة
نضع العصير والبرش والفصوص والسكر فى مقلاة ونرفعها على النار
نذوب النشا فى الماء
وبعد حوالى 3 دقائق نضع النشا على الصوص
ماعرفتش اصور الخطوة دى لأنى لازم اقلب على طول
الروابط المفضلة