السلام عليكم ورحمة الله وبركاته
اذا ممكن بغيتكم تساعدوني .......
صديقاتي بيجوني في البيت بغيت طريقة التقديم للقهوه والشاهي تكون جديدة شوي
طبعا مع القهوه يمكن مافي مشكلة لأن أنواع الحلى كثثثثثثثير ... لكن مع الشاهي وش ممكن اقدم
غير المعجنات .
ومشكورة مقدما لكم ..

أهلاً و سهلاً بك يا المستظله ،، عزيزتي، المنتدى مليء بالحلويات التي تقدم مع القهوة أو الشاي و أنا أنصحك بعمل حلويات بها قرفه أو قرفه و تفاح كالأبل باي و السينمون رول و ستجدي هذه الوصفات بسرعة لو استخدمت (البحث).
بالتوفيق

مشكورة عيوني ام مهدي على الأقل عبرتيني
وترى يام مهدي كل اللي قلتي عليه حاطه في بالي اني باسويه وبالذات حق القرفه وطبعا
بتتقدم مع القهوه .
بس انا ابي اي شى مايكون حالي ....... انا متعوده اقدم مع الشاهي كيك ... ومكسرات...
وفطاير { جبنه ، زعتر ، تونه، سبانخ } وكذلك بيتزا .
علشان كذا بغيت شئ جديد
ومشكورة عيوني

وراكم يابنات ............ وش تقدمون لضيوفكم








تكفون ردو علي ..............

أهلا يا المستظله ، اعذريني على إزعاجك بس بتعرفي الموسم إجازات و البنات مش عالنت ، المشكلة أننا اعتدنا على تقديم المعجنات التقليدية مع الشاي بس أنا عندي وصفه يمكن تعجبك، يمكن! قومي بعمل عجينة الغالية أسيرة الغربة (تحت موضوع عجينة لا تفوتكم) ثم افردي طبقة في قاع الصينية ثم طبقة من البطاطا المهروسة والمتبلة ثم طبقة عجينة ثم طبقة بطاطا ثم طبقة عجينة و اخبزيها .
إذهبي إلى الأطباق الرئيسية و ستجدي موضوع الغالية المها (إيش رايكم نخبز) حيث قامت هي و باقي الأخوات العزيزات بتقديم مجموعة من الخبز اللذيذ.

مشكورة عيوني ام مهدي على الرد
وانشاءالله نخدمك في الافراح .

مرحبه اختى المستظله...الصراحه كسرتى خاطرى وانتى تستنجدين بالاخوات ... وتبين فزعتهم .... قلت خلينى أشارك و يمكن اقدر اساعدج....
المهم اشرايج تشترين عجينة البف باسترى الجاهزه, اللى تتورق لمن اتدخلينها الفرن..
تاخذينها واتقطعينها اشرطه طويله وبعرض 1 سم وبعدين اذا عندج اقماع معدنيه صغيره ..اتعرفينها؟ اللى ينلف حوله العجائن !!! واذا ما عندج انتى ابنفسج اتسوين اقماع من القصدير ..اوكى..وتاخذين كل قمع واتلفين حوله شريط عجينة البف باسترى واتاتحطينهم بالصينيه وتمسحينه ابصفار البيض واتدخلينه الفرن . وبعدين تسحبين العجينه من على الاقماع وتحشينه ابلبنة بينار واترشين على وجه اللبنة اشوية زعتر وممكن تحشينه ابجبنة بيضا مع نعناع او اى حشوة ثانيه ....ها اشرايج

مرحبه اختى المستظله...الصراحه كسرتى خاطرى وانتى تستنجدين بالاخوات ... وتبين فزعتهم .... قلت خلينى أشارك و يمكن اقدر اساعدج....
المهم اشرايج تشترين عجينة البف باسترى الجاهزه, اللى تتورق لمن اتدخلينها الفرن..
تاخذينها واتقطعينها اشرطه طويله وبعرض 1 سم وبعدين اذا عندج اقماع معدنيه صغيره ..اتعرفينها؟ اللى ينلف حوله العجائن !!! واذا ما عندج انتى ابنفسج اتسوين اقماع من القصدير ..اوكى..وتاخذين كل قمع واتلفين حوله شريط عجينة البف باسترى واتاتحطينهم بالصينيه وتمسحينه ابصفار البيض واتدخلينه الفرن . وبعدين تسحبين العجينه من على الاقماع وتحشينه ابلبنة بينار واترشين على وجه اللبنة اشوية زعتر وممكن تحشينه ابجبنة بيضا مع نعناع او اى حشوة ثانيه ....ها اشرايج

اتصدقين يالمستظله ما ادرى شالسالفه؟؟ طبعتلج الرد ولمن ضغطت زر ارسل الرد..جان اشوف ردى نازل باسم وحده اسمها المسلمه ...واستغربت واكلم نفسى شالسالفه ؟ اخاف انه كمبيوترى فيه جنى ..ولمن ضغطت مره ثانيه على زر اضافة رد انفتحت لى الصفحه يديده
والفروض الصفحه مكتوب فيها من فوق اهلاzizina بس كان مكتوب فيها اهلا مسلمه ..قلت لا يا امعوده الظاهر انه هذا جنى مسلم ابكمبيوترى... الحين بضغط على زر ارسل الرد ...عسى بس ما يطلع لى مره ثانيه باسم ..المسلمه...بس اذا هالمره يعنى السالفه فيها انه!!!!!!!

والله أني مستحيه فيك ياخزياااااااااااااه بس ...
ايش رايك يا المستظله تشوفي مواضيعي تراها فيها حلويات غريبه أما بالنسبه لمأكولات الشاي
ما حرصت عليها لكنها موجودة عندي في كتب والله كثيرة بس إني ما سجلتها في المنتدى..
لأني أنا أحب المعجنات والحلويات أكثر واحرص عليها ... وإن شاء الله أسجلها علشانك ...
ولك جزيل الشكر,,,,

مشكورة اخواتي....... المسلمة... وzizina7 ..وضحكتيني صراحة بحكاية الجني ... بسم الله علينا جميع .... وياشيهانة نجد مشكورة حبيبتي .... ويالله اللي عندك اكتبيه علشان نستفيد كلنا .............