ღ♥ تطبيق متقن ღ♥تطبيقي لبسكوت منال العالم بسكوت الزبدة بالمكسرات تحفة عنجد
مسا الخير صبايا كيفكم
من يومين وصت جوزي على زبدة
وماكنت عارفة شو اعمل فيها
اليوم وانا بفطر كنت بتفرج على برنامج منال العالم
لحقت اخر 5 دقايق من الوصفة
باخر الوصفة عادو المقادير عالسريع
انا بسرعة حفظتهم
وبعد الغدا شمرت عن ادي وبلشت
نبدأ بسم الله
زبدة بدرجة حرارة الغرفة 200 غرام
تلات ارباع كاسة سكر ناعم
صفار بيضتين وفانيلا
كاستين وربع دقيق انا استبدلت الربع كاسة طحين بالنشا
نص معلقة صغيرة بكنج باودر المرة الجاي ما بدي احطه
رشة ملح
اول اشي بنخل الطحين والنشا والملح والبكنج باودر
وهاي صورة المقادير كاملة
بنخفق الزبدة 5 دقائق متواصلة لحتى تصير ناعمة
ثم نضيف السكر ونخفق 5 دقائق اخرى
نضيف صفار البيض مع الفانيلا ونخفق
ثم نضيف الدقيق حتى نحصل على عجينة متماسكة
نضعها بالتلاجة نص ساعة زمان
انا هي خطأي ما خليتها الا 10 دقائق لاني كنت طالعة مشوار
نفردها على ورق زبدة
هون استخدمت قطاعة الوردة زي منال العالم بالزبط
ونصفها بالصينية وندهنهم ببياض البيض
ونضع المكسرات عليهم حسب الرغبة انا استخدمت لوز
ملاحظتي طوالي بس تدهنيه ببياض البيض حطي المكسرات
انا حطيت على جزء فقط لانه اولادي ما بحبو المكسرات
اخبزيهم بفرن حامي على نار هادية 10 دقائق او حتى يحمرو من تحت
وهاي صورتهم بس شويتهم وخلصو
منال العالم بس بردو دهنتهم بملقة قطر وملعقة عسل خلطتهم مع بعض منشان اللمعة انا ما حطيت
البسكوت رااااااااااااااااائع بكل معنى الكلمة
زبدة اللورباك اعطته طعم بسكوت butter cookies هاد البسكوت كنت كتير احبه وانا صغيرة
طلع ناااااااعم كتير ما بعرف المرة الجاية احط نشا ولا لأ
بدوب دوب بالتم عنجد
بتمنى تجربوه وبعجبكم متل ما عجبنا بالبيت
رد مع الاستدلال
كتبت بواسطة جنة الطيور
الروابط المفضلة