السلام عليكن ورحمة الله وبركاته
ازيكن يا بنات لك؟
بالأمس حدث معي موقف طريف جداااااااااااا
كنا أنا وابني احمد بنتفرج على قناة اجيال وبنلعب
كان شغال برنامج فرفور وكركور (تقريبا اسمه كده)
أحمد كان زهقان وبيلعب بغلاسة
فجأة لقيت الفأر فرفور الشاطر بيعمل بسكويت جوز الهند
فقلت له يالا يا احمد نعمل دوووووووو بسكويت
راح ناطط جاري على المطبخ يالا يا ماما نعمل دوووووووووووو
وطلع تحفة بجد في طعمه وأكيد مفيد برضه للأطفال الصغار علشان جوز الهند اللي فيه.
المقادير:
بياض بيضتين
رشة صغيرة جدا ملح
ملعقة صغيرة عصير ليمون
نصف كوب جوز الهند
نصف كوب سكر
ملعقتين دقيق
الطريقة:
اضبطي الفرن على 180 مئوية واتركيه يسخن على ما تنتهي من التحضير
بالأول بنعمل المارنج نضرب البيض مع الملح والليمون حتى يصير جامد مثل الكريم شانتيه.
ثم نضيف السكر تدريجيا
ثم جوز الهند مع الدقيق
ندهن صينية زبد أو زيت زي ما تحبي وبعدين تاخدي ملعقة من الخليط وتحطيها بالصينية بس راعي تبعدي مسافات جيدة لأنه بيفرش بعد كده لما يدخل الفرن
دخليه الفرن واتركيه حتى يحمر الوجه قليلا يعني بيحتاج حوالي 25 دقيقة وأنا هنا جربت اطلعه وهو وجه ابيض وبرضه كان جميل
طلعي الصينية من الفرن واتركيه يبرد ثم طلعيه من الصينية وقدميه بالهناء والشفاء
عفوا احمد ما صبرش وبدأ يأكل على طول
يالا جربوه مقاديره بسيطة وطريقته سهلة
الروابط المفضلة