كعك بتمر
صباح الخير.....
اليوم جبت لكم وصفة كتير طيبة اخذتها أصلاً من موقع لك يوم أمس وجربتها .... أنا إلي فترة نفسي بكعك التمر .... ولكن الطريقة التي نعد فيها المعمول الخاص بالعيد متعبة وتحتاج إنا نبس السميد قبل العمل بيومين مشان هيك دورت بموقع لك على وصفة أسهل ولقيت ... للأسف إنو ما في صور بس باحاول المرة الجاي إني أصور لكم الوصفة...
المقادير إللي أنا عملتها كانت :
كوبين طحين
4 ملاعق كبيرة سكر
قالب زبدة 200 غم
رشة ملح
ملعقتين صغيرتين باكينغ باودر
علبة جبنة مثلثات 16 حبة
نصف كيلو عجوة مفرومة
ملعقة يانسون مطحون كبيرة
ملعقة قرفة
رشة زيت قلي لعجن التمر
اما الطريقة فهي سهلة كتير
نخلط جميع مقادير العجينة سويا
اما التمر فنعجنه مع الزيت والقرفة واليانسون
نكور التمر على شكل كرات ونحشيه دخل العجينة اما على شكل كرات أو أصابع
أنا شخصياً عملته أصابع ونقشته بالملقط
يخبز من الاسفل ثم من الاعلى حتى يحمر وبعد أن يبرد يرش عليه سكر بودرة
صدقوني طعمه كتير طيب والعجينة طرية وما بتلاحظوا إنو فيها جبنة مثلثات و صحتين وعافية
رد مع الاستدلال
الروابط المفضلة