السلااااام عليكم ومساء الخير
من زمااااااان عن ركن الأطباق والحلويات ، ألحين احنا بعاد ومو خالصين من السمنة كيف لو كنا مرابطين خخخخخخخخخ
هذي بعض كيكاتي سويتها في مناسبات مختلفة وحبيت آخذ رأيكم وتشجعيكم علشان من زمان بطلت أسويها لأنها من جد متعبة ، ولا تضحكو لأني لسة مبتدأة
هذي أول كيكة لي ، لا تضحكووووووو خخخخخخخخخ ، اعرف إنها مو ذوق أبدا بس ما كنت عارفة لسة ولا شي
هنا بدأت أتعدل شوي
وهنا كمان أحسن شوي
وهذولي كب كيك لأولادي سوسو ورعودي
وهذولي كانو في مناسبة ثانية
ها إيش رأيكم؟؟ طبعا ما عرفت أغير بالستايل كثير لأنه الصراحة ما عندي أفكار سهلة أبدا ، عاد أخو زوجي تخرج ونفسي أسوي لهم كيكة وااااااااو بس ما أبغا صعبة ، مين عندها أفكار؟؟
بالنسبة للكيك ، اعتمدو أي طريقة عندكم.
أما الفوندان ، أخذته من هنا المنتدى بس الصراحة وللأسف نسيت مين:
7 كاسات سكر بودرة وقابل للزيادة
2 بياض البيض
2 م ك عصير ليمون
شوي فانيلا
زيت الجليسرين إن واجد (انا الصراحة ما استخدمته)
وصبغات باللون إلي تبغيه
تخفقي البيض والليمون والفانيلا كويس ، وبعدها تضيفي شوي شوي السكر لين ما تتكون العجينة وتحسيها كويسة.
وبعدين حطي سفرة من فوق ومن تحت العجينة وافردي بالفرادة ، ولمن تتأكدي إنها تساوت من جميع الجهات ، يعني ما تكون من جهة مرتفعة ومن جهة لأ ، حطيها على الكيك.
ونسيت أقولكم كمان قبل لا أحط الفوندان ، خفقت ويب كريم مع شوي سكر وقصيت الكيكة من النص بواسطة المقص إلي يجيكي زي الخيط.
قولولي رأيكم من غير مجاملات
الروابط المفضلة