انى نبي نجرب طريقة الاخت زينب محمد 2 فى الغريبة الليبية لكن حسيت ان مقدار الدقيق شوية مقارنة بمقدار السمن والزيت
فنبي نسال كيف تكون عجينة الغريبة بعد عجنها يعنى قوامها كيف يابسة والا
رطبة ياريت تساعدوني وبارك الله فيكم وسامحينوني كترت عليكم بالاسئلة

ان شاء الله يا قمر
الغاليه زينب ما تتأخر عليكي بالجواب

حبيبتي مقدار الدقيق كافي

العجينة وسط لا رطبة و لا جافة

يعني تتشكل معك بسهولة و بدون ان يحدث بها تشققات

كثير من الاخوات جربوها و نجحت معهم و عجبتهم

اختي الغناوية

نقدر نقولك ان ممكن 80% من اكلات اختنا زينب محمد انا طيبتهم وجربتهم ومعتمدتهم عندي وبارك الله فيها وفرج عنها كل كرب
طبعا ما فيش كلام بعد كلامها هي الاصل لكن اسمحولي نتكلم من خلال تجربتي
بالنسبة للغريبة انا درتها عدة مرات وكل مرة حصدت اعجاب جماهيري والحمد لله، موضوع الدقيق يا اختي يعتمد على نوع الدقيق اللي انت تستعملي فيه فلو كانت فيه نسبة رطوبة حتشرب منك الغريبة الدقيق، واذا حسيتيها ترد عليك في المادة الدهنية واطلع في زيتها هلبة معناها مازالت تبي دقيق
اما عن الغريبة اللي انا اندير فيها كل مرة نغير نوع الدقيق يتغير معاي مقداره لكن اساسي نبدا بالمقدار اللي في الوصفة ونلتزم بيه وتخليها ترتاح واذا حسيتيها مازالت تبي اعطيها بالشوية وبحذر لين تشد معاك العجينة
قوام العجينة، يخبر عن روحه، انا ناكل فيها نية وتعجب فيا
وصحتين على قلب وبارك الله في اختنا زينب محمد حتى قيام الساعة

كتبت بواسطة زينب محمد 2

حبيبتي مقدار الدقيق كافي

العجينة وسط لا رطبة و لا جافة

يعني تتشكل معك بسهولة و بدون ان يحدث بها تشققات

كثير من الاخوات جربوها و نجحت معهم و عجبتهم

انا درتها الغريبة لكن زدت كمية الدقيق ممكن نص كوب لانى لما خلطت المقادير حسيتها قوامها زي الكيكة فحسيتها يبست شوية وفعلا لو مازدتهاش ممكن جتنى احسن وبارك الله فيك وجعل كل ما تعلمناه منك فى ميزان حسناتك لانك خدومة ما شاء الله وماتتاخريش عن مساعدة اي حد محتاج لك

كتبت بواسطة عرجون فل

اختي الغناوية

نقدر نقولك ان ممكن 80% من اكلات اختنا زينب محمد انا طيبتهم وجربتهم ومعتمدتهم عندي وبارك الله فيها وفرج عنها كل كرب
طبعا ما فيش كلام بعد كلامها هي الاصل لكن اسمحولي نتكلم من خلال تجربتي
بالنسبة للغريبة انا درتها عدة مرات وكل مرة حصدت اعجاب جماهيري والحمد لله، موضوع الدقيق يا اختي يعتمد على نوع الدقيق اللي انت تستعملي فيه فلو كانت فيه نسبة رطوبة حتشرب منك الغريبة الدقيق، واذا حسيتيها ترد عليك في المادة الدهنية واطلع في زيتها هلبة معناها مازالت تبي دقيق
اما عن الغريبة اللي انا اندير فيها كل مرة نغير نوع الدقيق يتغير معاي مقداره لكن اساسي نبدا بالمقدار اللي في الوصفة ونلتزم بيه وتخليها ترتاح واذا حسيتيها مازالت تبي اعطيها بالشوية وبحذر لين تشد معاك العجينة
قوام العجينة، يخبر عن روحه، انا ناكل فيها نية وتعجب فيا
وصحتين على قلب وبارك الله في اختنا زينب محمد حتى قيام الساعة

بالفعل عندك الحق الاخت زينب حاجاتها مية مية وانى والله فخورة بيها لانها ليبية بنت بلادي ما شاء الله يدياتها ربي يحفظها وما فيش حاجة تجربيها الا ما تكون حلوة لكن ممكن نوعية الدقيق الى عندى ما تشربش هلبة لانى زي ما قلت جتنى زي الكيكة قوامها فما عرفتش هل لما نخليها ترتاح 6 ساعات تبدا ايبس شوية
والا انى نزيدها دقيق فالحق زدت كمية الدقيق من الاول
وصحيتي على ردك وبارك الله فيك وربي يونسك ويونسنى فى هالغربة

كتبت بواسطة um almajd

ان شاء الله يا قمر
الغاليه زينب ما تتأخر عليكي بالجواب

بارك الله فيك وشكرا على مرورك واهتمامك