السلام عليكم
حبيت انفذ نصايح اخواتى اللى نصحونى فى فشل كيكتى السابقة
والحمد لله المرة دى نجحت بنسبة 95%
فحبيت ابشر كل اللى نصحونى
واهديهالهم قبل ماجوزى يخلص عليها
----
دى بالقالب الألمونيوم
الحمد لله مالزقتش
بس السمنة الى دهنت بيها القالب تمركزت فى النقوش اللى فى القاع
هحاول اتفادى الموضوع ده ان شاء الله المرة الجاية
-----
ودى بقالب تيفال بس مش عالى
ان شاء الله المرة الجاية تبقى افضل
واشكر كل اللى ساندونى ونصحونى فى المنتدى
ليبية طيوبة
رغد
BaSmA
مصراتية اصيلة
um almajd
حنان البحرين
hendaaa
----------
المقادير
=====
الوصفة دى اخدتها من خالتى
تكفى قالبين مدورين متوسطين
4 كوب دقيق
4 او 5 بيض حسب الحجم
2 كوب سكر ناعم
1 باكيت بكينج باودر
فانيليا
1 كوب سمن
1\2 كوب ( أو حسب العجن ) لين او برتقال
لدخول قسم بالكاكاو فى العجين
1\2 كوب كاكاو خام مذوب فى 1\2 كوب لبن +2 معلقة سكر
الطريقة
=====
انا هنا عملت نص المقادير بس
عشان بجرب وخفت تخرب
والكاكاو قللت عن الموجود عشان ماكنتش عايزاه كتير فى الكيك ولا غامق
لكن فى المقادير المكتوبة الكاكاو هيبقى كثيف وطعمه باين جدا وغامق فى الكيك
-----
يوقد الفرن وتدهن القوالب
1- خلطت الدقيق والبكينج باودر
2- ضربت السمن مع السكر بالمضرب الكهربى لما بقى اللون فاتح
3- اضفت البيض بيضة ورا بيضة مع الخفق
4- أضفت الدقيق على مراحل مع الخفق
5- قسمت العجين فى وعائين
6- اضفت الكاكاو المذوب فى لبن وسكر على قسم وقلبته كويس
7- أضفت اللبن فى القسم التانى لغاية ما يتماثل قوامه بقوام قسم الكاكاو وقلبته كويس
8- فى كل قالب اضيفى جزء من القسم الأبيض ثم قسم الكاكاو ثم باقى القسم الأبيض
9- وضعت القوالب فى الفرن على حرارة 180 وبعد 30 دقيقة طليت عليها
انا هنا طبعا استخدمت نص المقادير فكانت العجينة اقل
حطيب الترتيب ده فى القالب الألمونيوم وخليت شوية من خليط الكاكاو ومن الخليط الأبيض
وفى القالب التيفال غير المرتفع حطيت خليط الكاكاو المتبقى وعليه الخليط الأبيض المتبقى
الروابط المفضلة