طلعت فى دماغى انهارده أعمل تورته وصورتها وقلت افرجكم وقولولى رأيكم
دا شكلها النهائي
الطريقه بقي ::
عملت الأول صينية كيكه عاديه خالص كل واحده تعمل المقادير المتعوده عليها عادى
وبعد ماخرجت قلبتها على صينية ودهنتها ببسيط من الشيكولاته انا برضو ال عملت الشيكولاته
عندى بالطريقه الى قلتلكم عليها قبل كده
وعملت صينية تانيه كيكه نفس المقادير برضو بس ضفت عليها من الشيكولاته الى عملتها
فى الأول عشان تبقي لونها بني
ودى شكلها قبل التسويه وقللت المقادير شويه عشان عيزها صغيره عن الأولى
وبقيت شوية شيكولاته للتزيين فى الاخر
وبعد ماخرجت من الفرن قلبتها وحطتها فوق الكيكه الأولى ودهنتهم بالشيكولاته وقطعت عليهم فواكهه
بعدين زوقتها بالفارميسيان عشان تفتح لونها شويه
ودا كان شكلها النهائي
وده بعد التقطيع
وكان طعمها حلو خالص
أتمنى طريقتى تعجبكم
عارفه إنى مجيش جنبكم حاجه بس أدينى بتعلم وعيزاكم تقولولى رأيكم بصراحه
الروابط المفضلة