كل عام وانتم بخير ورمضان كريم
كنافة بالمكسرات
نص كيلو كنافة
سمن وزبد ساخن
جوزهند
زبيب
مكسرات(بندق وفستق وعين جمل ولوز)
في صينية الفرن بحط شوية السمن والزبد
برص نص الكنافة المفكوكة من بعضها واضغط
كويس علي الكنافة بالايد
ثم ارش شوية سمن فوقها ثم ارش جوز الهند
والزبيب والمكسرات
وارش تاني شوية السمن والزبد
ثم اضيف النص الاخر من الكنافة واضعط عليه
اوووووووووووي ثم ارش السمن عليها بالتساوي
وادخلها الفرن حتي تنضج ويحمر القاعدة كويس
وبعدها اجيب صينيه واقلب فيها الكنافه واروح
اعكس صينية الكنافة يعني بمعني اني بجعل
قاعدة الكنافة هي السطح واللي كانت السطح
هي اللي بقت تحت بس الاول ارش سمن في
القاع قبل مااعيد رجوع الكنافة للصينية يارب
اكون وصلتلكم قصدي
واعدها للفرن ليحمر القاع في ناس بتستسهل
وده احسن انها بتشغل الشواية ليحمر الوجه بس
انا واخدة الطريقة ديه من امي ربنا يارب يديها
الصحة وطولت العمر يااااااااااااااااااااااااااااااارب
واول ماتخرج من الفرن بسبها دقايق بسيطة
وارش عليها شربات بارد
والف هنا ويارب تعجبكم يارب
ويااااااااااااااااااارب تعجبكم طريقتي البسيطة
الشيرة تبعي
3كوب سكر وكوب ونص ماء
ونص ليمونة معصورة وفانيليا
بدوب الماء والسكر علي النار واتركهم يغلو شوية ثم
اضيف الليمون واسيبهم 5 دقايق وقبل مااطفي
عليهم ارش الفانيليا وغلوة واقفل علي طول
قطايف بالمكسرات
عايزة احكلكم علي المعاناة اللي انا عشتها
انا قولت اتفلسف واعمل القطايف في البيت
وانا قولتلكم قبل كده بمواضيعي ان بيني وبين
المعجنات عداوة كبيرة اووووووووووووووووووووي
مع اني بحب المعجنات جامد بس بيحصل معايا
صعبة حاولت مرتين اعمل قطايف في البيت ولكني
بس عرفت السبب بس متاخر وهو اني اولا
استخدمت سميد خشن وليس ناعم وده اللي كان
عندي وثانيا اني سبت القطايف تستوي في
الطاسة التيفال وقت طويل خلاتها ماتمسكش مني
وانا بحط المكسرات فيها لذلك لجئت لشرائها من برة
افضل بس ده مايمنعش اني هعاود المحاولة اصل
الصراحة مش بحب الفشل وبحب لما احط حاجة في
دماغي لازم اعملها اللي منعني يومها ان احنا برمضان
ومافيش وقت للتجارب ولازم وجود القطايف والحلويات
اليوم ده المه مش هطول عليكم كفاية كلام
قطايف
جوزهند وزبيب ومكسرات مجروشة
احشي القطايف واقفلها كويس
واقليها في الزيت واول ماتطلع احطها في الشيرة
والف هنااااااااااااااااااااا لينا وليكم
تطبيقي للغالية ان نور في عمل بلح الشام
✿* حلى متميز*✿بلح الشام الهش وسر قرمشته من مطبخ نور الهدى بالخطوات المصوره
كوب ونصف دقيق
كوب ماء
ربع كوب زبده أو زيت
4 بيضات
فانيليا
ذره ملح
معلقه ونصف كبيره سميد ناعم بالأضافه لملعقه ونصف كبيره نشا
تطبيقي للزلابيا للغالية نور الهدي
كعك العروسه بالعجميه والمشبك الدمياطى والزلابيا(لقمه القاضى)حصريا من مطبخ نور الهدى
2 كوب دقيق
نصف كوب نشا ملعقه خميره
مللعقة سكر
ذره ملح
ربع كوب زيت
كوب ونصف ماء دافىء
نخلط المكونات معا تترك نصف ساعة ثم تقلي في زيت غزير وتسقي بالشيرة الباردة
ويااااااااااااااااااااااارب يعجبكم يارب موضوعي البسيط وتطبيقي
وعايزة اقول كلمة ان الانسان لابد وهو بيعمل واصفة وبينزلها لابد من ذكر مصدرها وشكر صاحبة الفضل بعد الفضل لله طبعا وانا عمري ماهنسي قد ايه المنتدي والعضاء الغاليات وكل العضوات ان كانت عضوة قديمة خبيرة بالمنتدي والوصفات او حتي عضوة جديدة وذلك حتي تستحق الدعاء وتنسب لها الوصفة والخبرة المهم
بالنسبة ليا انا بسكرر كل العضوات اللي فدوني واستفد منهم جزاهم الله خيرا يارب ويعطيهم الصحة والعافية
وكل عام وانتم بخير ورمضان كريم
وياااااااااااااااااااااااااااااارب تعجبكم اطباقي وتطبيقاتي
الروابط المفضلة