هلا المفروض احنا حضرنا قوالب الكيك قبل بيوم
نبدأ الآن تحضيرات التزيين
نحضر عجينة الفوندان
حكيتلكم هاي وصفه لقيتها في النت
وصاحبة الموضوع عارضه اكتر من عمل بهالطريقه وكان مبينه عليها
كتيييير زابطه معها
بس كانت شوي طريه معي
يعني مع تغليفة الكب كيك ما تغلبت بالمره لما نقلت الفوندان عليه
بس لما غلفت القاعده الكبيره والبطن .. تغلبت في نقلها لانها كانت تنقطع معي
وهاي للأمانه صبايا .. على العموم في النهايه أي خطأ في النقل
قدرت اني أخبيه في التزيين الأخير بالزهور وأوراق الشجر
يمكن كان الخطأ في مقدار من المكونات .. انا راح أجرب اكتر من وصفه
وان شاء الله الوصفه اللي راح تزبط معي منيح .. حنقللكم ياها علطوول
مقادير عجينة الفوندان
7-8 أكواب سكر بودره
ثلث كوب ماء حار
ثلث كوب شراب الذره corn syrup
الطريقة
تخلط المقادير الا السكر فيضاف آخر كوب بالتدريج
حتى تحصلي على عجينة بيضاء متماسكه
نغلف العجينه جيدا حتى لا تنشف
أنا عملت مقدارين .. لأنه الكيكه عندي كبيرة
شايفين الوصفه كتير سهله
بس يمكن فيه مكون ناقص .. عشان هيك كانت طريه معي
الحمدلله زبطت بالأخير ..
حكيتلكم انه قررت يكون اللاصق و الفاصل بين الفوندان والكيك
كريمة الزبده
لقيتها كتير طيبه .. والكل حبها كتير .. كمان ما بتاخد وقت في الثلاجه حتى تجمد
يعني يمكن ربع ساعه او اقل شوي وتكون جاهزه انك تحطي فوقها التغليفة
مقادير كريمة الزبده بالشوكولاته
Butter Cream
كوب زبدة لينه (في حرارة الغرفة)
3 ك سكر بودره منخول جيدا
2 م ك حليب سائل
2 م ص فانيلا
الطريقة
تخلط الزبدة جيدا حتى تبيض
يضاف السكر تدريجيا مع الحليب والفانيلا
ونضيف باقي السكر حتى نحصل على الكريمه
كثافة الكريمه تعتمد على محبتكم لها كثيفه او خفيفه
فإن وجدتموها خفيفه او لينه من الممكن ان تضيفوا لها القليل من السكر
حتى تحصلون على درجة الكثافة المطلوبه
صبايا يمكن العيب من نوعية السكر اللي عندي
لانه حتى هون زدت انا شوية سكر لحد ما وصلت للكثافة اللي بدي ياها
ونفس السكر اللي عملت منه الفوندان .. يعني ممكن تكون النوعيه الها علاقه
نبدأ بتزيين القاعده أولا
ندهنها بكريمة الزبده ونتركها في الثلاجه
حتى نفرد الفوندان
بين ورقتي بلاستيك أو ورق السفره .. فردت الفوندان (بالنشابة)
من الممكن استعمال سكر البودره او النشا او حتى ورق الزبده في الفرد
لكني لم أستطع العمل الا بأوراق البلاستيك او ورق السفره
مع ملاحظة جعل رسومات هذا الورق للخارج كي لا يطبع
على عجينة الفوندان
نخرج القاعده .. سنلاحظ أن سطحها أصبح جامدا
ننقل الفوندان على القاعده .. ونمسد السطح بأيدينا
فيه آله بيستعملوها في الفرد .. بس انا ما عندي ياها فاستعملت ايدي
في عمل الكيك من هالنوع
عرفت انهم بزينوا البطن والصدر بالفوندان قبل ما ينقلوها على القاعده
انا جربت اعمل هيك بس ما زبط .. لانه الفوندان كان طري كتير
ما بقدر انقله اكتر من مره
دهنت الكيكه الدائرية بكريمة الزبده
ودخلتها الى الثلاجة
في هذا الوقت .. خلطت كم نقطه من الملون الغذائي الأحمر مع الفوندان
وعجنتهم وفردت العجينة بشكل تنوره تغطي البطن
طلت الكيكه من الثلاجة .. حددت وين مكانها على القاعدة
دهنت شوي من كريمة الزبده عليها .. وحطيت البطن عليها
هون فردت العجينة الوردية على البطن .. وصار عجب العجاب
التنورة انحرفت لليمين شوي .. بدل ماتكون في المنتصف .. وطبعا علطول
التصقت بالفوندان الأبيض .. حاولت احركها ما قدرت .. ما بعرف هي المفروض
تلصق علطول هيك .. او لانه كان في العجينه خطأ ما
على العموم كله راح يتصلح استنوا عليي شوي بس هههههه
عملت مع الكب كيك متل الكيكه الدائرية .. وحضرت فوندان ابيض كبلوزه
ومتل ما عملت بالأولى عملت بالثانيه
بالنهاية .. الزيين النهائي راح يكون راجع لذوقكم صبايا
عملت ورود وأوراق الشجر من الفوندان
طبعا لونت العجينه بالألوان اللي بدي ياها
فردت العجينه .. وقطعتها لشرائح بالطول وتكون حوافها متل الزجزاج
ولفيت كل شريحه من الطرف حول نفسها مع الإمساك بالطرف
السفلي لها .. والضغط عليه قليلا .. هيك بساعدك على تشكيل الورد
لو طلعت طويلة شوي من القاعده ممكن تقطعيها بسكينه
اوراق الشجر .. لو عندك قطاعه على هيئتها كتير راح تسهلك الأمر
انا ما عندي .. فاضطريت اني بحافة سكينه ارسمها واقطعها على العجينة
نفس الطريقه الورود على التنورة والشرائح على البلوزه والشريط على الخصر
الروابط المفضلة