نداء لخبيرات الكيك وخاصة اليبيات

**بنت طموحة** · 03-04-2009, 02:49 PM

ارجوكم ارجوكم ارجوكم تعلموني انا حتي الكيك العادي منعرفش انديره ديما لما انديره يطلعلي يا اما مش امنفج او يابس انا مشكلتي في حط الدقيق اريد طريقة كيف نعرفي ان هدا المقدار من الدقيق كافي ولما نفصل الكيك بين اتنين بيش انحط بينهم كريمة معاش تتطلصق الكيك ببعض لما نقسمها نتنقسم بين اتنين ولما اندوب الشوكلاتة بحمام المائي حتي انسيحها علي الكيك من فوق اتجيني مش متساوية
وشكرا ارجو الرد ومساعدتي ارجوكم ارجوكم ارجوكم

وليك مني الدعاء انشاء الله او ساعتوني

**libyaa2** · 03-04-2009, 07:45 PM

هدا رابط اسما مدايره مجموعه من الكيكات تهبل وانا من يوم ماشفت الكيكات متاعها وانا انطبق فيهم والحق قنينه وماشاء الله وهدا الرابط

http://www.lakii.com/vb/showthread.php?t=533256

وماتنسيش الدعوات ولا بترجعي في كلامك ههههههههههههههههههههههههههه

**بنت طموحة** · 03-04-2009, 09:02 PM

هههههههههههه بارك الله فيك وتوة ندعيلك متخفيش لكن الرابط الي بعتيه مفيشه صور

**libyaa2** · 04-04-2009, 01:55 AM

ايه صح كانو فيه راهو مش عارفه توا ندورلك حاجه ونجيبهولك دقيقه

**asma_m81** · 04-04-2009, 02:28 AM

بارك الله فيك ياليبية على الثقة اللي عطيتهالي ....

وياأختي ريم ....

بالنسبة لمقاديري المعتمدة هي : 4 بيضات - ظرف فانيليا - 7 ملاعق زيت - 7 ملاعق ماء - كوب وربع سكر وكوب وربع دقيق

وظرف b.b .

أول حاجة حبيبتي اضربي البيض امتاعك كويس مع الفانيليا وخليه لين تحسيه بدي يتكاثف عندك أي يغلظ قوامه وبعدين ضيفي

السكر وخليه ينضرب كويس لين تحسي إن قوامه زاد على المرة الأولى وبعدها ضيفي الزيت وبعدها الماء وبعدين تكوني مجهزة

الدقيق والبيكنغ بودر ومادابيك يكون مغربل أو منخول مرتين " نفس المعنى طبعا " باش البيكنغ بودر يتخلط كويس مع الدقيق

وبعدها اضيفيه بشوية بشوية للخليط السابق ......وتكوني قبلها مسخنة كوشتك على درجة 180 ...وتدهني الطاجين بالزيت ورشة دقيق وتصبي الخليط فيه

وماتحطيش الطاجين لين الكوشة تسخن كويس وبعدها تحطي طاجينك وماتفتحيهاش طيلة الربع أو الثلث ساعة الأولى باش ماتنزلش

وإن شاء الله نكون أفدتك ...وأي سؤال أو حاجة مافهمتيهاش تفضلي ....

**libyaa2** · 04-04-2009, 03:45 AM

اهو اسومتي رديت عليك ومافيش احسن من هكي تفصيل لكن ماتنسيش من الدعوات الحلوه اللي زيك

**بنت طموحة** · 01-02-2010, 01:13 AM

بارك الله فيكم

**الورد فى الاكمام** · 01-02-2010, 01:38 AM

حتي الكيك العادي منعرفش انديره ديما لما انديره يطلعلي يا اما مش امنفج او يابس انا مشكلتي في حط الدقيق اريد طريقة كيف نعرفي

اهلافيك اختى

اختى حتى يكون الكيك لين اضيفى نصف كاسه حليب

وممكن لـرفع ارتفاع الكيك استخدمى صنيهه غويطه لكن تحتاج الى وقت طول لنضج الكيك فى درجة حراره منخفضه جداً حتى يرافع الكيك براحته وبهدوء

واليك الطريقه بالتفصيل وان شاء اللـه اكون افدتك

http://www.lakii.com/vb/showthread.php?t=624232

انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.

الموضوع: نداء لخبيرات الكيك وخاصة اليبيات

أدوات الموضوع

العرض