●•° وصفة متميزه°•● كنافة بالقشطة, والقشطة من صنع ايدى ( طريقتى الخاصة )

**عبير صباح الدين** · 14-09-2008, 08:16 PM

حبيباتى انا باعمل كنافة بالقشطة بس بجد تجنن والسر فيها القشطة من صنعى وبجد ابتكارى
وياريت الكل يجرب ويقولى رايه

المقادير

400جرام كنافة بنحمرها زى الشعرية فى نصف كوب سمن بقرى - فستق محمس ومفرى شربات كما تحبى هنا استخدمت نصف كوب تقريبا - القشطة ودى عبيارة عن كوب لبن مع ملعقة ونصف دقيق وملعقتين سكر نقلبهم جيدا مع بعض ونصفيهم بالمصفة ونضعهم على النار واول ما يغلى ويتقل نشيله من النار ونتركه يبرد وبعد كدة نضربه بمضرب كهربى مع 2 قطعة كيرى ونصف كوب كريم شانتيه

الطريقة

بنحضر قالب ونفرش فيه كيس وناخد نصف مقدار الكنافة المحمرة ومسقية شربات ونضعها فى القالب ونكبس جيدا

وبعد كدة نفرد عليها القشطة ونخلى جزء للوجه

ونرش الفستق

ونضع باقى الكنافة ونضغط عليها كويس

وبعد كدة نضعها فى الثلاجة نصف ساعة ونقلبها على طبق وبالبلبلة نزوقها ونرش عليها فستق وبالهنا يارب

**مغتربة 2** · 14-09-2008, 08:29 PM

تسلم ايدك تجنن

**hanan73** · 14-09-2008, 08:48 PM

راااااااااااائعة تسلم الايادي
انا بعمل طبقتين من الكنافة واسويهم في الفرن واسقيهم الشربات بس مش كتير عشان ولادي مابيحبوش الشربات كتير
اضع طبقة في طبق التقديم ثم طبقة مهلبية أو كريم شانتية وممكن إضافة فاكهة وخصوصا الاناناس الكمبوت ثم الطبقة الثانية
لكن انا هجرب طريقتك في اقرب وقت إن شاء الله شكرا لك يا جميل

**بسنت ابوزيد** · 14-09-2008, 09:19 PM

شكلها شهيه أوي انا باعملها بالقشطه بس بأسويها في الفرن واضع عليه القطر وبتعجب جوزي جدا .. بس طريقتك مختلفه هأجربها وأقولك رأيي ولو اني عارفه انها هتطلع حلوه .. تسلم ايديكي