انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.

**azmiralda000** · 20-08-2008, 02:30 AM

اولا بعتذر على عدم جودة الصور لانها متصورة بالموبايل

ثانيا البيتى فور متواضع لانى ماعنديش ماكينة تشكيل البتى فور و ماعنديش قطاعات اشكال
فقمت بتشكيله بطريقة بسيطة جداااااا
عملت كور صغيرة ةو ضغطت عليها بكف ايدى فاصبحت دائرة
و عملت اصابع صغيرة شبه نواة البلح و بعدين ضغطت عليها بشوكة مبللة بالماء
ثالثا دى الوصفة المعتمدة عندنا فى العيلة و احلى ما فيها ان مكوناتها بسيطة و طريقتها سهلة

المقادير
2 كوب سمنة لينة
1 كوب سكر بودرة
2 بيضة
فانيليا
2 و نص كوب دقيق تقريبا
2 معلقة كاكاو (اختيارى)

الطريقة
نشغل الفرن على درجة 180
نخلط السمن و السكر بالمضرب الكهربائى حتى يختلطو كويس
نضيف البيض و الفانيليا و نضربهم تانى كويس
نضيف الدقيق على دفعات حتى تتكون عجينة طرية لا تلتصق باليد
ناخد جزء من العجين و نضيف عليه الكاكاو
نشكل العجين و نحطه فى صوانى و ندخله الفرن ربع ساعة فقط
لما يطلع من الفرن هيكون طرى بس سيبيه شوية فى الهواء هينشف
نلصق كل اتنين مع بعض بالمربى (انا استخدمت مربى مشمش و فراولة)
و زينتها بالشكولاته السايحة

اتفضلوا شوفوا الصور و اتمنى تجربوها