السلام عليكم
بصراحة انهنيكم على المل اللي فتحتوه على خاطر الاكلات الليبية الحلوة والحارة مش معروفة هلبة وهيا زي ما قلتوا بنه وصنه
واني مشاركة معاكم ونبي نعطيكم طريقة سويسرول الدجاج وفي نوعين منه واحد بلحم الدجاج المفروم والتاني بشرائح الدجاج
النوع الاول تاخدي صدور دجاج ومعاهم بصل وجبنة مثلثات مش هلبة غر للبنه ومعاهم ثومة تحطيحهم وف الفود بروسسر وافرميهم كويس وبعدين تبليهم بالدباير زي الحرارات وجوزة الطيب والزنجبيل والفلفل الاسود معاهم بيض وخبزة مرحية تخلطيهم كويس ويكونوا زي العجينة وبعدين تاخدي سلفر ولا نايلوا الاكل وتطرحيه على الطاولة ولا الرخامة وتفردى عليه الخليط السابق ويكون سمكة حوالي نص صبع وبعدين تطرحي عليه جبنة شرائح وفي النص بالزبط ديري صف من الفستق وبعدين لفي زي السوسرول ولفي عليه السلفر ولا النايلو وصكري عليه كويس وبعدين بوخيه في الكسكاس ولا طيبيه في الميه انى نفضله مبوخ نظمن المية ما تخلشاش وبعد مايطيب طلعيه من السلفر وحطيه في الدحي والخبزة المرحيه واقليه في الزيت وبعدين قصيه جرار زي السويسرول صدقوني بنته حلوة
اما النوع التاني اسهل وحتى هوا يهبل تاخدي شريحة صدر الدجاج وتخبطيها بمطرقة اللحم بدون ما تتهرا وبعدين حطيها في تتبيلة عبارة عن ثومة وبصل وزيت زيتزن وليم عصري وفلفل اخضر وهريسة عربية وحرارات وفلفل اكحل وزنجبيل وكان تحبي الحبهان وزعتر وكليل واللي يحب الخل يزيده وكنهذا حتى الليم ساد حطيهم في الخلاط المالقي يعنى البلندر وافرميهم كويس وبعدين صبيهم علي شرائح الدجاج وخليهم يتنقعوا مزبوط حتى ساعتين وبعدين تكوني موتية ورق سلفر قاصيتيه مربعات تسدك للف الدجاج فيهم وتحطى على كل ورقة سلفر شريحة دجاج وتحطي فوقها ورقة سباناخ ولا سلك ممكن تبوخية ولا حتى اخضر لانه حيذل في الكوشه اني عن نفسي مجرباته مبوخ لكن جربوا الزوز وعلى ورقة السلك حطي جبنة اللي تبيها موزريلا ولا شرائح ولا اي نوع تحبوه المهم من النوع اللي يذوب وعليها حطى زيتون ولفي الدجاج عليهم وبعدين لفس السلفر وصكريه كويس واحسن طريقة انك تلفيه وتصكريه زى الحلوى وبعدين بوخيه وقضيه من السلفر بعد ما يبرد وحطيه في الدحى بعدين الخبزه المرحية واقليه وقدميه بدون ما تقصيه يعنى يقدم صويبعات صنه وبنه ومنظر
وكان تبوا اي شي قولولي عندى حار وحلو وعاد ماتنسونيش من صالح الدعاء ليا ولزوجي ولبناياتي

كتبت بواسطة روني الحلوة

السلام عليكم
بصراحة انهنيكم على المل اللي فتحتوه على خاطر الاكلات الليبية الحلوة والحارة مش معروفة هلبة وهيا زي ما قلتوا بنه وصنه
واني مشاركة معاكم ونبي نعطيكم طريقة سويسرول الدجاج وفي نوعين منه واحد بلحم الدجاج المفروم والتاني بشرائح الدجاج
النوع الاول تاخدي صدور دجاج ومعاهم بصل وجبنة مثلثات مش هلبة غر للبنه ومعاهم ثومة تحطيحهم وف الفود بروسسر وافرميهم كويس وبعدين تبليهم بالدباير زي الحرارات وجوزة الطيب والزنجبيل والفلفل الاسود معاهم بيض وخبزة مرحية تخلطيهم كويس ويكونوا زي العجينة وبعدين تاخدي سلفر ولا نايلوا الاكل وتطرحيه على الطاولة ولا الرخامة وتفردى عليه الخليط السابق ويكون سمكة حوالي نص صبع وبعدين تطرحي عليه جبنة شرائح وفي النص بالزبط ديري صف من الفستق وبعدين لفي زي السوسرول ولفي عليه السلفر ولا النايلو وصكري عليه كويس وبعدين بوخيه في الكسكاس ولا طيبيه في الميه انى نفضله مبوخ نظمن المية ما تخلشاش وبعد مايطيب طلعيه من السلفر وحطيه في الدحي والخبزة المرحيه واقليه في الزيت وبعدين قصيه جرار زي السويسرول صدقوني بنته حلوة
اما النوع التاني اسهل وحتى هوا يهبل تاخدي شريحة صدر الدجاج وتخبطيها بمطرقة اللحم بدون ما تتهرا وبعدين حطيها في تتبيلة عبارة عن ثومة وبصل وزيت زيتزن وليم عصري وفلفل اخضر وهريسة عربية وحرارات وفلفل اكحل وزنجبيل وكان تحبي الحبهان وزعتر وكليل واللي يحب الخل يزيده وكنهذا حتى الليم ساد حطيهم في الخلاط المالقي يعنى البلندر وافرميهم كويس وبعدين صبيهم علي شرائح الدجاج وخليهم يتنقعوا مزبوط حتى ساعتين وبعدين تكوني موتية ورق سلفر قاصيتيه مربعات تسدك للف الدجاج فيهم وتحطى على كل ورقة سلفر شريحة دجاج وتحطي فوقها ورقة سباناخ ولا سلك ممكن تبوخية ولا حتى اخضر لانه حيذل في الكوشه اني عن نفسي مجرباته مبوخ لكن جربوا الزوز وعلى ورقة السلك حطي جبنة اللي تبيها موزريلا ولا شرائح ولا اي نوع تحبوه المهم من النوع اللي يذوب وعليها حطى زيتون ولفي الدجاج عليهم وبعدين لفس السلفر وصكريه كويس واحسن طريقة انك تلفيه وتصكريه زى الحلوى وبعدين بوخيه وقضيه من السلفر بعد ما يبرد وحطيه في الدحى بعدين الخبزه المرحية واقليه وقدميه بدون ما تقصيه يعنى يقدم صويبعات صنه وبنه ومنظر
وكان تبوا اي شي قولولي عندى حار وحلو وعاد ماتنسونيش من صالح الدعاء ليا ولزوجي ولبناياتي

يااااااااااااسلللللللللللللللللمها يا ربي صحيتي يا روني هدا هو الكلام الصح ... وياريت لو عندك حاجات جديدة اعطينا احني المغتربات قريب ننسو الماكلة الليبية الحلوة خخخخخخ

وياريت كل ليبيبة عندها حاجة ماتقولش بالك يعرفوها تتبرع تعطينا وحني نحالوا نعطوا الي عندنا
اهو انساعد بعضنا

تحياتي للوخياتنا الليبيات

صدور الدجاج الملفوفة :

خودي صدور دجاج وشرجيها وخليها رقيقة وبعدين تبليهاا كويييييس
وخليها ليلة كاملة ومادبيك في التتبيلة تحطي ياغرت ولا لبن باش ترطبها كويس وتبنن فيها اكتر
وبعدين تاني يوم خودي الشرائح ادهنيها بالهريسة لاكن مش هلبة باش ماتجيش حااارة هلبة اهو مسحة بس وبعدين حطي فيها شريحة جبنة شرائح قولي ربع الشريحة وهدا على حسب حجم الدجاجة وبعدين رشي عليها معدنوس مقرض مادبيك فرش ..
وبعدين لفيها وحاولي تضغطي عليها اتناء اللف ... وبعدين غمسيها في الدقيق والبيض والخبزة المرحية
لالاكن الدقيق حاولي اتبليه شوية ملح وفلفل احمر شويييية بس علي البنة وراهو مش شرط....
وبعدين اقليها في زيت سخووون لاكن على نار هادية وخليها تنقلى علي راحتها وكان عندك القلاية خير وخييييير

وتوكل سخووونة ... وتقدري اتحطيها في الفريز لحين التقديم تطلعيها واتسخنيها مبااااشرة ...ونقدم

لذيييييييييييييييييييييييذة

تحياتي

اليوم نبي نعطيكم طريقة فطيرةاللحم المدخن صدقوني حاجة صح
تجهزى كيما عادية باللحم والبصل والدباير المعروفة للكيما بعدين تحطى فيها جمرة والعة وتطفيها بالزيت وتغميها باش تاخد بنة الدخان وبعدين تكوني مجهزة فطيرة الليبية المعروفة فطيرة العيد اللي كلنا نعرفوها وكان في واحدة ماتعرفهاش تقولي واني نعطيهالها غر تكون غليضة شوية مش شفافة وناشفة من الزيت تاخدى ورقة الفطيرة وتحطى فيها اللحم المفروم في نصها وتطرحيه مربع يعنى تفردية بالكاشيك بسمك 3 ملم لحد ماينفرد على شكل مربع بحجم جبنة الشرائح وبعدين حطي علية قطعة جبنة شرائح وصكري علية الفطيرة حتى هيا تاخذ شكل مربع وبعدين حطى على الفطيرة جبنة مبشورة وزيتتون وتخليها الكوشة لحد ماتذوب الجبنة بعدين حطيها في سلفر وقدميها في السلفر باش تقعد سخونة
لذيذة جدا وخفيفة وانشاء الله تعجبكم ومازال عندى حاجات تانية غر شجعونى واني مانبخلش عليكم

مشكورة وبارك الله فيك
وانا راح اجربها باذن الله وانتي زيدي اعطينا
اكلات الليبية وحلويات ونحن في الانتظار يسلموووووووووووووووووووووووووووووووو

كتبت بواسطة روني الحلوة

اليوم نبي نعطيكم طريقة فطيرةاللحم المدخن صدقوني حاجة صح
تجهزى كيما عادية باللحم والبصل والدباير المعروفة للكيما بعدين تحطى فيها جمرة والعة وتطفيها بالزيت وتغميها باش تاخد بنة الدخان وبعدين تكوني مجهزة فطيرة الليبية المعروفة فطيرة العيد اللي كلنا نعرفوها وكان في واحدة ماتعرفهاش تقولي واني نعطيهالها غر تكون غليضة شوية مش شفافة وناشفة من الزيت تاخدى ورقة الفطيرة وتحطى فيها اللحم المفروم في نصها وتطرحيه مربع يعنى تفردية بالكاشيك بسمك 3 ملم لحد ماينفرد على شكل مربع بحجم جبنة الشرائح وبعدين حطي علية قطعة جبنة شرائح وصكري علية الفطيرة حتى هيا تاخذ شكل مربع وبعدين حطى على الفطيرة جبنة مبشورة وزيتتون وتخليها الكوشة لحد ماتذوب الجبنة بعدين حطيها في سلفر وقدميها في السلفر باش تقعد سخونة
لذيذة جدا وخفيفة وانشاء الله تعجبكم ومازال عندى حاجات تانية غر شجعونى واني مانبخلش عليكم

بارك الله فيك اختي روني انشاء الله ربي يحفظك ونستنى في المزيييييييد المزيييييد
بس قوليلي اني انحط المفروم بعد ما اتكون الفطيرة طايبة ولا اتكون الفطيرة نية وفسطها المفروم؟؟؟؟

انافي انتظارك وانتظار مزيييدك

تحياتي لييييك يا الغالية

وين يانانا 79 الحلويات التونسية مش قولتي بتعطيهالي اني نستنا فيك

كتبت بواسطة جميلة الكون

وين يانانا 79 الحلويات التونسية مش قولتي بتعطيهالي اني نستنا فيك

اخ سامحيني نسيت انتظريني شوي اكتبهملك

البجاوية او البقلاوة:
كيلو لوز + نصف كيلو كاكاوية +كيلو لوز احمر + كيلو فستق + نصف كيلو صنوبر + نصف كيلو لو كاجو المعكوف
تصف كل هده الالواز طبقة على طبقة فوق بعض على طاجين تم يضاف عليها العسل يكون تقيل شوي مش سايل تم تبرد لمدة يومين تم تقص على هيئة بكلاوة
مقدار العسل الخاص بها :
كيلو ونصف سكر + كاس ونصف ماء + كوب صغير ماء ورد
ويكون العسل معقد بدرجة بسيطة اي اكتر من عسل المقروض بدرجة بسيطة.


انتظري الباقي

كعك اللوز :
3 كوب لوز امزلط + كوب سكر ناعم + نصف ملعقة صغيرة BB + بياض بيض مايعجنها
تم ناخد فستق للزينة .
تعجن المقادير ونلفها زي الكعك بس صغير مش كبير ونرشق 3 فستقات او 4 .وندخلها في الفرن.

كعك الورقة :
500 غ زبدة مدابة + 500 غ لوز مطحون +150 غ سكر ناعم + 4 ملاعق كبيرة ماء ورد + 2 كوب ماء + ملح قليل اقل من نصف ملعقة صغير ة
- تعجن العجينة جيداا مع الزبدة والماء والماء حتى تكون متمااااسكة وتترك في كيس ترتاح ..
- ناخد اللوز والسكر الناعم وماء الورد يمزج جيدااا تم يبرم
تم نغلي الماء ونضع فيه قطعة من العجينة وبعد تواني تخرج ونحل بالعصا تم نضع فيها اللوز وبعدين نبرمها ونعملها متل الكعكة وتدخل في الفرن ..

ماتنسووونيش من دعوااااتكم
لي عوووودة بادن الله