يا بنات بالنسبه للوريده انى استملت زبده عاديه و طلعت تهبل بنه و صنه

و تسلم ايدياتك ام الاء .. و ربي يشفى و يحفظ بنيتك يا رونى بعيد السو عليها

[quote=زينب محمد 2;6709756]

بالنسبة للجزيرة أو الجردينة ادخوا هني

أما بالنسبة للدجاج الملفوف

تستطيعي تغليفه بالدقيق ثم البيض ثم البقسماط ثم يقلى

و ممكن تدهنيه بالهريسة و تحشيه بخليط جبن كريمي مع جبنة كرافت مع حبق

[center]و شرائح زيتون ثم تغلفيه بالدقيق و البيض و البقسماط و يقلى
ماشاء الله
رووووووووووووووووعة والله
تسلم الايادي وبانتظارالمزيد من الطرق الرمضانية المميزة

[quote=79nana;6710723]اليوم جايبتلكم اللويمة :

كوب زبدة + كوب زيت + 2بيض + ظرف فانيليا +كوب مبشور ليم كيني + كوب سكر مرحي اني مرات انقص شوي لي نصف كوب +ملعقة صغير بيكن باودر
مايعجن دقيق
تعجن وتشكل هلالالالات وتنقششيها من فوق وترش عليها سكر احرش تم توضع في الفرن تم ناخد كل اتنين فوق بعض ومابينهم مربى برتقال او شربات ويرش من الجنب اما لوز مرحي او جوز هند ...

جربوها لدييييدة وخفيفة .

ماشاء الله يانانا
حلوياتك مميزة وااااااااااااااااو صنة الليم ما عنديش روح معاها
بعد ادنك زدت صفار بيضة في مقادير المقروض اليوناني
وجي رووووووووووووعة
الله يكرمك ويفرح قليبك بالقريب ااامين

السلام عليكم كيف حالكم
سود الهداب سامحينى طلت عليك اليوم حبيت نعطيك طريقة العشيشة
المقادير: كيلو دقبق، بيضة، نصف كوب عطر، ظرف فانيليا، مايعجن ماء
الطريقة : تعجن المقادير مع بعض وبعدين تحليها في ماكينة الرشته لرقم 5 وتفرميها باماكينة رشته الكسكاس كان تحبيها رقيقة وكان تحبيها غليضة بماكينة رشته البرمة انى عن نفسي اندير فيها في جيهة رشتة الكسكاس وبعدين تقليها في الزيت وتحطيها على ورق او كلينكس باش يشرب الزيت وتخليها تبرد وبعدين تكونى موتية عقدة عسل تكون جامدة ومحمسة كاكاوية ومهروشتيها تخلطى الكاكاوية مع العجينة المقلية وبعدين تصبى عليها عقدة العسل وعاد كان تبى ادلعى روحك زيدى العسل عسل طبيعى وحطى فيه شوية زبدة وتفرديهم في سفرة طارحة عليها نايلوا وتفرديه كويس بسمك صبع ونصف وخليها تبرد وتجمد وبعدين قصيها وحطيها في ورق الحلويات وقدميها وبالهنى

لاباس علي بنيتك ياروني والله
توحشناك واستغربت هالغيبة ان شاءالله ما تشوف سو

وانستينا ماماالاء
ما شاء الله عليك
والله يسلم يديك ورمضانك مبروك

يابنات احترت وين يلتقي
الرش اليي يزينو بيه الحلويات
الله يفتح عليكم بالخير
وين نلقاه بطرابلس

السلام عليكم
كيف حاااااااااااااااااااااااااالكم


مااااااااااااشاء الله
زينب منووووورة يا حبيبة
ويسلمو ايدياتك على الجزيرة


ربي يعطيكم الصحة وراحة الباااااااااااااااال
بصراحة مانحيررررروش كل شي في حلو وحارررر
الله يحفظكم

الله يهنيكم وخياتي

وبارك الله فيكم

كتبت بواسطة ماما الاء

شكرا على الترحيب الحلو
من عيوني سمحة
نعطيك شن عندي
واليوم نعطيك وصفة درتها جديدة كانت تجربة وجت والله زي العسل
وتستر في المناسبات وصنة وبنة ومنظرها حلو بالمرة
حصـــــــــــــــــــــــــري واختــــــــــــــــــــــــــراعي
ولتوة ما سميتهاش مع ان بابا قالي سميها صوابع لولو بس قاعدة ندور في اسم والشكل النهائي في المرفق
كيلو سكالوب دجاج مدقوق كل طرف منقع في
مبشور بصلة كبير + كلعقة كبيرة طحينة + كوب خل + كوب زبادي صغير + ملح فلفل اسود حسب الرغبة + كاشيك كبير هريسة عربية مفتخرة صنع ايديا وحياة عنيا + قطرتين زيت عادي
يتنقعو مع بعض ما بين ما وتينا الحشو
والحشو عبارة عن
كيمة عادية جدا ( لحمة مقلية في بصل وسمن مع شوية فلفل اسود وملح وتم الموضوع)
ناخذو كل طرف سكالوب ونحطو فيه شوية كيمة ونلفها كاني نلف في كلوني ونستفهم جنب بعض في طاجين من غير ما ندهنه باي شئ وبعدين نخليهم يتنقعو اكثر وتاخد الحشوة من بنة التنقيعة متاع السكالوب
قبل المغرب بربع شاعة نسخن الكوشة كويس من فوق ولوطة ونحط الطاجين ونشويهم من فوق قبل لين يتحمرو وبعدين نغطيهم بالسلفر ونحطهم من لوطة حوالي خمس دقايق مش اكثر
وتاكلوهم بالهناء والشفاء
وممكن جدا يتزين بالجبنة من فوق او خطوط مايونيز بس اني اليوم مستعجلة وحطيتهم بسرعة في السفرة
وان شاء الله يعجبوكم صدقوني طلعو يجننو
وسلام يا حلوين يللي بالعسل مقطرين

ماشاء الله علييك وربي يحفظك يا حبيبا

حانجربها اكيد راح تكون قنينة
من شكيلها تفتح النفس
الله يبارك فيك
ويسلمو ايديااااااااتك

كتبت بواسطة روني الحلوة

السلام عليكم استاحشتكم هلبة لكن سامحونى بنوتى الصغيرونة كانت مريضة مع زحمة رمضان هذا اللي شدنى عليكم لكن ماشاء الله عليكم منورين وناشطين وزاايدين ربي يبارك فيكم تنستينا ماما الاء ماشاء الله عليك الباين عليك فيلحة وطباخة بريموا قداش عجبتنى سلة العمبمبر ناوية نجربها انشاء الله وكله اللي عطيته شكله حاجة واو ونراجو في الباقي يعطيك الصحة ورمضانك مبروك

بعيد السو على بنيتي اني
ربي يطمنك عليها
والله يانسك يا حلوة
ويونسك بعويلتك وبنوتك وبوها وخوتها
لنا عودة
سلام يا عسل

كتبت بواسطة اسيرة السهر

الله الله عليك يا الاء ربي يحفظك ويخليلك اصحيحتك ....شكل السلة مش عادية ...ومازال نراجو في الباقي علي قولة اختي روني الحلوة الله يحلي ايامها وايامكم اجمعين

الله يخليك يا عسل
والله حشمتيني
بس متاكدة حتعجبك وتعجب ضيوفك
جربي وضوقي بالصحة عليك وادعيلي
سلام يا عسل