يا هلا والله بالحلوات الفالحات
ليمونة كلنا متغربات هئ هئ هئ
هى شنى مافيش حلاوات جدد
للبحث في شبكة لكِ النسائية:
|
يا هلا والله بالحلوات الفالحات
ليمونة كلنا متغربات هئ هئ هئ
هى شنى مافيش حلاوات جدد
اللهم اغفر لوالدى وارحمه وعافه واعف عنه واكرم نزله ووسع مدخله واغسله بالماء والثلج والبرد ونقه من الذنوب والخطايا كما ينقى الثوب الابيض من الدنس اللهم جازه بالحسنات احساناً وبالسيئات عفوا وغفراً يارب العالمين
الله الله الله على الملف هذا
هو السبب في لمتنا الحق
شنو يا بنات ما فيش حاجة جديدة .... حلو و الا حار
السلام عليكم
اهلا بكل اخواتي اليبيات... نبيكم تساعدوني فرح بنتي هبه قرب انشاء الله يوم 9 -11
تكون حنتها وما زلت مش عارفه ايش اندير
نطلب منكن انواع موالح وسلاطات جديده المعمول بها السنه هدي.... وشكر مقدما وانشاء الله دائما في الافرح
اهلين بالحبيبات
والله ليكم وحشة
الف مبروك يامطمئنة فرح هبة
وربي يتمم عليكم بخير
ووووينكن يا بنات من امس ولم يرد عليا احد
شكرا ام ياسمين وعقبال عندك يا رب
يس حبيت تشاركن معي في تحضير لوازم الفرح وخاصتا الحلويات
وهبه مش غريبه عليكن (هبة الجبل)
ياسلللللللللللللللللمها هبة واميمتها يارب يحفظها ويهنيها يااارب
يارب يفيدوك البنات لانهم في البلاد ويمشو للعراس لاكن زي حالاتنا المغتربات ياناري علينا خخخخ معاد نندرو علي حاجة
ولاكن نبي ننصحك قللي ودللي يعني ماتكتريش الماكلة وتكدسيها لان لما تكتر الماكلة الناس معادش تاكل من كترة الخيارات وكله يتلوح ولاكن لما تنسقي الصونية بشكل تكون حاجة نازكة وقنينة ولاكن مش هلبة تاكل الناس الباهي من غير ماتلوح شي
يارب افتدك بهالشوية هادي ياريت كنت نقدر انفيدك
والف مبروك لهبببببببببببببوش ان شاء الله بالرفاه والبنين يارب
باخي الوخيات تحياتي ليكم جميييييييييييعا ليا هللللللللبة مانخشش للنت ضروفي ماتسمحش ولاكن قلبي والله معاااااااااااااااااااااااااكم
تحياتي للجميع وهادي بوووووووووووووووووووووووووووووووووسة
كبيلة كبيلة هههههه زي البيبي نقصد كبيرة كبيرة ليكم كلكم
ربي يحفظكم ويرعاكم يارب
شكرا حبيبتي نانا وانا انشاء الله يرزفك بذرية وتشوفيهم عرسان .... نبي اندير نوعبن موالح مع طبق الرز والحم طبعا (رز بالخلطه ونوعين سلاطه) وتوه في بنغازي يديروا في المسقعه كنوع مقبلات
up لعيون الحلوين
المطمنئه
مبروك عليها العروسه ان شاءلله بالصحه وطولت العمر
يوم حنتها كان يوم دخولي 9-11
والله ياغاليه تمنيت نساعدك لكن ليا علي البلاد وعلي الاعراس ان شاءلله البنات يفيدوك يارب
أللهم أشفي لين شفاءاً لايغادر سقماً
أمطروني بدعواتكـــــــ أبنتي بحاجة اليها ــــــــم
ميني بسبوسة .حيالله الجميع
حبيبنا ورسولنا وقدوتنا ❥ نفحة عبير من حياة خير البرية ❥
كتابي نبرراس حياتي ( مشاركة تشجيعية لعيون ال الروضة )
جهزتو للهالوين ؟؟؟ تجهزاتي مع البنات ...حياكم الله [موضوع يستحق النقاش]
باهي كويس به علاش ماتديريش بدل المسقعة متلا حاجة تانية متلا طاجين البطاطا الي مقايلة عليها ام السنفور هي زي المسقعة لاكن بدل البادنجان بطاطا او عجبتني اكلة امدايرتها اخت هني اسمها ام مريم العراق شكلها حلوة ونحسها نازكة ديريها بدل المسقعة ...
ومتلا ديري معاها بقلاوة حارة حتى هي نازكة نوع من المعجنات وديري حويجة تانية وبس هدا رايي بسيط بس باش نعطيك افكار وملخص كلامي ماتديريش حاجة نوا نازلة موضتها لان اكيد في كل عرس تلقيها وتبدا الناس مالة منها وتبدي تصرفي في الفلوس علي حاجة مش مميزة وان شاء الله يعجبك رايي ويارب البنات الي في البنات يفيدوك يارب
ربي يهنيكم ويسعدكم
وهدا رابطها
http://www.lakii.com/vb/showthread.php?t=601318اصابع الكباب بالبادنجان المقلي في الطاجين ام مريم
اه اتدكرت حاجة املييييييييييييييييييييييييييحة لو عندكم قرون الفلفل الي مش حارة هي اسمها الفيرة فكرتها ساااااااااااااااااااهلة غير ماعنديش وقت انديرها كان هدا راني درتها وصورتهالك
شوفي كيف فكرتها هي عبارة عن قرون فلفل تحشيهم بالطن والزيتون معدنوس وشوية فلفل اسود وتملحي الفلفل قبلها وبعدني تقليهم في دحي ودقيق ولما تقلي الفليلللات راهو خلي المغطة الي فيها القرن من الخلف امغطية بيها الطن باهي وبعدين خودي اي عجينة امليحة وخفييييييييييييفة تحبيها وبعدين ابرميها زي ماتبرمي الابواق ولاكن علي قرن الفلفل المقلي وهكي لين تكملي المقدار وخلي بس الطعطوشة التالانية امتع القرن زعماتك ديل الفار باهي وبعدين خودي حبات قرنفل وديريهم من الامام زعماتك عيون الفار وبعدين حطيهم في الطاجين وادهنيها من فوق بالحليب او صفار البيض دخليها في الفرن رح تطلع شكلها متل الفار ولديييييييييييييييييدة وغير مكلفة وفطرة حلوة
اتمنى انها تعجبك يارب
تحياتي ليك وكان لقيت فكرة جديدة حنقولك عليها
آخر مرة عدل بواسطة 79nana : 25-10-2009 في 12:13 AM
مشكورة يازوبة على كل وصفاتك وياريت تعطيني ايميلك
الروابط المفضلة